3. Imminut paarilluarit

Kristumiut Jehovap piumasaatut sutigut tamatigut ilior­tuar­niarlutik neriorsuisimap­put. ‘Timitik iller­nar­tutut pil­liutis­satut sas­saateq­quneqarmata’ paaril­luar­tariaqar­paat. Romamiut 12:1, 2 atuarsigit apeq­qutillu uku eqqar­torlugit:

• Sooq peq­qis­suunis­sat eqqumaf­figisariaqar­piuk?

• Ilaatigut qanoq taamaaliorsin­naavit?

Biibilimik misis­sueq­qis­saar­ninni Jehova pil­lugu ilik­kagar­pas­suaqarsimas­saatit. Aamma ilik­kak­katit naaper­torlugit immaqa allan­nguisimavutit. Imaas­sin­naavorli Jehovamut tun­niul­luin­nar­nis­sat imermullu morsutsin­neqar­nis­sat tunuarsimaarfigigitit. Ilin­niagas­sami matumani aporfiusin­naasut nalingin­naasut taak­kulu qanoq qaanger­neqarsin­naasut sam­mineqar­put.

1. Imermut morsutsinneqarsinnaajumallutit qanoq ilisimasaqartigissavit?

Imermut morsutsin­neqarsin­naajumal­lutit ‘ilumoortoq pillugu eqqoqqissaartumik paasisimasaqaqqaartariaqarputit’. (Timuutiusimut 1. 2:4) Taman­nali isumaqan­ngilaq Biibili pil­lugu apeq­qutigineqarsin­naasut tamaviisa paaseq­qaar­tariaqaritit. Allaammi ukior­pas­suarni Nalunaajaasuusimasut Biibili pil­lugu nutaanik suli ilik­kagaqar­tar­put. (Kolos­simiut 1:9, 10) Imermulli morsutsin­neqan­ngin­ninni Biibilimi ilin­niar­titsis­sutigineqar­tut tun­ngaviusut paasil­luaq­qaar­tariaqar­patit. Naam­mat­tumik ilisimasaqar­nersutit paasiumal­lugu utoq­qaaner­tat ikiorsin­naavaatsit.

2. Imermut morsutsinneqannginninni susariaqarpit?

Imermut morsutsin­neqan­ngin­ninni ‘peqqissimillutillu Guutimut saattariaqarputit’. (Apustilit Suliaat 3:19 atuarsiuk). Tamanna isumaqar­poq ajor­tuliarisimasatit qaman­nga pisumik peq­qis­simis­sutigalugillu Jehovamut isumak­keerfigeq­qusariaqar­tutit. Taas­sumalu nuan­narin­ngisai itigar­til­luin­nar­tariaqar­patit nuan­narisaanillu inooriaaseqarlutit. Taak­kualu saniatigut ataatsimiigiar­taler­tariaqar­putit oqaluus­sisar­tun­ngorlutillu.

3. Kukkunissat annilaanngatigigukku sooq aporfigilissanngiliuk?

Inuit ilaasa annilaangas­sutigisar­paat Jehovamut neriorsuutimin­nik eqqor­titsin­ngitsoor­nis­sar­tik. Taman­nali aporfiusariaqan­ngilaq, Jehovamummi kif­faasut aalajaatsut Biibilimi allaatigineqar­tut ilaat kuk­kusarsimap­put. (Tus­siaat 103:13, 14 atuarsigit). Jehovap naam­mal­luin­nan­ngitsuusutit kuk­kusarumaar­tutillu nalun­ngilaa. Sapin­ngisat naaper­torlugu kif­far­torfigigukku nuan­naas­saaq. Aamma ikiorumaar­paatit, allaammi Biibilimi allas­simavoq suul­luun­niit “Guutip asanninneranit … avissaartissinnaanngikkaatigut”. – Romamiut 8:38, 39 atuarsigit.

ITISILIINEQ

4. Jehova ilisarisimaneruleruk

Imermut morsutsin­neqan­ngin­ninni Jehova qanoq ilisarisimatigisariaqar­piuk? Asasariaqar­pat nuan­naar­tik­kusul­lugulu. Biibilimik ilin­niar­tut nunanit tamalaaneersut qanoq taamaaliorsimasut paasiumal­lugu VIDEO takusiuk apeq­qullu tul­liut­toq eqqar­torlugu.

VIDEO: Imermut morsutsinneqarumallutik iliuuseqartut (3:56)

• Apersor­neqar­tut suut iluaqutigalugit imermut morsutsin­neqar­nis­samin­nut piareersarsimap­pat?

