Tamakkiisumik uummateqarlutit oqaluussisarit
Imm. 5: Tamakkiisumik uummateqarluni oqaluussisoq akissarsisinneqangaassaaq
1 Tamakkiisumik uummateqarlutik imminut kiffartortunut Jehovap „ajunngitsuliornerpassui“ kisissaanngillat. (Tuss. 116:12) Qanorli ililluta nammineq inuttut kiffartornitsinni tamakkiisumik pilluaqqusaanermik angusisinnaavugut? Jehovap sunik pilluaqqussutissaqartippaatigut, qanorlu iliortariaqarpugut taassumannga iluarisaalerumalluta?
2 Nammineq iliuuseqartariaqarpugut: Jehovap qanoq atsigisumik uagutsinnik pilluaqqusinissaanut uagut nammineq taassuma piumasaanik iliorniarluta qanoq ilungersortiginerput aalajangiisuusorujussuuvoq. Oqaluussineq pillugu Paulus ima allassimavoq: ’Tamarmik immikkut akissarsissapput immikkut suliniarnertik missiliorlugu.’ (1 Kor. 3:8) Taamaattumik sapinngisamik annertuumik oqaluussinermut peqataaniarniarta. Inuppassuarnik, allaallu ilagiinnik tamarmiusunik, Guuti pillugu ajoqersuisinnaatitaanermik inuttut akissarsiaq apustili Paulusip misigisimavaa. Inuit ajoqersukkani tamakku uppernermikkut aalajaatsut takullugit assut nuannaartarsimavoq. (1 Tás. 2:19, 20) Immaqa illit pissutsit atukkatit pissutigalugit Paulusip oqaluussinermut peqataasimaneratut annertutigisumik peqataanissat ajornarpoq. Pilluaqqussutaassannginnerpali angisoorujussuaq inuk alla imaluunniit ilaqutariit tamarmiusut ataatsit inuunerup aqqutaatigut ingerlalernissaannik ikiorukkit? Tamanna oqaluussinermik aallussilluarnissamut soqutiginnittullu pulaaqqittarnerisigut Bibelimillu atuaqqissaaqateqartarnikkut soqutiginninnermik malittarinninnissamut pissutissaalluarpoq.
3 Pilluaqqusaanerit allat: Tamakkiisumik uummateqarluta kiffartorutta Jehovamut Jesus Kristusimullu qaninnerusumik attaveqalissaagut. Tamanna akissarsiaavoq nalissaqanngitsoq. (Mat. 11:29, 30; 1 Kor. 3:9) Aammattaaq oqaluussinermi Guutip anersaavata ikiuinera malugalugu nuannersorujussuuvoq. (Mat. 10:20; Juán. 14:26) Kiisalu oqaluussinermi allanik suleqateqaraangatta asanninnerup ataasiussutsillu nimiat ninngunerulersarpoq.
4 Ilagiit piumasaminik naammassinninniarnermini atortorisai tapersersunngikkutsigik Jehovap tamakkiisumik pilluaqqusinera angusinnaanngilarput. (Naleqqiuguk Kunnginik allakkat aappaat 10:15.) Guutip pilersuiffia aqqutigalugu uagutsinnut unnersuussutit tamakkiisumik uummateqarluta maleruaraangatsigik ilagiillu suliniutaannut suleqataajuaannaraangatta Satanip pilersaarutipiluinut peqqusersuunut sernissorneqartarpugut, taamaakkaangallu oqaluussinermi ajunnginnerusumik angusaqarnissatsinnut periarfissaqartarpugut.
5 Ilanngutassiani tulleriiaartuni tallimani oqaluussinermi tamakkiisumik uummateqarnissamut tunngasuni pingaaruteqartut arlallit erseqqissarneqarsimapput. Jehovamut qujamasunnermik, tamakkiisumik uummateqarluni kiffartornissamut kajumissisitsisumik, qanoq ililluni ineriartortitsisoqarsinnaasoq eqqaamaviuk? (Juli) Angorniorluni oqaluussisinnaajumalluni piareersarnissaq sooq pingaaruteqarpa? Qanoq piareersarsinnaavugut? (Augusti) Oqaluussisartut misilittagaqarluartut qanoq ilillutik allat tamakkiisumik uummateqarlutik kiffartornissaannik ikiorsinnaavaat? (Septemberi) Inuttut nammineq pilersaarusiornerup qanoq ililluni oqaluussinermi tamakkiisumik uummateqalernissatsinnik ikiorsinnaavaatigut? (Oktoberi) Siunnersuutit tamakku maleruarpigit?
6 Jehovap kissaatigaa naalassagitsinni, uagutsinnut iluaqutaammat. (Jes. 48:17) Aammattaaq tamakkiisumik uummateqarluta kiffartorutta allanut iluaqutaassaaq. (1 Tim. 4:15, 16) Qularutigissanngilarput suliassaq suli naammassiniagassarput eqiasuilluta aallukkutsigu Jehovap malugissammagu, inuunerlu naassaangitsoq, ’kingornussassaq, akissarsiariumaaripput’. — Kul. 3:23, 24. (km 91/11 Vær helhjertet . . . 5. del)