Jehovap Kun­ngeqarfini aqqutigalugu qanit­tuk­kut ajor­nar­torsiutigut tamaasa aaq­qik­kumaar­pai. Nutaarsias­sat tamakku nuan­ningaarmata nipangiusimasin­naan­ngilagut, Jiisusimmi malin­nitsini kik­kun­nut tamanut oqaluus­seq­quai. (Matiusi 28:19, 20) Jehovap Nalunaajaasuisa peq­qus­sut tamanna qanoq naalas­simavaat?

1. Matiusi 24:14-imi allassimasut nalitsinni qanoq eqquuppat?

Jiisusi ima siulit­tuivoq: ‘Kunngeqarfik pillugu nutaarsiassat nuannersut nunarsuaq tamakkerlugu oqaluussissutigineqassapput.’ (Matiusi 24:14) Jehovap Nalunaajaasui kajumil­lutik oqaatsini 1.000-nit amerlanerusuni nunarsuaq tamak­kerlugu oqaluus­sisar­put! Suliarujus­suaq tamanna aaq­qis­suus­saal­luar­poq. Naam­mas­sinias­sagatsigulu Jehovap ikiuinera pisariaqar­til­luin­nar­par­put.

2. Inuit oqaluussiffigiumallugit susarpugut?

Jehova piumasaalu pil­lugit inun­nut oqaluus­siumal­luta periarfis­sarsior­tuar­pugut. Kristumiut siul­liit ilaarlugit ‘illumiit illumut’ oqaluus­sisar­pugut. (Apustilit Suliaat 5:42) Taamaalior­taratta inuit amerlanersaat oqaluus­sif­figisin­naasar­pagut. Inuilli angerlarsimajuaan­nar­neq ajormata aamma aqqusinerni tamanillu ornin­neqarsin­naasuni oqaluus­sisar­pugut.

3. Kikkut nutaarsiassanik nuannersunik oqaluussisassappat?

Kristumiut ilumoor­tut tamarmik nutaarsias­sanik nuan­nersunik oqaluus­sisar­put. Suliaq tamanna inuit inuuneran­nik annaas­sis­sutaasin­naam­mat pimoorup­par­put. (Timuutiusimut 1. 4:16 atuarsiuk). Sapin­ngisatsin­nik pif­fis­saq anner­paaq atorlugu inuit oqaluus­sif­figisar­pagut. Akis­sarsiutigineq ajor­par­put, Jiisusimi ima oqar­poq: “Akeqanngitsumik tunineqarassi akeqanngitsumik tunisissaasi.” (Matiusi 10:7, 8) Inuit ilaat tusaajumasan­ngik­kaluar­tut oqaluus­siuar­pugut, guutisior­nitsin­nut ilaam­mat Jehovallu nuan­naarutigisarmagu.

ITISILIINEQ

4. Inuit tamaasa oqaluussiffigiumallugit ilungersorpugut

VIDEO: ‘Nunarsuup isorpiaa tikillugu’ oqaluussineq (7:33)

• Jehovap Nalunaajaasuisa oqaluus­sinermi ilungersorlutik iliuuseqar­nerat qanoq isumaqarfigaajuk?

Matiusi 22:39 aamma Romamiut 10:13-15 atuarsigit apeq­qutillu uku eqqar­torlugit:

• Oqaluus­siner­put inoqatitsin­nik asan­nin­nitsin­nut sooq ersiutaava?

• Jehovap nutaarsias­sanik nuan­nersunik oqaluus­sisar­tut qanoq misigis­suseqarfigai? – Versi 15 takuuk.

5. Guuti suleqatigaarput

Misigisar­pas­suar­nit erser­poq Jehovap suliar­put aquk­kaa. Assersuutigalugu arnaq New Zealandimiit­toq Guutip atia, Jehova, atorlugu qinusimavoq pulaar­neqaq­qul­luni. Qatan­ngutip Paulimik atil­lip ulloq taanna illumiit illumut oqaluus­sitil­luni arnaq taanna naapip­paa. Ima oqar­poq: “Qinuneraniit tiimit pingasut qaangiutiin­nar­tut kasut­torfigaara.”

Korintimiunut 1. 3:9 atuarsiuk apeq­qullu una eqqar­torlugu:

• Ilaatigut misigisamit New Zealandimeersumit Jehovap oqaluus­sinermik aqutsinera qanoq erserpa?

Apustilit Suliaat 1:8 atuarsiuk apeq­qullu una eqqar­torlugu:

• Oqaluus­siuarsin­naajumal­luta sooq Jehovamit ikior­neqar­tariaqar­pugut?

Nalunngiliuk?

Ulluin­narni ataatsimiin­nitsinni oqaluus­sinis­samut ilin­niar­tin­neqar­tar­pugut. Najuus­simaguit ilin­niar­tin­neqar­ner­put qanoq igaajuk?

