Johannesimit allakkat siulliit

1 Aallaqqaammulli pinngortoq, tusarsimasarput, takusimasarput, qimerloorsimasarput assatsinnillu malugisimasarput – tassa oqaaseq inuussutaasoq – pillugu allaffigaassi. 2 (Inuuneq naassaan­ngitsoq Ataatap tunniussaa ilisimalersimasarput paasisarpullu ilissinnut ilisiman­nittutut nassuiarlugulu nalunaarutigaarput). 3 Ataatamik erneranillu Jiisusimik Kristusimik ataasioqateqar­nitsitut ataasioqatiginias­sagatsigut takusarput tusagarpullu ilissinnut aamma nalunaarutigaarput. 4 Nuannaarluin­narnias­sagattalu tamakku pillugit allaffigaassi.

5 Una tusarliussaq Jiisusimit tusagarput ilissinnut nalunaarutigaarput: Guuti tassaavoq qaamaneq, taassumanilu taarnersaqan­ngilluinnarpoq.* 6 Taartumi inuulluta ataasioqatiginerarutsigu sallussaagut ilumoortorlu malillugu inuunata. 7 Qaamanermiin­neratulli qaamanermi inuugutta ataasioqatigiissaagut, erneratalu Jiisusip aavata ajortuliagut tamaasa piissavai.

8 Oqarutta ajortiliunata immitsinnut salloqit­tassallutalu ilumoortoq uatsinniis­sanngilaq. 9 Aalajaallunilu naapertuil­luartuugami ajortuliornigut nassuerutigigutsigit isumakkeerfigis­sallutalu eqqunngitsuliagut tamaasa piiassavai. 10 Oqarutta ajortiliunata sallutuun­ngortis­savarput, oqaasialu uatsinniis­sanngilaq.