Inuuneq navianartorsiorpoq!
1 Biibilimi erseqqississarneqarpoq Jehovap ’inuit tamarmik annannissaat’ kissaatigigaa. Paasinarporli milliardilippassuit siunissaannut Jehova Guutimut Jesus Kristusikkullu naalagaaffianut qanoq qisuariarnerat pingaaruteqarluinnartoq. Tamatumunnga eqqortumik isiginnittaaseqarneq ’sallusuissummik ilisarsinermik’ taamaallaat tunngavilerneqarsinnaavoq. (1 Tim. 2:3, 4) Paasigutsigu Guutip silarsuassaa naapertuilluarfiusoq piareersarlugu ungasinngitsumi nunarsuup ajortuiarneqarnissaa qanillisoq inuunermut pingaaruteqartoq uatsinnut suliareqqusaq suliariuartariaqarparput. (Mat. 24:14; 28:19, 20; Rûm. 10:13-15)
2 Sooq nukinginnarpa? Jesusip mianersoqqussutigaa ’naalliunnartoqangaassasoq silarsuaqaleqqaarneranit mannalu tikillugu naleqanngisaannartumik’. (Mat. 24:21) Naalliunnartussap tamatuma Harmagedonimi sakkortunerpaaffissani nallerumaarpaa. (sar. 16:16) Inuppassuit nutaarsiassamik nuannersumik ilassinnikkumanngikkunik ajunaartussat ilagissavaat ilaquttavut uppinngitsut, salinivut, suleqativut, atuaqativut ilisarisimasavullu. ’Inuilli tamaasa’ angunissaat soqutigisariaqarparput, soorlu Guutip silarsuup inuinut asanninnini takutikkaa ernini Jesus Kristus inunnut tamanut utertitsissutissatut tunniullugu. (Juá. 3:16) Taamaattumik ilungersorluta Guuti isumannaatsumik qimarravigeqqullugu kajumissaartuartariaqarpavut. Oqaluussinikkut suliassap naammassineratigut aammik kuiseqataasutut pisuutinneqassanngilagut. — Hes. 33:1-7; 1 Kor. 9:16.
3 Suna anguniagaraarput? Oqaluussinissap pingaaruteqassusia Guutip oqaasiani tamani ersippoq. Paulusip erseqqissarpaa ’Kristusip asanninnerata pinngitsaaligaatigut’ Guutip aqqutaanut naapertuuttumik inuunissatsinnut. (2 Kor. 5:14) Aammattaaq oqaluussisussaatitaanerput Napasuliaq Alapernaarsuiffik-mi erseqqissarneqartuartarpoq. Guutip Naalagaaffianut Kiffartorneq aqqutigalugu ajoqersorneqartuartarpugut qanoq oqaluussissasugut. Ilagiinni utoqqaanertat suliamik tamatuminnga aaqqissuisarput peqataasarnissatsinnullu kajumissaartarluta. Uppeqatitta oqaluusseqatigiumalluta isumaqatigisarpaatigut. Qanoq saqqummiussinissamut piareersarsinnaasugut, atuagassianik allanillu qanoq neqeroorsinnaasugut, qanoq pulaaqqiisinnaasugut, qanoq Biibilimik atuaqqissaaqateqarsinnaasugut oqaluussinissamullu periarfissat tamaasa qanoq atorsinnaagivut ilinniartinneqaqaagut. Tamakku tamarmik anguniakkatsinnut, Jehovap aqqata qutsisisinneqarnissaanut sapinngisamillu amerlasuut annannissaannut, iluaqutaapput. — 1 Kor. 9:22, 23; Evf. 1:13.