Oqaluussinermut tunngasumik ataatsimiinnernut pilersaarut
Sapaatip-akunnera 11. septembarimiit
Erinarsuut nr. 139
15 min: Nalunaarutit ilagiillu naatsorsuutaat. Qatanngutit tukkussusianik nersualaakkit, eqqaasikkillu unnummut Ilagiinnut tunissutit-nut nakkartinneqartut Europap kangiani Guutip naalagaaffiata sulineranut tunissutigineqassammata. Oktobarimi ikiorti-pioneeriujumallutik nalunaarsimasut manna tikillugu qassiunersut eqqaajuk, oqaluussisartullu periarfissatik eqqarsaatigeqqullugit kajumissaakkit. Sapaatip-akunnerani kingullermi siunnersuutigineqarpoq inuusuttut atuartut ukiaanerani atuanngiffeqarnertik ikiorti-pioneeriullutik atorsinnaagaat. Taakku ilaasa siunnersuut tamanna malippaat? Taamaappat anguniakkatik qanoq anguniarnerlugit oqaluttuarlit. Angajoqqaat sapaatip-akunnera ataaseq sulinngiffeqarnissaannik meeqqamillu ikiorti-pioneeriuneranni suleqatiginissaannik iliuuseqarnerunissaannilluunniit kajumissaakkit. Eqqaajuk sooq ilagiinnut ilaqutariinnullu iluaqutaallunilu ineriartuutaanersoq.
15 min: „Jehovap pilluaqqusinerata pisuunngortittarpaatigut.“ Annerpaamik minutsi ataaseq atorlugu aallarniuteqarit, kingornalu apeqqutinik akissutinillu sammiuk. — Takuuk Indsigt i Den Hellige Skrift, atuagaq 2, qup. 647, imm. 5, 6-lu.
15 min: „Pisimasut nutaat tunngavigalugit soqutiginnilersitsigit.“ Najuuttut peqatigalugit eqqartuineq takutitsinerillu. Pisimasunik nutaanik assigiinngitsunik tamaani soqutigineqartunik eqqaasaqarit. Siunissamut sunik isumakulutsitsippat? ’Ræsonnerebog’-imi quppernerit 9, 10-lu atorlugit aallarniut qanoq piareersarneqarsinnaanersoq Biibililu tunngavigalugu oqaloqatigiilerluni siunnersuuteqarit. Marlunnik piviusorsiortunik piareersarluagaasunillu takutitsisoqarli.
Erinarsuut nr. 224 naggasiillunilu qinuneq.
Sapaatip-akunnera 18. septembarimiit
Erinarsuut nr. 2
10 min: Nalunaarutit, ilaatigut toqqakkat Guutip Naalagaaffianut Kiffartorneq-meersut. Oktobarimi ikiorti-pioneeriusussanik apersuigit taakkulu oqaluttuarlit suliuniuteqarnerminni suna angussanerlugu ilimagineraat. Oktobarimi angusatik qanoq nangeqqikkumavaat? Ikiorti-pioneeriunissamut periarfissarsiorluni atugarisat qanoq aaqqissorneqarsinnaanerannik siunnersuutissaqarpat? Amerlanerusut ikiorti-pioneerioqataanissaannut kajumissaarigit. Oktobarimi ikiorti-pioneeriusussat qassiunersut taakkit.
20 min: „Sooq pioneeriusariaqarpunga?“ Apeqqutit akissutillu atorlugit sammineqassaaq. Allassimaffinni issuarneqanngitsuni eqqarsaatit oqaloqatigiissuteqarnermi ilanngutikkit. Kajumissaarut isumalluarnartuussaaq qiimmannartuullunilu. Pioneeriunissaminnut periarfissaqanngitsut ilerasutsinnissaat siunertaanngilaq.
15 min: „Inuuneq navianartorsiorpoq!“ Allaaserisaq pillugu oqalugiaat qiimmannartoq kajumissinarlunilu. Najuuttunut arlaqanngitsunik apeqqutissaqarsinnaavoq. Allaaserisami allassimaffiit erseqqissakkit.
Erinarsuut nr. 30 naggasiillunilu qinuneq.
