Oqaluus­sinin­ni aal­lus­sil­luar­tuarit

NUTAARSIAS­SAMIK nuan­nersumik oqaluus­sineq ul­lumik­kut nunarsuarmi sulias­sat pingaar­ner­paar­taraat. Ilin­niar­titsinermi tamatumani Jehovamut sin­niisuuneq ataq­qinaataavoq. Ilaan­nik­kul­li pionerit oqaluus­sisar­tul­lu oqaluus­sinermi aal­lus­sil­luar­tuar­nis­sar­tik saper­nar­tis­sin­naavaat. Sooq?

Inup­pas­suit angerlarsimar­piar­neq ajoramik oqaluus­sisar­tut ilaat il­lumiit il­lumut oqaluus­sigaangamik ikit­tuin­nar­nik oqaloqateqar­tar­put. Inuil­lu angerlarsimasut im­maqa Guutip naalagaaf­fianik tusarlius­saq tusarusun­neq ajor­paat al­laal­lu im­maqa puf­faat­tarluta. Oqaluus­sisar­tut al­lat oqaluus­sif­figisar­tagaat isorar­toorujus­suul­lunilu angusaqarluarfiusar­poq, oqaluus­sif­figisar­tak­kamin­nili inun­nut tamanut oqaluus­sisin­naan­ngin­ner­tik er­numas­sutigisar­paat. Al­lal­lu ukior­pas­suar­ni oqaluus­sisimagaluarlutik suli naggatis­sap nal­lius­siman­ngin­nera pis­sutigalugu nikal­lor­tar­put.

Oqaluus­sinitsin­ni unam­miniar­nar­toqar­nera aal­lus­sil­luar­nitsin­nut sun­niuteqarsin­naavoq. Silarsuarmi ‘Ajor­tumit’ aqun­neqar­tumi inuugat­ta nutaarsias­samik nuan­nersumik oqaluus­sinit­ta saper­narsin­naanera ilimagiin­narsin­naavar­put. — 1 Joh 5:19.

Oqaluus­sinin­ni unam­miniar­nar­titatit suugaluar­pataluun­niit qularin­ngis­sin­naavat taak­kunin­nga qaangiinis­san­nut Jehovamit ikior­neqarumaar­nerit. Oqaluus­sinin­nili aal­lus­sil­luar­nerulerumal­lutit susin­naavit? Iliuuserisin­naasavit ilaat sam­meriar­tigit.

OQALUUS­SISAR­TUN­NGORLAAT IKIUK­KIT

Ukiut tamaasa inuit tuusintilip­pas­suit Jehovap Nalunaajaasuisut kuisit­tar­put. Kuiserlaajuguit ukior­pas­suar­ni oqaluus­sisar­tuusimasut ilin­niarfigingaarsin­naavatit. Ukior­pas­suar­nilu oqaluus­sisar­tuusimaguit kuiserlaanik ilin­niar­titsisin­naavit? Taamaalior­neq nalerisimaar­nangaarsin­naavoq.

Jiisusip ajoqersuk­kat ilin­niar­titsil­laq­qis­sun­ngor­nis­samut ilin­niar­tin­neqar­nis­samin­nik pisariaqar­titsinerat nalun­ngin­namiuk qanoq oqaluus­sinis­saan­nik ilin­niar­tip­pai. (Luk 8:1, 2) Taamatut­taaq ul­lumik­kut oqaluus­sisar­tun­ngorlaat oqaluus­sil­laq­qin­neruler­nis­samin­nik ilin­niar­tin­neqar­nis­sar­tik pisariaqar­tip­paat.

