Oqaloqatigin­nillaqqissuseq

Fiilippi qanoq iliortoq

VIDEO: Fiilippip Eunukki Etiopiamiu oqaluus­siffigigaa

1. VIDEO isiginnaaruk, imaluunniit Apustilit Suliaat 8:30, 31 atuakkit. Apeqqutillu uku eqqarsaatigikkit:

1. Fiilippip oqaloqatigiinneq qanoq aallartippaa?

2. Sooq Fiilippip periaasia uani tulluarpa, qanorlu kinguneqarpa?

Fiilippi sumik ilinniarfigaarput?

2. Oqaloqatigiuminarlutalu oqaloqatigisatta soqutigisaanut naleqqus­sartarutta ilimanarpoq oqaloqatigisarput ammanerulissasoq tusarlius­sarpullu tusarnaarumanerulis­sallugu.

Fiilippi ilaaruk

3. Malussarittuugit. Inuup qanoq ittuunera kiinaatigut timaatigullu takuneqarsin­naasarpoq. Oqaloqatigin­nikkusup­pasippa? Immaqa Biibilimeersumik saqqummius­siffigisinnaavat ima aallarniillutit: “Nalunngiliuk … ?” Oqalukkusun­ngippat pinngitsaaleqinagu.

4. Utaqqisin­naassuseqarit. Ingerlaannaq Biibilimiit allassimaffimmik eqqartuisariaqan­ngilasi. Periarfissamut tulluartumut utaqqigit. Imaassinnaavoq aatsaat tulliani oqaloqatigigukku allassimaffimmik eqqartuisusi.

5. Soqutigisaanut tulluus­sartarit. Naatsorsuutigin­ngisannik eqqartugaqalersinnaavoq. Taamaat­toqarpat allassimaffik piareersarsimasat samminagu inuup eqqartugaanut tulluartumik sammisaqalerit.