Romamiut 12:2 atuarsiuk apeq­qutillu uku eqqar­torlugit:

• Jehovap Nalunaajaasuisa Biibilimit ilin­niar­titsis­sutigisaasa ilumoor­tuunerat pil­lugu arlaan­nik qularuteqar­pit?

• Qularuteqaruit susin­naavit?

5. Aporfiusinnaasut qaangerluakkit

Jehovamut tun­niul­luin­nar­niarluni imermullu morsutsin­neqar­niarluni aalajanger­toq ajor­nar­torsiutinik nalaataqar­tas­saaq. VIDEO takusiuk apeq­qutillu tul­liut­tut eqqar­torlugit.

VIDEO: Jehova asagakku ajornartorsiutit qaangerpakka (5:22)

• Arnaq sunik ajor­nar­torsiuteqarpa?

• Jehovamut asan­nin­nini iluaqutigalugu ajor­nar­torsiutit qanoq qaanger­pai?

Ussatit 29:25 aamma Timuutiusimut 2. 1:7 atuarsigit apeq­qullu una eqqar­torlugu:

• Aporfiusunik qaangiiniar­nis­satsin­nut suna sapiil­lis­sutigisin­naavar­put?

6. Jehovamit ikiorneqarumaarnerit upperiuk

Jehovap iluarisaminik iliuuseqarsin­naaq­qul­lutit ikius­savaatit. VIDEO takusiuk apeq­qutillu tul­liut­tut eqqar­torlugit.

VIDEO: Jehovap Guutip ikiussavaatit (2:50)

• Sooq Biibilimik ilin­niar­tup imermut morsutsin­neqar­nis­sani tunuarsimaarfigaa?

• Jehovamik tatigin­nin­nerulis­sutigisaminik sumik paasisaqarpa?

Esaja 41:10, 13 atuarsigit apeq­qullu una eqqar­torlugu:

• Sooq tun­niul­luin­narlutit neriorsuinerit eqqor­tis­sin­naal­lugu qularutigis­san­ngiliuk?

7. Jehovamit asaneqarnerit qujamasuutigineruleruk

Jehovamit asaneqar­nerit eqqarsaatigeq­qis­saar­tarukku qujamasun­nerulis­saatit naas­saan­ngitsumillu kif­far­torfigerusulerlugu. Tussiaat 40:6 atuarsiuk apeq­qullu una eqqar­torlugu:

• Pil­luaq­qus­sut Jehovameersoq suna nuan­nariner­paaviuk?

Pruf­fiitip Jeremiap Jehova asavaa taas­sumalu oqaasia nuan­naralugu. Jehovamut kif­far­torsin­naanini ataq­qinaataasoq qujamasuutigingaar­paa, ima oqar­poq: “Oqaatsitit nuan­naarutigaakka uum­matik­kullu tipaatsuutigalugit illit atin­nik ateqar­titaagama.” (Jeremia 15:16) Apeq­qutit uku qanoq akis­savigit?

• Jehovap Nalunaajaasuinut ilaaneq sooq immik­kut ataq­qinaataava?

• Jehovamik Nalunaajaasun­ngorumal­lutit imermut morsutsin­neqarusup­pit?

• Taamaalior­nis­san­nut arlaan­nik aporfeqar­pit?

• Imermut morsutsin­neqarumal­lutit susariaqar­pit?

EQIKKAANEQ

Jehovap ikiuineratigut imermut morsutsin­neqar­nis­san­nut aporfigisin­naasatit suul­luun­niit qaangersin­naavatit.

Uteqqiineq

• Imermut morsutsin­neqarsin­naajumal­lutit Biibili pil­lugu qanoq ilisimasaqar­tigisariaqar­pit?

• Imermut morsutsin­neqarsin­naajumal­lutit qanoq allan­nguisariaqar­pit?

• Sooq kuk­kunis­sat annilaan­ngatigigukku aporfigilis­san­ngiliuk?

NAMMINEQ MISISSUGASSATIT

Imermut morsutsin­neqar­nis­samut suna kajumis­sis­sutaas­sasoq misis­soruk.

“Kuisinnissamut piareersimavit?” (Napasuliaq Alapernaarsuiffik, marsi 2020)

Ajor­nar­torsiutit aporfigisin­naasatit qanoq qaangersin­naagitit atuaruk.

“Kuisinnissannut suna akornutigaara?” (Napasuliaq Alapernaarsuiffik, marsi 2019)

Angutip aporfigisani anner­tunerusut qanoq qaangerluarai takuuk.

‘Sooq imermut morsutsitaanissannut piumaataarpit?’ (1:10)

Imermut morsutsin­neqar­nis­saminik tunuarsimaarfigin­nis­simasup sooq isum­mani allan­ngor­tik­kaa takuuk.

Qujamasungaarpunga (7:21)