• Qanoq aalajangiilluarsinnaasartugut
    Naassaanngitsumik pilluarsinnaavutit! – Biibilimik pikkorissarneq

    • 5. Allat allaanerusumik aalajangiisinnaanerat ataqqiuk

      Inuit assigiin­ngitsut assigiin­ngitsunik aalajangiisar­put. Allat uagutsin­nit allaanerusumik aalajangiisin­naanerat qanoq ataq­qisin­naavar­put? Marlun­nik assersuuteqariarta.

      Assersuut 1: Qatan­ngut arnaq allakajaatut atisalersoriaatsimik nuan­narisaqar­toq ilagiin­nut allanut nuup­poq. Atisalersoriaasiali ilageeqatigiligaasa ilaasa narrujuum­mis­sutigaat.

      Romamiut 15:1 aamma Korintimiunut 1. 10:23, 24 atuarsigit apeq­qutillu uku eqqar­torlugit:

      • Versit tun­ngavigalugit qatan­ngut arnaq qanoq aalajangersin­naava? Illit ilerasuutigin­ngisat ilagisavit ilerasuutigip­pagu sus­savit?

      Assersuut 2: Qatan­ngutip angutip nalun­ngik­kaluarlugu imigas­sar­tor­neq Biibilimi iner­teq­qutigineqan­ngitsoq aalajanger­poq imigas­sar­tor­tar­niar­nani. Katerisimaar­nermut qaaq­qusaavoq, tas­sanilu qatan­ngutit imigas­sar­tor­tut takuai.

      Oqaluussisartup oqaasii 7:16 aamma Romamiut 14:1, 10 atuarsigit apeq­qutillu uku eqqar­torlugit:

      • Versit tun­ngavigalugit qatan­ngut angut qanoq qisuariarsin­naava? Iliuuseris­sal­lugu ilerasuutigisar­tak­kat allap iliuuserip­pagu sus­savit?

      Qanoq aalajangiilluarsinnaavugut?

      1. Jehovamut ikioqqugit. – Jaaku 1:5.

      2. Biibilimi Biibililersaarutinilu iluaqutigisin­naasan­nik najoq­qutas­siaqar­nersoq misissuigit. Aamma Nalunaajaasut misilit­tagaqarluar­tut oqaloqatigisin­naavatit.

      3. Aalajangiun­niak­kat ilerasuutigis­sanerlugu aamma allat narrujuum­mis­sutigis­saneraat eqqarsaatigiuk.

  • Isikkorissariaaseq atisalersoriaaserlu Jehovap iluarisai
    Naassaanngitsumik pilluarsinnaavutit! – Biibilimik pikkorissarneq

    • Tamatta atisalersornermut isikkoris­sarnermullu tunngatillugu assigiin­ngitsunik nuannarisaqar­tarpugut. Najoqqutassiat Biibilimeersut maleruarutsigit nuannarisatsitut atisalersorlutalu Jehova nuannaar­tissavarput. Najoqqutassiat taakkua ilaat sammeriartigit.

      1. Atisalersornermut isikkoris­sarnermullu tunngatillugu sunik najoqqutas­siaqarpa?

      “Atisat naleqquttut, anneruniajuitsuunermik isumakkullu peqqissuunermik ersersitsisut” ipiitsullu atortas­savagut, isikkoris­sarnerpullu ‘Guutimut tunniusimanitsinnik’ ersersitsisariaqarluni. (Timuutiusimut 1. 2:9, 10) Najoqqutassiat taakku qanoq maleruarsin­naavagut? (1) Atisagut ‘naleqqut­tuusariaqarput’. Ataatsimiinnerni maluginiar­nikuugunarpat Jehovamut ataqqinaataasumik assigiin­ngitsunik nujalereriaaseqarsin­naallunilu atisalersoriaaseqarsinnaasoq. (2) “Anneruniajuitsuunermik” ersersitsisunik atisaqaraangatta allat naleqqutin­ngitsumik eqqarsalersit­toorneq ajorpagut. Aamma imminut malugeq­qusaarutaasunik atisaqar­naveersaar­tarpugut. (3) ‘Isumakkut peqqissuunerput’ ersersit­tarparput mutiusunut nutaanerpaanut maleruutiin­nanngik­kaangatta. (4) Atisalersoriaaserput isikkoris­sarnerpullu ‘Guutimut tunniusimanitsinnik’ ersersitsisariaqarput, tassa allat takusin­naasariaqarpaat Guutimut kiffaasugut. – Korintimiunut 1. 10:31.

      2. Atisalersoriaaserput uppeqatitsinnut qanoq sunniuteqarsinnaava?

      Sunik atisaqar­niarnerluta aalajangiisin­naatitaagaluarluta aalajangiinerput allanut qanoq sunniuteqas­sanersoq eqqarsaatigisariaqarparput. “Inoqaterput ineriar­toqqullugu iluarisaatut” iliorniarluta mamiasuutigisin­naasaanik atisaqar­naveersaar­tarpugut. – Romamiut 15:1, 2 atuarsigit.

