-
‘Mona Kiese na Yehowa’Nzozulu ya Nkengi—2003 | décembre 1
-
-
‘Kuwila Bo Kimpala Ve’
3, 4. Mutindu Nkunga 37:1 ketuba, inki ndongisila Davidi kepesa, mpi sambu na nki yo kele mbote na kulanda yo bubu yai?
3 Beto kezinga na “bantangu ya mpasi,” (NW) mpi mambu ya mbi kekuma kaka mingi. Beto kemona kulungana ya mambu yai ya ntumwa Polo kutubaka: “Bantu ya mbi ti bantu ya luvunu, mbi na bo ta kwisa mingi, sambu bo ta kusaka bantu ya nkaka, bantu ya nkaka mpi ta kusaka bo.” (2 Timoteo 3:1, 13) Yo kele mpasi ve kibeni nde luzingu ya bantu ya mbi yina kemonanaka na meso bonso ya kutoma mpi ya kimvwama kukusa beto! Mambu yai yonso lenda katula dikebi na beto mpi kunata beto na kukonda kutula mambanza na beto yonso na mambu ya kimpeve. Tala mutindu bangogo ya luyantiku ya Nkunga 37 kekebisa beto na kigonsa yina lenda kumina beto: “Kumona mpasi ve sambu na bantu yina ke salaka mbi, kuwila bo mpi kimpala ve.”
4 Bansangu ya inza yina kelutaka konso kilumbu na T.V., na radio, kesongaka beto mambu mingi ya mbi. Bantu ya mumbongo keyidikaka makambu na bo na mpila nde bo pesa bo ve ndola ata bo kesala mambi. Bantu ya nku kenyokulaka bantu yina kekondaka lutaninu. Bantu yina kefwaka bantu, bo kesengumunaka bo ve, to nkutu bo kepesaka bo ve ndola. Bambandu yai yonso ya kukonda lunungu lenda pesa makasi mpi kukatula beto ngemba na mabanza. Luzingu ya bantu ya mbi yina kemonanaka na meso bonso ya kutoma lenda nkutu kupusa muntu na kulula bo. Kansi ata nge wa makasi keti nge lenda soba makambu? Keti kulula kutoma ya meso ya bantu ya mbi lenda soba ndola yina ya Nzambi tapesa bo? Ata fyoti ve! Ya kyeleka, yo kele mfunu ve ata fyoti nde beto ‘mona mpasi.’ Sambu na inki?
-
-
‘Mona Kiese na Yehowa’Nzozulu ya Nkengi—2003 | décembre 1
-
-
6. Inki dilongi beto lenda baka na Nkunga 37:1, 2?
6 Keti beto fwete pesa nzila nde kimvwama ya ntangu fyoti ya bantu ya mbi kupusa beto na kuwa mpasi na ntima? Dilongi ya beto kebaka na baverse zole ya ntete ya Nkunga 37 kele yai: Kupesa ve nzila nde kutoma ya meso ya bantu ya mbi kupusa nge na kuyambula nzila ya kusadila Yehowa yina nge meponaka. Kansi, tula mabanza na nge yonso na balusakumunu mpi balukanu ya kimpeve.—Bingana 23:17.
-