Eq­qarsan­ngisaan­nar­tariaqar­pugut oqaluus­sisar­tun­ngorlaap oqaluus­sinini pis­sutigiin­narlugu qanoq ilin­niar­titsil­laq­qis­sun­ngor­nis­sani ilik­kas­sagaa. Ilin­niar­titsisumit inus­siar­nersumit asan­nit­tumil­lu ilin­niar­tin­neqar­nis­sani pisariaqar­tip­paa. Oqaluus­sisar­tup misilit­tagaqarluar­tup ukunin­nga ilin­niar­tit­tariaqar­paa: (1) Aal­lar­nium­mik piareersaanermik aam­ma sungiusar­nermik, (2) inun­nik qanoq oqaloqateqar­tar­nis­saanik, (3) Biibililersaarutinik neqerooruteqar­nermik, (4) soqutigin­nit­tunik pulaaq­qiinermik aam­ma (5) Biibilimik atuaq­qis­saaqateqar­nermik. Oqaluus­sisar­tun­ngorlaap oqaluus­sisar­tumik misilit­tagaqarluar­tumik oqaluus­seqateqar­nini ilaarsininilu ilin­niar­titsil­laq­qis­sun­ngus­sutigis­savaa. (Luk 6:40) Oqaluus­sisar­tun­ngorlaal­lu nalun­ngin­namiuk pisariaqar­titsileruni ikior­neqariaan­naal­luni toq­qis­sisimanerus­saaq. Aam­ma oqaluus­sisar­tun­ngorlaap nersualaar­neqar­nini siun­nersor­neqar­ninilu iluaqutigisin­naavai. — Oqal 4:9, 10.

OQALUUS­SEQATIGISAT OQALOQATIGISARUK

Oqaluus­sif­figisatit oqaloqatiginiarlugit sapin­ngisan­nik iliuuseqaraluarlutit ilaan­nik­kut oqaloqatigil­luarsin­naasat tas­satuaasin­naavoq oqaluus­seqatigisat. Eq­qaamajuk Jiisusip ajoqersuk­kani oqaluus­siar­toq­qugamigit “marluk­kuutaarlugit” aal­lar­tim­magit. (Luk 10:1) Suleqatigiin­nermin­ni im­min­nut qiim­mas­saqatigiil­lutil­lu kajumis­saaqatigiis­sin­naap­put. Qatan­ngutivut oqaluus­seqatigigaangatsigit ‘kajumis­saaqatigiit­tar­nis­satsin­nut’ periarfis­saqarluar­tar­pugut. — Rom 1:12.

Suut oqaloqatigiis­sutigisin­naavisigit? Arlarsi oqaluus­sinermi nuan­nersunik misigisaqaq­qam­mer­pa? Nam­mineq ilaqutariit­tul­luun­niit atuaq­qis­saar­nermi soqutiginar­tunik ilik­kagaqar­nikuuit? Ataatsimiin­nermi qiim­maal­laatigisan­nik tusagaqar­nikuuit? Imaas­sin­naavoq ilaan­neeriarlutit ilisarisimal­luan­ngisan­nik oqaluus­seqateqar­tar­tutit. Im­maqa aperisin­naavat qanoq sal­lusuis­sut paasisimaneraa. Suna pis­sutigalugu peqatigiis­sor­tat­ta Jehovamit siulersor­neqar­nera qulariun­naarsimavaa? Oqaluus­seqatigisat sunik im­mik­kut pisin­naatitaaf­feqarsimava imaluun­niit qanoq misilit­tagaqar­pa? Im­maqa nam­mineq misilit­tak­katit taas­sumun­nga oqalut­tuarisin­naavatit. Oqaluus­sif­figisasi tusarusun­nerat apeq­qutaatin­nagu oqaluus­seqatigiik­kaangas­si ‘ineriar­tor­teqatigiin­nis­sas­sin­nut’ periarfis­saqarluar­tar­pusi. — 1 Th 5:11.