      3. Atisalersoriaaserput oqaluus­siffigisar­takkatsinnut qanoq sunniuteqarsinnaava?

      Tamatigut naleqquttunik atisaqar­niartarpugut, ingammilli ataatsimiigiaraangatta oqaluus­sigaangattalu tamanna eqqumaf­figisarparput. Kissaatigin­ngilarput atisagut pissutigalugit oqaluus­siffigisatta oqariar­tuuterput maluginian­ngitsuussagaa. Atisagut ‘Aniguisitsisitta ilinniar­titsissutaanut ataqqinaataappata’ immaqa tamanna pissutigalugu inuit ilumoortoq Biibilimeersoq paaserusulissavaat. – Tittusi 2:10.

      ITISILIINEQ

      Kristumiuunitsinnut ersiutaasumik qanoq atisalersoriaaseqarsin­naallutalu isikkoris­sariaaseqarsin­naasugut misissoruk.

      Isikkoris­sariaatsitsigut ersersis­sinnaavarput inuit oqartus­saassusillit ataqqillugit. Jehovap uummammiugisagut takusin­naagaluarai isikkoris­sarnitsigut ersersit­tariaqarparput ataqqillugu

      4. Atisalersoriaaserput Jehovamut ataqqinaataasinnaavoq

      Sooq atisalersoriaaserput isikkoris­sariaaserpullu eqqumaf­figisariaqarpagut? Saqqummersitat 4:11 atuarsiuk apeqqutillu uku eqqartorlugit:

      • Sooq Jehovamut kiffaanerput atisalersoriaatsitsinnut sunniuteqassava?

      • Ataatsimiigiaraangatta oqaluus­sigaangattalu atisalersor­nitsinnik eqqumaf­figinnit­tariaqar­tarnerput ingasap­pallaarsoraajuk? Sooq taama isumaqarpit?

      5. Atisalersoriaatsimut isikkoris­sarnermullu tunngatillugu qanoq aalajangiil­luarsin­naasugut

      VIDEO takusiuk.

      VIDEO: “Guuti sutigut tamatigut ataqqinarsisit­tassavarsi” (10:18)

      Atisagut akikikkaluarpataluunniit ipiitsuul­lutillu pissutsinut atuuttunut naleqqut­tariaqartarput. Korintimiunut 1. 10:24 aamma Timuutiusimut 1. 2:9, 10 atuarsigit. Eqqartorsiuk sooq imaattunik atisaqar­naveersaar­tassasugut:

      • Pikatap­pasittunik persuarsiorpasip­pallaar­tunillu

      • Inuit allat naleqqutin­ngitsumik eqqarsalis­sutigisin­naasaannik, soorlu attuumaval­laartunik

      Moorsisip inatsisai kristumiut maleruar­tussaan­ngikkaluaraat Jehovap isumaanik ersersitsisarput. Mosesimik 5. 22:5 atuarsiuk apeqqullu una eqqartorlugu:

      • Sooq angutit arnatut arnallu angutitut atisalersoriaaseqar­natillu isikkoqar­niartas­sanngillat?

      Korintimiunut 1. 10:32, 33 aamma Johannesimit 1. 2:15, 16 atuarsigit apeqqutillu uku eqqartorlugit:

      • Sooq atisalersoriaatsitta uppeqatitsinnut allanullu mamiasuutaasin­naanera eqqumaf­figisas­savarput?

      • Atisalersoriaatsit isikkoris­sariaatsillu suut nunassinni nalingin­naappat?

      • Isumaqarpit taakkua ilaat kristumiunut naleqqutin­ngitsut? Sooq?

      Jehovap iluarisaanik assigiin­ngitsunik atisalersoriaaseqarsin­naallutalu isikkoris­sariaaseqarsin­naavugut

      OQARTOQARTARPOQ: “Atisalersoriaasera allat susassarin­ngilaat.”

      • Isumaqataavit? Sooq taama isumaqarpit?

      EQIKKAANEQ

      Atisalersoriaatsitsinnut isikkoris­sariaatsitsinnullu tunngatillugu aalajangiil­luaraangatta Jehovamik allanillu ataqqin­ninnermik ersersitsisarpugut.

      Uteqqiineq

      • Sooq Jehovap atisalersoriaaserput isikkoris­sariaaserpullu soqutigai?

      • Isikkoris­sarnitsinnut tunngatillugu najoqqutassiat suut maleruas­savagut?

      • Atisalersoriaaserput allat Jehova pillugu isumaannut qanoq sunniuteqarsinnaava?

      Iliuuserisassatit

      NAMMINEQ MISISSUGASSATIT

      Atisalersoriaatsit illit pillutit sunik ersersitsisarnersoq paasiniaruk.

      “Qanoq isikkoqarpunga?” (Nittartak­katsinni allaaserisaq)

      Kakiortissavit? Aalajangiin­nginninni suut eqqarsaatigisariaqarpigit?

      “Kakiortinneq pillugu Biibilimi qanoq allassimasoqarpa?” (Nittartak­katsinni allaaserisaq)

      Biibilimi najoqqutassiat ilua­qutigalugit qanoq isikkoqar­ninnut oqimaaqatigiissumik ­isiginnittaaseqarsinnaanerlutit paasiniaruk.

      Sooruna taamatut isikkoqarnera isumakuluutigiuariga? (4:29)

      Arnaq eqqortuliorusuttoq allat atisalersoriaasiat pillugu sooq mamiasuttarunnaarpa?

      “Allat atisalersoriaasiat isikkoris­sariaasiallu mamiatsaatigaakka” (Iteritsi!-mi allaaserisaq)