Зәбүр

Ехобаға алғыс айтыңдар, өйткені ол ізгі+,

Айнымас сүйіспеншілігі мәңгі+.

 3 Әділдік жолын ұстанатындар,

Әрдайым дұрыс әрекет ететіндер бақытты+.

 5 Таңдап алған адамдарыңа+ көрсеткен ізгілігіңе мен де ортақтасайын,

Халқыңмен бірге қуанайын,

Меншікті иелігіңмен бірге өзіңді мақтан тұтып даңқтайын.

 6 Бабаларымыз сияқты біз де күнәға баттық+,

Заңсыздық істедік, зұлымдық жасадық+.

Ұлан-ғайыр айнымас сүйіспеншілігіңді есте ұстамады,

Қайта, теңіздің, Қызыл теңіздің, бойында бүлік шығарды+.

 8 Сөйтсе де ол өз есімі үшін+,

Құдіретін паш ету үшін оларды құтқарды+.

 9 Бұйырып еді, Қызыл теңіз құрғап қалды;

Шөл даламен алып жүргендей,

Оларды теңіз түбімен алып шықты+.

10 Жауларының қолынан құтқарды+,

Дұшпандарының қолынан қайтарып алды+.

11 Жауларын сулар басып қалды,

Бірде-біреуі аман қалмады+.

12 Сонда халық оның уәдесіне сенді+,

Оған мадақ әнін айта жөнелді+.

13 Бірақ олар Құдайдың істерін тез ұмытып кетті+,

Оның ақыл-кеңесін күтпеді.

14 Қайта, құла түзде құмарлықтарына салынды+,

Құдайды шөл далада сынады+.

15 Сонда ол сұрағандарын берді,

Бірақ артынан індет жіберіп, әбден әлсіретті+.

16 Қоста олар Мұсаны күндеп қызғанды,

Ехобаның қасиеттісі+ Харонға да іштарлық жасады+.

17 Сонда жер жарылып, Датанды жалмап қойды,

Әбирамға ергендерді де көміп қалды+.

18 Тобырларының арасында от лаулады,

Зұлымдарды от жалыны жалмады+.

19 Халық Хорибте бұзау мүсінін жасады,

Қолдан құйылған пұтқа табынды+.

22 Хам жеріндегі кереметтерін+,

Қызыл теңіздегі айбынды істерін+ естен шығарды.

23 Құдай оларды құртуды бұйырмақшы еді,

Бірақ таңдап алған қызметшісі Мұса араша түсіп,

Жойқын қаһарынан қайтуын өтінді+.

24 Кейін олар керемет жерді менсінбеді+,

Оның уәдесіне сенбеді+.

25 Шатырларында күңкілдеулерін қоймады+,

Ехобаның үніне құлақ аспады+.

26 Сондықтан ол қолын көтеріп ант етті,

Оларды шөл далада құртатынын+,

27 Ұрпақтарын ұлттар арасында жер құштыратынын,

Шартарапқа бытыратып жіберетінін мәлім етті+.

28 Кейін олар Пеғор Бағалына құлшылық етті+,

Өлілерге* арналған құрбандықтарды жеді.

29 Істерімен оны ашуландырды+,

Сондықтан араларында індет жайлады+.

30 Бірақ Пінехес тұрып, іске араласты,

Сонда апат тоқтады+.

31 Сол үшін ол әділ деп саналды,

Ұрпақтан ұрпаққа солай болды+.

32 Олар Мериба* суының маңында да Құдайды ашуландырды,

Солардың кесірінен Мұса жапа шекті+.

33 Халық Мұсаның ашуына тиді,

Сондықтан ол қызбаланып ағат сөйледі+.

34 Олар Ехобаның бұйрығын орындамады,

Маңындағы халықтарды жоймады+.

35 Қайта, олармен қоян-қолтық араласты+,

Арам істеріне де ортақтасты+.

36 Пұттарына да табынды+,

Бұл өздеріне тұзақ болды+.

37 Өз ұлдарын құрбандыққа шалды,

Қыздарын жындарға ұсынды+.

38 Олар ұл-қыздарының,

Жазықсыз жандардың, қанын төге берді+,

Оларды Қанахан пұттарына құрбандыққа берді+,

Осылай қанды судай төгіп, елді арамдады.

39 Жасаған қылықтарымен арамдалды,

Осындай істерімен жезөкшелікке салынды+.

40 Сондықтан халқына Ехобаның қаһары қайнады,

Меншікті иелігіне жирене қарады.

41 Өздерін жек көргендер оларға билік етсін деп,

Құдай оларды өзге ұлттардың қолына беретін+.

42 Жаулары қыспақтап қанайтын,

Билеп-төстеп қорлайтын.

43 Құдай оларды көп рет құтқарды+,

Бірақ олар мойынсұнбай, бүлік шығаруын қоймады+,

Күнәларының кесірінен құлдырады+.

44 Сөйтсе де қиналғандарында, ол назар салатын+,

Көмек сұрап жалбарынған үндеріне құлақ асатын+.

45 Солардың игілігі үшін келісімін еске алатын,

Айнымас сүйіспеншілігі мол болғандықтан жаны ашитын+.

46 Тұтқында ұстағандардың бәріне

Оларды мүсіркетіп қоятын+.

47 Уа, Құдайымыз Ехоба, бізді құтқаршы+,

Ұлттар арасынан жинап алшы+.

Киелі есіміңе алғыс айтайық,

Өзіңді мадақтап шаттанайық+.