6. Guutip oqaluusseqqusinera naalapparput

Kristumiut siul­liit oqaluus­siun­naaq­qusisunit akerlilersor­neqar­tar­put. Taamaat­tumik nutaarsias­sanik nuan­nersunik oqaluus­sisin­naatitaaner­tik ‘inatsisitigut illersor­tar­paat’. (Filip­pimiut 1:7) Jehovap Nalunaajaasui nalitsinni aamma taamaalior­tar­put.a

VIDEO: Oqaluussisinnaanitsinnik inatsisitigut illersuineq (2:28)

Apustilit Suliaat 5:27-42 atuarsigit apeq­qullu una eqqar­torlugu:

• Sooq oqaluus­siner­put unitsis­san­ngilar­put? – Versit 29, 38 aamma 39 takuk­kit.

EQIKKAANEQ

Jiisusip malin­nitsini nunarsuaq tamak­kerlugu nutaarsias­sanik nuan­nersunik oqaluus­seq­quai. Jehovamit ikior­neqarluta peq­qusinera naalat­tar­par­put.

Uteqqiineq

• Nutaarsias­sat nuan­nersut nunarsuaq tamak­kerlugu qanoq oqaluus­sis­sutigineqar­tar­pat?

• Oqaluus­siner­put inoqatitsin­nik asan­nin­nitsin­nut sooq ersiutaava?

• Illit isumaqar­pit oqaluus­sineq nalerisimaas­sutigisin­naagip­put? Sooq?

NAMMINEQ MISISSUGASSATIT

Jehovap Nalunaajaasui illoqarfis­suarni qanoq oqaluus­sisar­tut takuuk.

Parisimi immikkut ittumik tamanut oqaluussineq (5:11)

Nunagisamin­nit qimaasut Jehovap Nalunaajaasuisa qanoq ikiorsimavaat?

Qimaasut anersaakkut kaattut ikiorneqarnerat (5:59)

Pif­fis­saq tamaat kif­far­tor­tuusimasup pil­luar­nini pil­lugu oqalut­tuar­nera takuuk.

Kiffartornera pillualissutigaara (6:29)

Eqqar­tuus­sivinni ajugaanerit oqaluus­sinermut iluaqutaasimasut misis­suk­kit.

“Kunngeqarfik pillugu oqaluussisartut eqqartuussivinnut suliassanngortitsipput” (Atuagaq qal­lunaatooq Guds rige hersker!, kapitali 13)

Jiisusi oqar­poq kristumiut imermut morsutsin­neqar­tariaqar­tut. (Matiusi 28:19, 20 atuarsigit). Imermulli morsutsin­neqar­neq qanoq paasisariaqarpa? Morsutsin­neqarumal­lunilu suut iliuuserineqaq­qaar­tariaqar­pat?

1. Sooq kristumiut imermut morsutsinneqartariaqarpat?

Jiisusi pil­lugu Biibilimi ima allas­simavoq: ‘Kuussuarmi Jordanimi imermut morsutsinneqareerluni imermit nuivoq.’ (Mak­korsi 1:9, 10) Taamaat­tumik kristumiut ilumoor­tut imermut morsutsin­neqar­tariaqar­put.

2. Imermut morsutsinneqarnikkut suna ersersinneqartarpa?

Imermut morsutsin­neqar­nik­kut ersersin­neqar­tar­poq Jehovamut Guutimut tun­niul­luin­narsimal­luni. Jehovamut tun­niul­luin­nar­neq qanoq paasisariaqarpa? Tun­niul­luin­nar­neq tas­saavoq imermut morsutsin­neqan­ngin­nermi Jehovamut naas­saan­ngitsumik kif­far­torumal­luni qinunik­kut neriorsuineq. Aamma Jehova kisiat guutisiorfigiumal­lugu taas­sumalu piumasaa inuunermi pingaar­ner­paatik­kumal­lugu neriorsuineruvoq. Tun­niul­luin­nar­tup nam­mineq “kissaatini tunulliullugit” Jiisusip ilin­niar­titsis­sutai maligas­siuineralu malit­tuas­savai. (Matiusi 16:24) Tun­niul­luin­narsimal­lunilu imermut morsutsin­neqarsimasup Jehova uppeqatinilu qanimut ikin­ngutigisin­naavai.

