• Guutip isaani qanoq minguitsuusinnaavugut?
    Naassaanngitsumik pilluarsinnaavutit! – Biibilimik pikkorissarneq

    • 4. Ileqqupalaat ajugaaffigikkit

      Jehovap ikiuineratigut ileq­qupalaaqarun­naarsin­naavutit

      Pujor­tar­taruit ikiaroor­niutinil­luun­niit atuisuuguit ileq­qupalaap taamaatin­nis­saa qanoq saper­nar­tigisoq nalus­sagunan­ngilat. Suna iluaqutigisin­naaviuk? Ileq­qupalaat inuunin­nut qanoq sun­niuteqar­toq eqqarsaatigiuk. Matiusi 22:37-39 atuarsigit eqqar­torlugulu tupamik ikiaroor­niutinil­luun­niit atuineq ukunun­nga qanoq sun­niuteqar­nersoq:

      • Jehovamik ikin­nguteqar­nermut

      • Ilaqut­tanut allanullu

      Ileq­qupalaaqarun­naarumal­lutit pilersaarusiorit.a VIDEO takusiuk.

      VIDEO: Imminut aqussinnaalerit (2:47)

      Filippimiut 4:13 atuarsiuk apeq­qullu una eqqar­torlugu:

      • Ileq­qupalaaqar­tup qinusar­neq, Biibilimik misis­sueq­qis­saar­tar­neq ataatsimiigiar­tar­nerlu ileq­qupalaaqarun­naar­nis­saminut qanoq iluaqutigis­savai?

      5. Minguttuunik eqqarsaateqarnaveersaarlutillu ileqqoqarnaveersaarit

      Kolossimiut 3:5 atuarsiuk apeq­qutillu uku eqqar­torlugit:

      • Qanoq nalun­ngilar­put por­nografii, sextingb aamma imminut iner­tit­tar­neq Jehovap isaani mingut­tuujusut?

      • Isumaqar­pit Jehovap piumasaqaataa eqqor­til­lugu ileq­qus­satigut minguitsuusin­naasugut? Sooq?

      Mingut­tuunik qanoq eqqarsaateqar­naveersaarsin­naasutit paasiniaruk. VIDEO takusiuk.

      VIDEO: Minguitsuujuarumallutit iliuuseqarit (1:51)

      Jiisusip assersuusiorluni ersersip­paa minguitsuujuarumal­luta pisariaqar­tumik iliuuseqar­tariaqar­tugut. Matiusi 5:29, 30 atuarsigit apeq­qullu una eqqar­torlugu:

      • Jiisusip pin­ngilaa imminut timik­kut ajoqusis­sasugut, isumaqar­porli iliuuseqapal­lan­nis­sar­put pisariaqar­toq. Mingut­tuunik eqqarsaateqar­naveersaarumal­luni qanoq iliuuseqar­toqarsin­naava?c

      Imaas­sin­naavoq mingut­tuunik eqqarsaateqar­naveersaarumal­lutit ilungersor­tutit. Qularis­san­ngilat Jehovap ilungersor­nerit maluginiarlugulu pingaar­tik­kaa. Tussiaat 103:13, 14 atuarsigit apeq­qullu una eqqar­torlugu:

      • Mingut­tuumik ileq­qoqar­naveersaar­nis­saq ilungersuutigigukku allas­simaf­fik iliuuseqar­tuar­nis­san­nut qanoq kajumis­sis­sutigaajuk?

      Tunniutiinnaqinak!

      Immaqa ima eqqarsar­putit: ‘Kuk­kugama nak­kaan­naqilanga.’ Unali eqqarsaatigiuk: Arpaliun­nermi peqataasoq orluguni imaan­ngilaq arpaliuf­fik naan­ngitsuus­sagaa aal­lar­tif­fim­mul­luun­niit uter­tariaqar­toq. Taamatut­taaq kuk­kusimaguit imaan­ngilaq ileq­qupalaaqarun­naar­niarlutit akiuun­ninni tun­niutiin­nar­tariaqar­tutit. Aamma imaan­ngilaq iliuuserereersimasatit asuliin­naasut. Kuk­kuneq nak­kaan­nar­toor­nerlu nalingin­naap­put, unis­sutigisariaqan­ngilatillu. Tun­niutiin­naqinak! Jehovap ikiuineratigut ileq­qupalaaqarun­naarsin­naavutit.