Umiartortoq ilinniarfiguuk

IMAANNARSUARMI kisimi umiartorluni qasunarsinnaavoq. Qasungaarnerup umiartortoq immikkoortitsisinnaassusiisigut sunnersinnaavaa kukkutillugu kukkusumillu aalajangiisillugu. Taamaattumik tissukartaatip pingaaruteqassusia nalunngilluinnarpaa. Qasuguni tissukartaat taamaattoq atortillugu umiatsiaq isumannaatsumik tissukartillugu qasuersaarsinnaavoq inuummarissarsinnaallunilu. Tissukartaatip umiatsiap siua anorimut malinnullu sammitissavaa umiatsiaq aalajaannerulersillugu.

Soorlu umiartortut imaannarsuarmi navianartorsiortartut, taamatuttaaq kristumiut silarsuarmik tatineqartuartarput qasuersaarnissartillu pisariaqartillugu. Tamanna eqqarsaatigalugu ilaanni Jesusi ajoqersukkaminut peqquai: ’Ilissi asimut qaagallaritsi inoqanngitsumut, qasuersaallatsiarlusilu.’ (Mákorse 6:31) Ullumikkut amerlaqisut sapaatip-akunnialuit sapaatilluunniit akunnerata naanerani ilaquttatik qasuersaaqatiginiarlugit aallartarput. Taamaaliorneq inuummarissaataasinnaavoq nutaanillu nukissaqalersitsisarluni. Taamaaliortarnerit anersaakkut navialitsitsinnaanerat qanoq pinngitsoortinneqarsinnaava? Nalinginnaq tissukannginnissatsinnut anersaakkut ittumik tissukaartaateqarpugut iluaqutigisinnaasatsinnik?

Jehovap tunisiumatussutsimini tunissutissasitissimavaatigut, tassa oqaatsini illernartoq, Biibili. Ullut tamaasa atuartarneratigut Jehovamut qanimut attaveqalersisinnaavaatigut tassanngalu tissukaatitinnisarput pinngitsoortissinnaallugu. Siunnersuutaata aalajaallisarsinnaavaatigut Satanillu taassumallu silarsuaata ussiiniutaanut akiuussinnaalersilluta. Akuttoqatigiimmik Biibilimik atuartarutta, aamma ulluinnarni inuunitta avataatigut, anersaakkut ittumik tissukartaatigissavarpullusooq. — Josva 1:7, 8; Kulorsamiut 2:7.

Eqqaamasassatsitut tussiaasiortoq oqarpoq: ’Pilluarpoq Jehovap inatsisaanik nuannarisaqartoq inatsisaalu eqqarsaatigalugit ullukkut unnuakkullu.’ (Tussiaat 1:1, 2) Ullut tamaasa Biibilimik atuarneq ʹpillualersitsisarpoqʹ inuummarissilersitsisarlunilu nutaamik nukissaqalersitsisarmat, kristumiutut inooriaaseqaannanissamik aajalangiusisitsisumik.