Mbandu ya Bangogo ya Kukotila na Masolo

“Beto ke kabula ba-emvitasio sambu na diambu mosi ya kuluta mfunu. Na Aprili 3, bamilio ya bantu na nsi-ntoto ta vukana sambu na kusungimina lufwa ya Yezu Kristu mpi ta landa diskure mosi ya ta monisa mutindu lufwa ya Yezu ke natilaka beto mambote. Emvitasio yai ke monisa ntangu mpi kisika yina lukutakanu yango ta salama na teritware na beto.”

“Lusungiminu ya lufwa ya Yezu Kristu ta salama na Aprili 3. Bantu ta vukana na dati yai sambu na kusungimina lufwa yango, kansi bantu ya nkaka ke zabaka ve nde lufwa ya Yezu vandaka mfunu. Inki kele dibanza na nge? Keti nge ke zaba nde lufwa mpi lufutumuku ya Yezu ke natilaka beto mambote? [Bika muntu yango kupesa mvutu.] Tala mambu yina Ndinga ya Nzambi ke tuba sambu na diambu yai. [Tanga 1 Bakorinto 15:22, 26.] Zulunalu yai ke tubila mambote yina kimenga ya nkudulu ya Yezu ta natila beto. Mambote yango kele nde na bilumbu ke kwisa, ata muntu mosi ve awa na ntoto ta fwa diaka.”

“Beto ke tala bantu mwa ntangu fioti sambu na kusonga bo zulunalu yai. [Songa yandi lutiti ya zulu.] Konso muntu kele ti dibanza na yandi na ngiufula yai ya ntete: ‘Keti Nzambi kele?’ Sambu na nge, banani lenda vanda ti dibanza ya mbote sambu bilumbu ke kwisa, bayina ke kwikilaka na Nzambi to bayina ke kwikilaka ve na Nzambi? [Bika muntu yango kupesa mvutu.] Lusilu yai ya Nzambi ke pesaka bantu mingi kivuvu. [Tanga Nkunga 37:10, 11.] Zulunalu yai ke tendula bikuma iya ya beto fwete sala bansosa sambu na kuzaba kana Nzambi kele to ve.”