3. Imermut morsutsinneqarnissamut piareerumallutit susariaqarpit?

Jehova ilisarisimalerukku upperfigilis­savat. (Hebræerit 11:6 atuarsiuk). Upper­nerillu anner­tusiar­tor­til­lugu Jehovamut asan­nin­nerulis­saatit. Taman­nalu pis­sutigalugu Jehovap peq­qus­sutaatut iliorusulerlutillu oqaluus­sisalerusus­saatit. (Timuutiusimut 2. 4:2; Johan­nesimit 1. 5:3) “Jehovap kiffaanut naleqquttumik iluarilluinnagaanillu” inooriaaseqar­toq aalajangersin­naavoq Jehovamut tun­niul­luin­nar­niarluni imermullu morsutsin­neqar­niarluni. – Kolos­simiut 1:9, 10.a

ITISILIINEQ

4. Jiisusip imermut morsutsinneqarnera ilinniarfigisinnaavarput

Jiisusip imermut morsutsin­neqar­nera paasisaqarfiginerujumal­lugu Matiusi 3:13-17 atuarsigit apeq­qutillu uku eqqar­torlugit:

• Jiisusi imermut morsutsin­neqarami naalungiarsuua?

• Imermik kuineqaan­narpa?

Jiisusip imermut morsutsin­neqarami Guutip sulias­siis­sutaa immik­kuul­laris­soq suliariler­paa. Lukkarsi 3:21-23 aamma Johannesi 6:38 atuarsigit apeq­qullu una eqqar­torlugu:

• Jiisusip imermut morsutsin­neqareerami inuunermini suna pingaar­ner­paatiler­paa?

5. Imermut morsutsinneqarnissat angusinnaavat

Immaqa tun­niul­luin­nar­nis­sat imermullu morsutsin­neqar­nis­sat takorlooruminaatsip­patit. Anersaak­kulli siumukar­til­lutit qular­nak taamatut pingaaruteqar­tumik aalajangersin­naalis­saatit. Inuit ilaat qanoq taamaaliorsimasut takujumal­lugu VIDEO takusiuk.

VIDEO: Jehovamut ikinngutaalerneq (1:11)

Johannesi 17:3 aamma Jaaku 1:5 atuarsigit apeq­qullu una eqqar­torlugu:

• Imermut morsutsin­neqar­nis­samut piareerusut­tup suut iluaqutigisin­naavai?

1. Jehovamut naas­saan­ngitsumik kif­far­torumal­luta neriorsuinik­kut tun­niul­luin­nar­tar­pugut

2. Imermut morsutsin­neqar­nitsinni najuut­tunut ersersit­tar­par­put Guutimut tun­niul­luin­narsimal­luta

6. Imermut morsutsinneqarnikkut Jehovap ilaqutariissortaanut ilaalertarpugut

Imermut morsutsin­neqar­nik­kut nunarsuaq tamak­kerlugu ilaqutariin­nut ataasioqatigiit­tunut ilaaler­tar­pugut. Nunanit assigiin­ngitsuneersuugaluarluta tunuliaqutatsigullu assigiin­ngitsuugaluarluta uppeqatigiip­pugut ileq­qoris­saar­nerlu pil­lugu assigiim­mik najoq­qutas­siaqarluta. Jaaku 2:23 aamma Petrusimit 1. 2:17 atuarsigit apeq­qullu una eqqar­torlugu:

• Imermut morsutsin­neqar­neq Jehovamut uppeqatinullu attaveqar­nermut qanoq sun­niuteqar­tarpa?

EQIKKAANEQ

Jiisusi oqar­poq kristumiut imermut morsutsin­neqar­tariaqar­tut. Imermut morsutsin­neqarusut­tup Jehova upperfigil­luar­tariaqar­paa, peq­qus­sutit Biibilimeersut maleruar­tariaqar­pai Jehovamullu tun­niul­luin­nar­tariaqarluni.

Uteqqiineq

• Sooq imermut morsutsin­neqar­nis­saq pingaaruteqarpa?

• Imermut morsutsin­neqar­nik­kut suna ersersin­neqar­tarpa?

• Inuk tun­niul­luin­nan­ngin­nermini imermullu morsutsin­neqan­ngin­nermini susariaqarpa?

NAMMINEQ MISISSUGASSATIT

Imermut morsutsin­neqar­nerup qanoq paasisariaqar­nera misis­sor­nerujuk.

“Imermut morsutsitaaneq qanoq paasisariaqarpa?” (Nit­tar­tak­katsinni allaaserisaq)

Imermut morsutsin­neqar­nis­samut piareer­nis­samut iliuuserineqar­tus­sat ilaat misis­suk­kit.

“Asanninneq qujamasunnerlu kuisinnissamut kajumississutaapput” (Napasuliaq Alapernaarsuiffik, marsi 2020)

Angutip imermut morsutsin­neqar­niarluni aalajanger­nera sumik tun­ngaveqar­toq atuaruk.

“Kissaatigaat suna eqqortuusoq uanga nammineerlunga paasissagiga” (Napasuliaq Alapernaarsuiffik, marsip aallaqqaataat 2013)

Imermut morsutsin­neqar­nerup pingaaruteqar­nera aamma angujumal­lugu susin­naasutit misis­suk­kit.

“Imermut morsutsinneqassaanga?” (Inuusuttut apeqqutigisartagaannut akissutitsialaat, atuagaq 2, kapitali 37)