6. Guutip oqaluusseqqusinera naalapparput

Kristumiut siul­liit oqaluus­siun­naaq­qusisunit akerlilersor­neqar­tar­put. Taamaat­tumik nutaarsias­sanik nuan­nersunik oqaluus­sisin­naatitaaner­tik ‘inatsisitigut illersor­tar­paat’. (Filip­pimiut 1:7) Jehovap Nalunaajaasui nalitsinni aamma taamaalior­tar­put.a

VIDEO: Oqaluussisinnaanitsinnik inatsisitigut illersuineq (2:28)

Apustilit Suliaat 5:27-42 atuarsigit apeq­qullu una eqqar­torlugu:

• Sooq oqaluus­siner­put unitsis­san­ngilar­put? – Versit 29, 38 aamma 39 takuk­kit.

Jiisusip malin­nitsini ilin­niar­tip­pai ‘inun­nit allanit allaanerus­sasut’. (Johan­nesi 15:19) Tamanna ilaatigut isumaqar­poq nunarsuarmi politik­kik­kut sorsun­ner­nullu akuliun­naveersaar­tar­tugut tapersersuinaveersaar­tarlutalu, Guutimmi naalak­kersuinera kisiat tapersersorusup­par­put. Tamanna pis­sutigalugu illaruaatigineqarsin­naasaratta ilaan­nik­kut saper­narsin­naasar­poq. Qanoq Jehovamut Guutimut ilumoorfigin­nil­lutalu taas­suma naalak­kersuinera kisiat tapersersor­tuarsin­naavar­put?

1. Kristumiut ilumoortut nunarsuarmi naalakkersuisut qanoq isigisarpaat?

Nunarsuarmi naalak­kersuisut ataq­qivagut. Jiisusip oqaasii uku maleruar­pagut: “Kaasari kaasarip piinik … tunisiuk.” (Mak­korsi 12:17) Taamaat­tumik inatsisit nunagisatsinni atuut­tut, soorlu akileraarutinut tun­ngasut, maleruar­tar­pagut. Biibilimi allas­simavoq Guutip akuerim­magu nunarsuarmi naalak­kersuisut pis­saaneqaral­larsin­naasut. (Romamiut 13:1) Oqar­tus­saas­susialli kil­leqar­poq. Uagut Jehovap kun­ngeqarfiatalu nunarsuarmi ajor­nar­torsiutinik aaq­qiisin­naasutuaanerat upperaar­put.

2. Qanoq ersersissinnaavarput Guutip naalakkersuinera kisiat tapersersorlugu?

Jiisusi nunarsuarmiik­kal­larami politik­kimut akuliun­naveersaar­tar­poq. Tupin­nar­tuliaasa ilaat inuit takugamikku kun­ngin­ngor­tik­kusuk­kaluar­paat, Jiisusili itigar­titsivoq. (Johan­nesi 6:15) Sooq? Kingusin­nerusuk­kut ima oqar­poq: “Kunngeqarfimma nunarsuarmi naalagaaffiit assiginngilai.” (Johan­nesi 18:36) Uagut Jiisusi ilaarlugu politik­kimut akuliun­naveersaar­tar­pugut, tassa politik­kik­kut par­tiit qineq­qusaar­tullu arlaan­naal­luun­niit tapersersun­ngilagut. Sorsoqataaneq ajor­pugut. (Mika 4:3 atuarsiuk). Aamma erfalasoq inuiaas­sutsimullu tun­ngasut allat ilas­sisan­ngik­kaluarlugit ataq­qin­nin­ngitsuliorfigineq ajor­pagut. (Johan­nesimit 1. 5:21) Taamaalior­nitsigut ersersit­tar­par­put Jehovap naalak­kersuinera, tassa kun­ngeqarfia, kisiat tapersersorlugu.

ITISILIINEQ

3. Kristumiut ilumoortut politikkimut akuliunnaveersaartuupput

Jiisusip kristumiullu siul­liit maligas­sip­paatigut. Romamiut 13:1, 5-7 aamma Petrusimit 1. 2:13, 14 atuariarlugit VIDEO takusiuk apeq­qutillu tul­liut­tut eqqar­torlugit.

VIDEO: Kristumiut ilumoortut politikkimut akuliunnaveersaartuupput – Immikkoortoq 1 (4:28)

• Sooq nunarsuarmi oqar­tus­saas­susil­lit ataq­qis­savagut?

• Ilaatigut qanoq naalat­tarsin­naavagut?

Sorsut­toqar­til­lugu naalak­kersuisut ilaat oqar­tar­put tapersersugaqar­natik, sorsun­nermili akerleriit tamaasa ikior­tarlugit. Taamaat­toqar­til­lugu kristumiut ilumoor­tut sus­sap­pat? Johannesi 17:16 atuariarlugu VIDEO takusiuk apeq­qullu tul­liut­toq eqqar­torlugu.

