Inussiar­nersuuneq

Jiisusi qanoq iliortoq

VIDEO: Jiisusip tappiitsoq ajorunnaarsippaa

1. VIDEO isiginnaaruk, imaluunniit Johannesi 9:1-7 atuakkit. Apeqqutillu uku eqqarsaatigikkit:

1. Jiisusi qanoq ilioqqaarpa? Tappiitsoq ajorunnaarseq­qaarpaa, imaluunniit oqaluus­siffigeq­qaarpaa? – Johannesi 9:35-38 takukkit.

2. Sooq tappiitsoq Jiisusimut tusarnaarusus­soraajuk?

Jiisusi sumik ilinniarfigaarput?

2. Oqaloqatigisarput uagutsinnit soqutigineqartutut misigiguni taava tusarnaarusun­nerulissaaq.

Jiisusi ilaaruk

3. Misigin­neqatigin­nittuugit. Oqaloqatigisat qanoq misiginersoq maluginiaruk.

1. Imminut ima aperigit: ‘Sunamita isumakuluutigaa? Sunamita soqutigaa iluaqutigisin­naallugulu?’ Apeqqutit taakku eqqarsaatigigukkit inussiar­nisaarnermik ilumoorlutit ersersitsivigisin­naassavat.

2. Tusarnaarluartarit. Taamaalioruit ersersitsivigissavat taassuma pingaartitai soqutigalugit. Isumakuluutiminik oqaluttuuppatit allamut saannaveersaartarit.

4. Inussiar­nersumik ataqqin­nittumillu oqalugit. Ilumoorlutit ikiuerusus­suseqarlutillu misigin­neqataaguit tamanna oqaloriaatsinnit ersissaaq. Qanoq oqaaseqas­sanerlutit qanorlu nipeqarnerit eqqumaf­figikkit. Oqaloqatigisannut ajuallan­narsinnaasumik oqaaseqar­naveersaarit.

5. Ikiuiumatuugit. Oqaloqatigisat ikiorumallugu qanoq iliorsin­naanerit eqqumaffigiuk. Ikiuisaruit oqaloqatigineqarusun­nerulissaatit.