’Ajunngitsuliortuarit’
1 Jehovamut kiffanngoravit eqqortuliortarputit. Ullulli maannakkut inuuffigisavut atugarliorfiungaarput, taamaattumillu ’ajunngitsuliortuarnissaq’ unamminiarnartuuvoq. (Gal. 6:9) Ilungersornaraluarlunili ajornanngilaq. Qanoq?
2 Jiisusitut isumaliortaaseqarneq ineriartortiguk: Jiisusitut misilineqarnerit naammagalugit atorsinnaavavut Guutip naalagaaffia neriuutigiuarutsigu. (Heb. 12:2, 3) Qularutigissanngilat Jehovap asammatit nikallujuinnissallu kissaatigalugu. (2 Pet. 3:9) Tunaariuk ikiorumaaraatillu tatigalugu. (1 Kor. 10:13) Qasusuillutit qinusarit, nikallujuinnissannullu ikioqqullutit Jehova qinnuigiuk. (Rom. 12:12) Nuannaarit tatigalugu nikallujuinnerit Guutip isaani akuerisaassutigisinnaagakku. (Rom. 5:3-5) „Isummamik taannaasumik ataasiusumik Kristusi-Jiisusip piumasaa malillugu“ aalajaalluta ineriartortitsigutta nalerisimaangaalissaagut Jehovallu uummataa nuannaartissallugu. — Rom. 15:5; Uss. 27:11.
3 Ajunngitsuliortuarit: Jehovap innuttami ajunngitsuliornissaannut iluaqutissatut tunissutai atorluakkit. Guutip oqaasiani ullut tamaasa atuartarnissap atuagassianillu Biibililersaarutaasunik inussiap ilumoorlunilu silatuup pilersitaanik atuaqqissaartarnissap ileqquliulluarnissaat ineriartortiguk. Ilagiit ataatsimiinneri tamaasa piareersarfigisakkit, najuuffigisakkit peqataaffigisakkillu. Ataatsimiilernermi ataatsimeereernermilu anersaakkut qatanngutinik qanimut peqateqarneq nuannaarutigisaruk. Siunertaqarluartumik kiffartoqataalernissannut allanullu nutaarsiassamik nuannersumik oqaluussillaqqinnerulernissannut piviusorsiortunik anguniagaqarit.
4 Tamakku eqqumaffigigutsigik ajunngitsuliortuarsinnaavugut nuannaangaarnerlu misigalugu. Malugiuk Jaakup tamanna qanoq oqaatigigaa: „Kiffaanngissutsilli inatsisaanik naammalluinnartunik isumaliutiginneqqissaartoq aalajangiussisorlu, tusakkaminik puigutuujunani suliassamillu naammassinnittartuulluni, taanna taamaaliornermigut pilluarumaarpoq.“ — Jaaku 1:25.