Johannesimit 1.

4 Asasakka, oqaatsit isumas­sarsiarititaasut* tamarluin­naasa upperiniaqinasigit. Maanna pruf­fiitit ilumuun­ngitsut amerlaqim­mata oqaatsit isumas­sarsiarititaasut* Guutimit aal­laaveqar­nersut paasiniar­tarsiuk.

2 Oqaatsit isumas­sarsiarititaasut Guutimeersuunersut ima paasisin­naavarsi: Oqaatsit isumas­sarsiarititaasut Jiisusip Kristusip inut­tut timeqarluni nunarsuarmukarsimaneranik upper­narsaasut Guutimit aal­laaveqar­put. 3 Oqaatsilli isumas­sarsiarititaasut Jiisusip inut­tut timeqarluni tikius­simaneranik upper­narsaan­ngitsut Guutimit aal­laaveqan­ngil­lat. Kristusimik akerlilersuisoq, tikiut­tus­saq tusarsimasarsi, taama nunarsuarmi oqalut­talereersimavoq.

4 Ikin­ngutikka,* Guutimit siulersor­neqar­pusi, ilis­sin­nillu ataasioqateqar­toq inun­nik allanik tamanik ataasioqateqar­tumit annerum­mat pruf­fiitit ilumuun­ngitsut ajugaaf­figaasi. 5 Pruf­fiitit ilumuun­ngitsut inun­nit siulersor­neqar­put. Taamaat­tumik eqqar­tor­tagaat inun­nit aal­laaveqar­put inoqatimin­nillu tusar­naar­neqar­tarlutik. 6 Uagut Guutimit siulersor­neqar­pugut. Guutimik ilisarisiman­nilersup tusar­naar­tar­paatigut, Guutimilli siulersor­neqan­ngitsup tusar­naar­neq ajor­paatigut. Taamaalil­luta oqaatsit isumas­sarsiarititaasut ilumoor­tut oqaatsinit isumas­sarsiarititaasunit ilumuun­ngitsunit immik­koor­tis­sin­naavagut.

7 Asasakka, asan­nin­neq Guutimeersuum­mat asaqatigiit­tuarta. Kinaluun­niit asan­nit­toq Guutimit erniul­lunilu Guutimik ilisarisiman­nip­poq. 8 Guuti tas­saam­mat asan­nin­neq asan­nin­ngitsoq Guutimik ilisarisiman­nin­ngilaq. 9 Guutip ernituamigut inuulersin­naaq­qul­luta ernituani nunarsuarmut aal­lar­tik­kamiuk asan­nit­tuliorfigaatigut. 10 Guutip ernini ajor­tuliagut pil­lugit pil­liutis­satut saam­maan­neqaatis­satut aal­lar­tip­paa. Taamaalior­poq imaan­ngitsoq asagatsigu, kisianni asagamisigut.

11 Asasakka, Guutip taama asam­matigut uagut­taaq asaqatigiin­nis­samut pisus­saavugut. 12 Kialuun­niit Guuti takusiman­ngisaan­nar­paa. Asaqatigiit­tuarutta Guuti uatsin­niit­tuas­saaq, asan­nin­neralu uatsinni naam­mal­luin­nar­tun­ngus­saaq. 13 Anersaaminik tunim­matigut ataasioqatigiuarlutigu ataasioqatigiuaraatigullu nalun­ngilar­put. 14 Tamatuma saniatigut Ataatap ernini inun­nik aniguisitsisus­satut aal­lar­tik­kaa takul­lugulu upper­narsar­par­put. 15 Kinaluun­niit Jiisusip Guutimut erneruneranik upperin­nit­toq Guutimit ataasioqatigineqar­tuas­sal­lunilu Guutimik ataasioqateqar­tuas­saaq. 16 Aamma Guutip asagaatigut paasil­lugulu upperaar­put.

Guuti tas­saavoq asan­nin­neq, asan­nit­tulior­tuar­torlu Guutimik ataasioqateqar­tuas­saaq, Guutillu ataasioqatigiuas­savaa. 17 Asan­nin­neq taamaalil­luni uatsinni naam­mal­luin­nar­tun­ngor­tin­neqar­poq. Kristusitut inuit ajor­tut akor­nganni inuugatta ullormi eqqar­tuus­sif­fis­sami sapiil­luta* oqalus­sin­naavugut. 18 Siooraneq tunuarsimatitsisar­poq. Asan­nin­nerli naam­mal­luin­nar­toq sioorajun­naarsitsisarmat* Guutimik asan­nit­toq siooras­san­ngilaq. Sioorasar­tup asan­nin­nera naam­mal­luin­nar­tuun­ngilaq. 19 Asaq­qaarmatigut asan­nip­pugut.

20 Guutimik asan­nin­neraraluarluni qatan­ngutiminik uumis­suisoq sal­lutuujuvoq. Qatan­ngutiminimmi takusimasaminik asan­nin­ngitsup Guuti takusiman­ngisani asasin­naan­ngilaa. 21 Aamma ima inap­paatigut: Guutimik asan­nit­toq aamma qatan­ngutiminik asan­nis­saaq.