Pisimasut nutaat tunngavigalugit soqutiginnilersitsigit
1 Isumassarsianik pitsaasunik oqaluussininnut nutaannguallaataasinnaasunik Biibilimillu tusarliussamut inunnik soqutiginnilersitsissinnaasunik pigisaqartuaannarnissat kissaatigisinnaaviuk? Taava silarsuarmi najugaqarfinnilu pisut oqaloqatigiinnissamut aallarniutigalugit atortakkit. Illoqarfimmi nunagisamilu pisut nutaat imaluunniit silarsuarmi nutaarsiassat taasinnaavatit. Pisoqartuaannarpoq. (1 Kor. 7:31) Siunnersuutit tulliuttut eqqarsaatigikkit.
2 Inuit aningaasatigut ajornartorsiutit inuussutissallu akitso riartornerat isumakuluutigisarpaat. Taamaattumik ima oqarsinnaassaatit:
◼ „Nutaarsiassatigut [suunersoq taajuk] akiata qaffaqqinnera tusarpiuk?“ Suliffissuaq sulisunik arlalinnik soraarsitsisimappat suliffissaaleqineq aamma eqqartorsinnaavat. Qanoq oqaloqatigiinneq ingerlateqqikkumanerit apeqqutaatillugu ima nangeqqissinnaasaatit: „Eqqarsaatiginikuuiuk sooq inuussutissarsiorniarneq taama ajornakusoortigisoq?“ imaluunniit „Isumaqarpit suut tamarmik kaaviiaartinniarnissaat taama ajornakusoortigiuaannassasoq?“
3 Nakuusernerit, ilaqutariinni pisimasut alianartut imaluunniit atuarfimmi uumisaarinikkut pisimasut oqaloqatigiinnernut aallarniutaasinnaapput. Ima aperisinnaassaatit:
◼ „[Eqqatsinni imaluunniit nunatsinni pisoq eqqaajuk] aviisimi atuarpiuk?“ Taavalu aperigit: „Silarsuarmi nakuusertoqarpallaarneranut suna pissutaasoraajuk?“ imaluunniit: „Isumaqarpit qaqugumulluunniit toqqissisimalluta misigisinnaassasugut?“
4 Qarsutsinersuarnik, nunap sajunnerinik imaluunniit eqqissiviilliornernik nutaarsiassat aamma soqutiginnilersitsisinnaapput. Assersuutigalugu ima aperisinnaassaatit:
◼ „[Ajunaarnersuarmut pinngortitap pilersitaanut arlaannik taasaqarit]-mut Guuti pisuua?“ Aammattaaq eqqissiviilliornerit kingullersaat eqqaallugu oqarsinnaassaatit: „Tamarmik eqqisserusuppata sooq angunissaa taama ajornakusoortigaa?“
5 Pisimasut nutaat oqaloqatigiinnissamut aallarniutigineqarsinnaasut eqqumaffigikkit. Siunnersuutit ’Ræsonnerebog’-imiittut quppernerni 9, 10-milu ’Ulluni makkunani pisut’ ataanniittut atorsinnaavatit. Politikkimut inooqatigiissutsimullu tunngasut isummerfiginaviikkit. Biibililu Guutillu naalagaaffia inuiaat ajornartorsiutaannut aaqqiisussatuatut innersuutigiinnakkit.