Jehovap oqaaqqissaarutaanut kajumippit?
1 Tussiaasiortup Jehova ima unnersiutigaa: „Eqqarsaatigiuarpakka inassutitit.“ (Tus. 119:99) Hebriiarit oqaasiat ’oqaaqqissaarutit’ Jehovap inatsisaanut, aaqqissugaanut, unnersuussutaanut, aalajangigaanut peqqussutaanullu eqqaasitsilerput. Tamakkununnga eqqaasitsissutigineqartunut qisuariarutta anersaakkut ittumik kajumissilissaagut pilluarnerlu misigissallutigu. — Tus. 119:2
2 Jehovap innuttaasut akuttunngitsumik siunnersuutinik kaammattuutinillu pisarpugut. Amerlanersaat tusarnikuuvavut. Tamakku pingaartikkaluarlutigit puioqqajaasarpavut. (Jâko 1:25) Taamaattumik Jehovap kamajuilluni asannittumik tamanna isumagisarpaa eqqaasittuartarluta. Apustilip Peterip oqaaqqissaarutit ilaat allassimavai ’eqeersaatigeqqullugit eqqaasissutigeqqullugit Naalakkamit annaassisumit inassutigisaat’. — 2 Pît. 3:1, 2.
3 Eqqaasinneqaqattaartuartarpugut immikkut atuaqqissaartarnerup ataasimiittunullu peqataasarnissap pingaaruteqassusianik. Pissutaavoq sammisassat tamakkua anersaakkut inissisimanitsinnik pingaaruteqartorujussuummata. — 1 Tim. 4:15; Epr. 10:24, 25.
4 Oqaluussiartornissamik kristumiut pisussaaffiat ilaannut unamminiarnarnerpaavoq. Aalajangeriataallaqqissuseqartariaqarpoq, qasusuittariaqarluni aalajangersimasumillu siunertaqartariaqarluni. Imminut piumaffiginninnerugaluaqisoq, ’aalajaassinnaanissatsinnut’ iluaqutigisarparput tamannalu pillugu ’isikkatsigut kamissimalluta iivangkiiliu eqqissinartoq piareersaatigalugu’. — Evf. 6:14, 15.
5 Kiffartuussinermut pissutiginiakkatta tunuliaqutaa paasinnittariaatsikkut Jehovap piumasaanik nassuerutiginninnerinnaanngilaq. Apustili Paulusip eqqaasippaatigut uummatip pissutiginiagaqalersittaraatigut ’qanikkut nassuerluni annakkumaarnissamik’. (Rûm. 10:10) Uppernerput nukittuujuppat uummarterpullu Jehovap oqaaqqissaarutaanut kajumippat aqqata unnersiutiginissaanik oqaluutiginnittariaqalersittarpaatigut. — Tus. 119:36; Mat. 12:34.
6 Eqiasuilluta ajunngitsunik suliaqarutta naatsorsuutigisinnaavarput nuannaarutissarsiffigiumaarlugit. (Nal. 2:10) Paulusip eqqaasimavaa nuannaarneq Jehovap anersaavata inerititaasa ilagigaat, nuannaarnerlu tamanna annertuumik ersersinniartariaqarparput. (Gal. 5:22) Peter nangilluni allappoq ’tamanna ilungersuutigingaarutsigu’ kiffartornerput akilerneqarumaartoq inerititalimmik nuannaarnermillu kinguneqassalluni. — 2 Pît. 1:5-8.
7 Misilinneqarnermik nalaataqaraangatta eqqaamasariaqarpavut apustilit aalajaangersimanerat ima oqaramik: ’Takusavut tusakkavullu oqaatiginnginneq saperpavut.’ (ap. sul. 4:20) Nukittorsarneqartarpugut qasusuisaarnissatsinnik eqqaamagaangatsigu eqqortumik iliorutta ’annatsikkumaaratta tusartigullu annatsikkumaarlugit’. — 1 Tim. 4:16.
8 Oqaaqqissaarneqarnerit pisartuakkavut kamaatiginngilavut puffassutiginagilluunnit, paasillutiguli qanoq pingaaruteqartigisut. (Tus. 119:129) Jehova qujamasuffigaarput ulluni kingullerni ajornartuni oqaaqqissaartuarmatigut kajumissilersilluta anersaakkut pissutiginiagaqartillutalu eqiasuilluta ajunngitsunik suliaqarnissatsinnut. — 2 Pît. 1:12,13. (kmD 95/7 Lader du dig opflamme . . .?)