VIDEO: Kristumiut ilumoortut politikkimut akuliunnaveersaartuupput – Immikkoortoq 2 (3:11)

• Nunarsuarmiit­tunik tapersersugaqar­nata qanoq ersersis­sin­naavar­put?

Oqar­tus­saas­susil­lit Guutip inatsisaanut akerliusumik peq­qus­suteqar­pata sus­saagut? Apustilit Suliaat 5:28, 29 atuariarlugit VIDEO takusiuk apeq­qutillu tul­liut­tut eqqar­torlugit.

VIDEO: Kristumiut ilumoortut politikkimut akuliunnaveersaartuupput – Immikkoortoq 3 (1:18)

• Nunarsuarmi naalak­kersuisut inatsisaat Guutip inatsisaanut akerliup­pata sorliit maleruas­savagut?

• Oqar­tus­saas­susil­lit peq­qus­sutaan­nik kristumiut maleruaan­ngin­nis­saan­nut pis­sutaasin­naasunik eqqaasaqarsin­naavit?

4. Eqqarsaatikkut iliuutsikkullu

Johannesimit 1. 5:21 atuariarlugu VIDEO takusiuk apeq­qutillu tul­liut­tut eqqar­torlugit.

VIDEO: Sooq kristumiut ilumoortut sapiissuseqartariaqartut – Politikkimut akuliunnaveersaarnerminni (2:49)

• Sooq qatan­ngutip angutip politik­kik­kut par­tiimut ilaajumananilu erfalasoq ilas­siuman­ngilaa?

• Silatusaarsoraajuk?

Pisut qanoq ittut akuliun­naveersaar­nitsin­nik saper­nar­titsisin­naap­pat? VIDEO takusiuk apeq­qutillu tul­liut­tut eqqar­torlugit.

VIDEO: Napasuliaq Alapernaarsuiffik ilinniarfigisimavaat – Nunarsuarmi avissaartuuffiusumi akuliunnaveersaartuugit (5:16)

• Timersor­nerit nunanit tamalaanit peqataaf­figineqar­tut isigin­naar­tarutsigit qanoq kinaas­susersior­naveersaarsin­naavugut?

• Politik­kerit aalajangigaat toq­qaan­nar­tumik inuunitsin­nut sun­niuteqaraluar­tut qanoq tapersersugaqar­naveersaarsin­naavugut?

• Akuliun­naveersaar­nis­satsin­nik aalajangiiner­put tusagas­sior­tunit peqatigisar­tak­katsin­nillu qanoq sun­ner­neqarsin­naava?

EQIKKAANEQ

Kristumiut eqqarsaatimik­kut, oqaatsimik­kut iliuutsimik­kullu politik­kik­kut tapersersugaqar­naveersaar­tar­put.

Uteqqiineq

• Nunarsuarmi naalak­kersuisut qanoq isigis­savagut?

• Sooq politik­kik­kut akuliun­naveersaar­tuuvugut?

• Pisut qanoq ittut akuliun­naveersaar­nitsin­nik saper­nar­titsisin­naap­pat?

NAMMINEQ MISISSUGASSATIT

Politik­kik­kut tapersersugaqar­naveersaarumal­luta suut annaasariaqarsin­naavagut?

Jehovap qimanngisaannarpaatigut (3:14)

Nunarsuarmiit­tunik illersugaqar­naveersaar­tuarumal­lutik ilaqutariit qanoq piareersarsin­naap­pat?

Nunarsuarmiittunik illersugaqarnaveersaartuunerit ersersiguk (4:25)

Suna nunagisamik illersuinermit pingaaruteqar­nerua?

‘Guutimut suulluunniit ajornanngillat’ (5:19)

Sulif­fim­mut tun­ngatil­lugu aalajangiinermi qanoq ‘inun­nit allanit allaanerusin­naasugut’ misis­soruk.

“Kialuunniit nammagassani nammineq nammassavaa” (Napasuliaq Alapernaarsuiffik, apriilip aal­laq­qaataat, 2006)

5. Malersor­neqaraluarlutit Jehova kiffartorfigiuaruk

VIDEO: Malersor­neqarnermi sapiissuseqartut (6:27)

• Videumi oqaluttuarineqartut qanoq nakussatsis­sutigaagit?

Apustilit Suliaat 5:27-29 aamma Hebræerit 10:24, 25 atuarsigit. Allassimaffiit ataasiak­kaarlugit atuariarlugit apeqqut una eqqartorsiuk:

• Oqaluus­sinerput ataatsimiin­nigulluunniit naalakkersuisunit inerteq­qutigineqalerpata sooq Jehova guutisiorfigiuas­savarput?