-
“Beno Landa Mbandu ya Nzambi” na Mutindu Beno Ke Sadila KiyekaKwenda Pene-Pene na Yehowa
-
-
10. (a) Nzambi me pesaka bibuti nki kiyeka? (b) Ngogo “malongi” ke tendula nki, mpi nki mutindu bibuti fwete pesa yo? (Tala mpi noti na nsi ya lutiti.)
10 Bibuti mpi kele ti kiyeka yina Nzambi me pesaka bo. Biblia ke tuba nde: “Batata, beno pesa ve bana na beno makasi, kansi beno landa na kusansa bo na malongi mpi na balukebisu ya Yehowa.” (Baefezo 6:4) Na Biblia, ngogo “malongi” lenda tendula “kusansa, kupesa formasio, mpi kulonga.” Bana ke vandaka na mfunu ya malongi; bo ke yelaka mbote kana bo ke pesa bo bantuma ya pwelele mpi ke songa bo mbote-mbote mambu yina bo fwete sala. Biblia ke monisa nde malongi to disipline ya mutindu yai, ke kwendaka nzila mosi ti zola. (Bingana 13:24) Yo yina, kusadila “fimbu” ya malongi ke tendula ve ata fioti kuniokula mwana, yo vanda na mawi to na nitu.a (Bingana 22:15; 29:15) Kana bibuti kele makambu ngolo-ngolo to me konda zola ntangu bo ke longa bana, yo ta monisa nde bo ke sadila mbote ve kiyeka na bo; yo lenda niokula mwana na mabanza. (Bakolosai 3:21) Kansi, kana bibuti ke longa bana na bukati-kati yonso, bana ta bakisa nde bibuti ke zolaka bo mpi ke zolaka nde bo yela mbote.
-
-
“Beno Landa Mbandu ya Nzambi” na Mutindu Beno Ke Sadila KiyekaKwenda Pene-Pene na Yehowa
-
-
a Na ntangu ya ntama, ngogo ya Kiebreo ya bo ke balulaka nde “fimbu,” vandaka kutendula kanti, bonso kanti yina bangungudi ke sadilaka sambu na kutwadisa mameme. (Nkunga 23:4) Mutindu mosi, na yina me tala kiyeka ya bibuti, “fimbu” ke pesa ngindu ya kutwadisa na zola, kansi ve ya kupesa ndola ya ngolo.
-