Sapaatip-akunnera 25. septembarimiit
Erinarsuut nr. 93
15 min: Nalunaarutit. Tamaasa eqqaasikkit septembarimi oqaluussisimanerminnik nalunaaruteqaqqullugit. „Apeqquteqarfik“ sammiuk. Qiimmannartumik kajumissaarutissatut oqaluussisartunut periarfissaminnik atukkamillu isumaliutiginissaannut ikiorti-pioneeriusussaq ataaseq sivikitsumik apersorneqassaaq.
20 min: Tamaani pisariaqartitat.
10 min: Atuagassiat naleerutissanngillat. Napasuliaq Alapernaarsuiffik-mik Iteritsi!-millu normut pisoqaanerusut amerlivallaaleraangata qanoq pisarpigit? Oqaluussisartut ilaasa igiinnartarpaat isumaqaramik imaat ullutsinnut naleqqukkunnaartut. Guutip Naalagaaffianut Kiffartorneq-mi septembari 1993-imoortumi kajumissaarneqarpugut atuagassianik pisoqaanerusunik nassartaqqulluta, periarfissaqaraangallu atortaqqullugit. Angutinut, arnanut, immikkut atorfilinnut, utoqqarnut inuusuttunullu tamanut immikkut tulluartunik allaaserisanik qinersisinnaavutit; atuagassiat piareersimatittakkit, periarfissakkullu neqeroorutigisarlugit. Allaaserisaq qanoq qinerneqarsinnaanersoq saqqummiunneqarsinnaasorlu takutitsisoqarli. Atuagassiat pisoqaanerusut iluaqutaasinnaanerat pillugu misigisanik oqaluttuarit.
Erinarsuut nr. 115 naggasiillunilu qinuneq.
Sapaatip-akunnera 2. oktobarimiit
Erinarsuut nr. 169
20 min: Nalunaarutit. Ilagiit tusartikkit Naalagaaffiup Nutaarsiassaatai nr. 36-p immikkut ittumik agguaanneqarnissaanut pilersaarutigineqartunik. Agguaassineq aallartissaaq ataasinngorneq oktobarip 16-iani tallimanngornermilu novembarip 17-iani naggaserneqassalluni. Tamaasa, aamma inuusuttut nutaallu, kajumissaakkit uummammik tamakkiisumik iliuuseqaqqullugit. Atuakkamik atuaqqissaaqatigiinnermik aqutsisut maannangaaq suliassaq tamanna aaqqissulersinnaavaat gruppemiittullu tamaasa peqataalluarnissaannik kajumissaarlugit. Kingullermik Naalagaaffiup Nutaarsiassaatai-nik agguaassinermit kajumissinartumik misigisimasalikkersaarit. Naggasiillutit arfininngorpat ullormut immikkut oqaluussiffissamut pilersaarutit taakkit. Sumi qaqugulu oqaluussinissamut katersuuttoqassava? Kikkut siulersussavaat? Tamaasa ullup taassuma ingerlanerani peqataanissaannut qiimmassaasumik kajumissaakkit. Oktobarimi ikiorti-pioneeriusussat qassiunersut eqqaajuk.
10 min: Ukioq qaangiuttoq qanoq ingerlasimava? Kiffartornermut nakkutilliisumit oqalugiaat. Ukiumi oqaluussiffimmi 2000-imi ilagiit nalunaarusiaanni angusaqarfiulluarsimasut erseqqissakkit. Ilagiit naammassisat pillugit nersualaakkit. Siuariarfigisinnaasaat erseqqissakkit. Ataatsimiinnernut peqataasarneq Biibilimillu atuaqqissaaqateqartarneq qanoq ingerlasarpat? Ukiumi aggersumi piviusorsiortumik anguniagassanik taasaqarit.
15 min: Oqaloqatigiinnermut aallarniinermik misigisat. Oqaluussinermut tunngasumik ataatsimiinnermut sapaatip-akunnera 11. septembarimiit pilersaarummi innersuutigineqarpoq tamaani pisimasut nutaat aallarniutigalugit soqutiginnilertitsiniaanissatsinnut. Siunnersuutit taakku atornerisigut tusarnaartut manna tikillugu nuannersunik misigisaqarnerminnik oqaluttuarlit.
Erinarsuut nr. 205 naggasiillunilu qinuneq.