Nalunaarutit

◼ Neqeroorutissat kalaallisut: Septembari: Biibilimit oqaluttuaatikka. Oktobari: Atuagassiat Napasuliaq Alapernaarsuiffik Iteritsi!-lu. Qaammatip naggataata nalaani Naalagaaffiup Nutaarsiassaatai nr. 36 agguanneqassaaq. Novembari: Naalagaaffiup Nutaarsiassaatai nr. 36-ip agguaanneqarnera nanginneqassaaq. Ilagiit oqaluussiffigisartakkaminni naqitaaqqamik agguaassereersimasut atuagassiaaraq Guutip sumik piumaffigaatigut? imaluunniit atuagaq ’Ilisarsineq’ neqeroorutigisinnaavaat. Pulaarneqartup atuakkat taakku pigereerpagit atuagaq ’Paratiisilersaarut’ neqeroorutigineqarsinnaavoq. Decembari: ’Ilisarsineq’ Ny Verden-Oversættelsen ilanngullugu.

◼ Utoqqaanertaqatigiit tamarmik eqqaasinneqarput Napasuliaq Alapernaarsuiffik 1. oktobari 1991-imoortumi quppernerni 17-19-mi anisitaasut tunuarsimasullu pillugit ilitsersuut maleruassagaat.

◼ Oqaluussisartut oktobarimi ikiorti-pioneeriunissaminnik pilersaaruteqartut piaarnerpaamik qinnuteqaatertik tunniuttariaqarpaat ilagiinni utoqqaanertat atuagassianik, atuakkanik angalaarfissanillu isumaginninniassammata.

◼ Peqatigiiffiup oqaluussisartut ataasiakkaat inniminniineri tiguneq ajorpai. Qaammatit tamaasa inniminniinermut allagartaq Tysklandimut nassiutinnginnerani nakkutilliisup siulittaasup nalunaarutigineqarnissaa isumagisariaqarpaa, taamaalilluni inniminniiniartut tamarmik atuagassianik isumaginnittumut saaffiginnissinnaaniassammata. Maluginiarsiuk atuagassiat suut immikkut inniminnigassaanersut.