NAM­MINEQ ATUAQ­QIS­SAAR­TAR­NERIT PITSAANERULERSIGUK

Oqaluus­sinermi aal­lus­sil­luar­tuarumal­luta nam­mineq atuaq­qis­saar­tar­ner­put pitsaanerulersit­tariaqar­par­put. Inus­siaq aalajaal­lunilu silatooq sam­misat as­sigiin­ngitsor­pas­suit pil­lugit paasis­sutis­sanik atuaq­qis­saarsin­naasatsin­nik saq­qum­mersitsisar­poq. (Mat­t 24:45) Nam­mineq atuaq­qis­saar­nermi sam­mineqarsin­naasoq sam­meriar­tigu: Sooq oqaluus­sineq taama pingaaruteqar­tigaa? Pis­sutaasut ilaat ungalusami “Oqaluus­sinermi aal­lus­sil­luar­nis­samut pis­sutaasut”-mi al­las­simap­put.

Ungalusami al­las­simasut oqaluus­sinin­ni aal­lus­sil­luar­tuar­nis­san­nut kajumis­sis­sutigisin­naavatit. Atuaq­qis­saar­nin­ni al­las­simaf­fiit aal­lus­sil­luarluni oqaluus­sinis­samut pis­sutaasut al­lat misilil­lugu al­lat­tuk­kit, pis­sutaasul­lu taak­ku eq­qarsaatigeq­qis­saarlugit. Taamaalioruit oqaluus­sinermi aal­lus­sil­luar­nerulis­saatit.

NUTAANIK MISILIINIS­SAN­NUT PIUMAS­SUSEQARIT

Oqaluus­sinitsin­ni pitsan­ngorsaanis­satsin­nut iluaqutis­satsin­nik Jehovap peqatigiis­sor­taanit siun­nersor­neqar­tar­pugut. As­sersuutigalugu il­lumiit il­lumut oqaluus­sinit­ta saniatigut oqaluus­sisin­naavugut al­lak­katigut imaluun­niit oqarasuaatik­kut, aq­qusinermi sumiif­fin­niluun­niit naapit­tarfin­ni oqaluus­sisin­naavugut, torrutiin­narlugu imaluun­niit niuer­tarfin­ni oqaluus­sisin­naavugut. Im­maqa aam­ma sumiif­fin­ni ikit­tuin­nar­nik nalunaajaasoqarfiusuni nalunaajaasoqarfiun­ngitsuniluun­niit oqaluus­sinis­sar­put pilersaarusiorsin­naavar­put.

Nutaanik misiliinis­san­nut piumas­suseqar­pit? Oqaluus­sisar­tor­pas­suit siun­nersuutinik taak­kunin­nga maleruaasimasut iluatsil­luarsimap­put. Ukua pingasut eq­qarsaatigeriak­kit.

Qatan­ngut ar­naq Aprilimik atilik Guutip naalagaaf­fianut kif­far­tor­neq-mi al­laaserisani qanoq Biibilimik atuaq­qis­saaqateqaler­toqarsin­naaneranik siun­nersuutit ilaan­nik misiliiniarluni aalajanger­poq. Suleqatini pingasut Biibilimik atuaq­qis­saar­talerusun­nersut aperai. April qiim­maal­laatigisaminik nuan­naajum­mer­poq suleqatai pingasut atuaq­qis­saar­talerusum­mata ilagiil­lu ataatsimiin­nerinut najuut­talermata.

Aam­ma inuit atuagas­siaatitsin­ni al­laaserisanik aalajangersimasunik soqutigin­nis­sin­naasunik ujar­tuisar­nis­samut kajumis­saar­neqar­nikuuvugut. USA-mi ilagiin­nik nak­kutil­liisoq aalajanger­poq Vågn op!-imi as­sakaasut pil­lugit al­laaserisaq sumiif­fim­mi aalajangersimasumi as­sakaasuer­niar­tunut neqeroorutiginiarlugu. Aam­ma nulianilu al­laaserisat “Forståelse for lægers situation” nakorsiar­tarfin­nut 100-nit amerlanerusunut neqeroorutigaat. Oqar­poq taamatut oqaluus­siner­tik inuit oqaluus­siner­put Biibililersaarutivul­lu pil­lugit ilisimasaqar­nerulis­sutigigaat. Ilagiin­nik nak­kutil­liisup nulianilu inuit oqaluus­sif­figisar­tak­kamin­niit­tut ilisarisimaneruleramik­kit pulaaq­qiinerusaler­put.

