Beto Tendula Balukwikilu na Beto ya Ke Tadila 1914

Masonuku ke siamisa beto na ‘kuvanda ya kuyilama sambu na kunwanina’ balukwikilu na beto mpi ‘na kusala yo ti mawete mpi luzitu ya mudindu.’ (1 Pie. 3:15) Na masonga yonso, beto lenda kuka mpenza ve kutendula bakieleka ya mudindu ya Biblia, mu mbandu mutindu beto ke zabaka nde Kimfumu yantikaka kuyala na 1914. Sambu na kusadisa beto, bo me yidika masolo ya bitini zole ya kulandana ya kele ti ntu-diambu “Disolo ti Mfinangani Mosi​—Nki Ntangu Kimfumu ya Nzambi Yantikaka Kuyala?” Masolo yai kele na nimero ya Nzozulu ya Nkengi yina beto ta kabula na kisalu na beto ya kusamuna na ngonda ya Oktobri mpi ya Novembri. Ntangu nge ke longuka masolo yai, tadila metode yina Cameron, ke sadila na nsadisa ya bangiufula yai ya ke landa.

• ke sikisa muwi sambu na kusosa mambu yina lenda sala nde bo wakana?​—Bis. 17:22.

• ke monisa kudikulumusa ntangu yandi ke tendula balukwikilu na yandi?​—Bis. 14:15.

• vutukila mbala na mbala na bunkufi mambu na ntwala ya kuluta na kitini ya nkaka?

• pema mbala na mbala mpi kuyula muwi kana yandi ke bakisa?

• longa ve muwi malongi mingi na mbala mosi?​—Yoa. 16:12.

Beto fwete monisa mpenza ntonda na Yehowa, Longi na beto ya Nene, sambu yandi ke longaka beto mutindu ya kutendula bakieleka ya Biblia ya mudindu na bantu yina kele na mpusa na yo!​—Yez. 30:20.