• Jiisusip nukaa ilinniarfigiuk
    Napasuliaq (Atuaqqissaarutissaq) – 2022 | Januaari

    • JAAKUTUT MANIGUUTTUUJUARIT

      Jaaku Jiisusimit saq­qum­merfigineqarami maniguul­luni Mis­siarsiunera up­periler­paa, taamanimiil­lu aalajaal­luni Kristusip ajoqersugaatut kif­far­tuler­poq (Im­mik­koor­tut 5-7 takuk­kit)

      5. Jaaku Jiisusi makititaasimasoq takugamiuk sua?

      5 Jaaku qanga Jiisusimut ajoqersugan­ngor­pa? Jiisusi makititaanermi kingor­na “Jaakumit takuneqar­poq, kingor­nalu apustilinit tamanit”. (1 Kor 15:7) Jaakup Jiisusimik takun­nin­nini inuunerminik al­lan­nguis­sutigaa. Jerusalemimi inimi qul­lermi apustilit anersaamik il­ler­nar­tumik tanin­neqar­nis­samin­nik utaq­qineran­ni Jaaku najuup­poq. (ApS 1:13, 14) Kingusin­nerusuk­kut Jaaku kristumiut siul­liit siulersuisoqatigiivinut ilaasor­tan­ngor­poq. (ApS 15:6, 13-22; Gal 2:9) Aam­ma ukioq 62 sioq­qul­lugu isumas­sarsisitaal­luni kristumiut tanitat al­laf­figai. Tanitaagut­ta tanitaan­ngik­kaluarut­taluun­niit al­lak­kat taak­ku iluaqutigisin­naavagut. (Jaak 1:1) Oqalut­tuarisaanermik ilisimatooq juutiusoq Josefus naaper­torlugu juutit palasiunerata Ananiap Nukarliup peq­qusineratigut Jaaku toqutaavoq. Jaaku nunarsuarmi inuunerminik naam­mas­sin­nin­nis­sami tungaanut Jehovamut aalajaat­tuar­poq.