Qatan­ngut ar­naq Judymik atilik qul­lersaqarfim­mut al­lap­poq oqarasuaatik­kut oqaluus­sisar­nis­samut kajumis­saarutit qujamasuutigalugit. Anaanami, 86-inik ukiul­lip peq­qiil­liuuteqangaar­tup, oqarasuaatik­kut oqaluus­sikulasar­nera al­laatigaa. Tamatuma kingunerisaanik ar­naq 92-inik ukiulik ar­naata atuaq­qis­saaqatigisaler­paa.

Saq­qum­mersit­tak­katsin­ni siun­nersuutit iluaqutaangaar­put. Misilik­kigit! Oqaluus­sinin­ni aal­lus­sil­luar­tuar­nis­san­nut oqaluus­sinermil­lu nuan­naarutigin­nit­tuar­nis­san­nut iluaqutigis­savatit.

ANGUSIN­NAASAN­NIK ANGUNIAGAQARIT

Oqaluus­sinermi iluatsil­luar­nis­samut suut aalajangiisuup­pat? Biibililersaarutit qanoq amerlatigisut tun­niun­nerivut, qanoq amerlatigisunik Biibilimik atuaq­qis­saaqateqar­tar­nersugut imaluun­niit inuit qanoq amerlatigisut Jehovamik Nalunaajaasun­ngor­nis­saan­nut ikiorsimanerivut apeq­qutaan­ngil­lat. Noa eq­qarsaatigiuk. Noap ilaqut­tami saniatigut inuit qas­sit Jehovamut pal­lorfigin­nit­tun­ngor­nis­saan­nut ikior­pai? Taamaak­kaluar­torli iluatsil­luar­tumik oqaluus­sivoq. Jehovamut aalajaal­luta kif­far­tor­ner­put pingaaruteqar­ner­paavoq. — 1 Kor 4:2.

Oqaluus­sisar­tor­pas­suit paasisimavaat oqaluus­sineq nuan­naris­sagunik­ku angusin­naasamin­nik anguniagaqar­tariaqarlutik. Anguniak­kat taak­kua ilaat suup­pat? Siun­nersuutit atoriaan­naasut ilaat ungalusami “Angusin­naasan­nik anguniagaqarit”-mi al­las­simap­put.

Oqaluus­sinin­nik pis­sarsiaqar­nar­tuutitsinis­san­nut siuneqarluar­tuutitsinis­san­nul­lu ikioq­qul­lutit Jehova qin­nuigiuk. Anguniak­katit anguguk­kit nalerisimaalis­saatit nalun­ngin­nak­ku nutaarsias­samik nuan­nersumik oqaluus­sis­sutigin­nin­niarlutit sapin­ngisan­nik iliuuseqarlutit.

Nutaarsias­samik nuan­nersumik oqaluus­sis­sutigin­nin­nerup unam­miniar­nar­tuusin­naanera ilumoor­poq. Oqaluus­sinin­nili aal­lus­sil­luarumal­lutit iliuuseqarsin­naavutit. Oqaluus­seqatigisan­nik qiim­maal­laataasin­naasumik oqaloqateqar­tarit, aalajangersimasumik nam­mineq atuaq­qis­saar­tarit atuaq­qis­saar­neril­lu pis­sarsiaqar­nar­tuutil­lugu, inus­siap aalajaal­lunilu silatuup siun­nersuutai maleruar­niar­tarlugil­lu angusin­naasan­nik anguniagaqar­tarit. Tamanil­li pingaar­nerusutut eq­qaamas­savat nutaarsias­samik nuan­nersumik oqaluus­sis­sutigin­nin­nermik Jehovamit Guutimit ataq­qinaaser­neqarsimagavit. (Es 43:10) Aap, oqaluus­sinin­ni aal­lus­sil­luar­tuaruit nuan­naangaas­saatit!