• Jehovap annertoqqusersorumaarpaatit
    Napasuliaq – 2015 | 15. decembari

    • 13. Peq­qis­sutsimut tun­ngatil­lugu siun­nersuin­ngin­nitsin­ni siun­nersor­neqarut­taluun­niit suna eq­qaamasariaqar­par­put?

      13 Ul­lumik­kut qatan­ngutit­ta tupin­nar­tulior­nik­kut ajorun­naarsis­sin­naan­ngilaatigut. Ikiuerusuk­kamil­li im­maqa ilaasa pin­ngitsaaliusal­luta, al­laat naak aperineqan­ngik­kaluarlutik, siun­nersor­niarsin­naavaatigut. Soorunami siun­nersuutit ilaat ajun­ngil­lat. As­sersuutigalugu Paulusip Timotheusi viin­nisulaar­tar­nis­saanut siun­nersor­paa. Timotheusi naarlut­tar­poq, imaas­sin­naavoq imermik mingulim­mik imersimasoq.a (1 Timotheusi 5:23 atuaruk). Mianersor­tariaqar­pugul­li. Im­maqa qatan­ngutip aalajangersimasumik nakorsaatitoq­qul­luta nerisas­sal­luun­niit aalajangersimasut nereq­qul­lugit nereq­qunagil­luun­niit kimigiiserfigaatigut. Im­maqa oqarfigisin­naavaatigut ilaqut­tami ilaasa taamatupajaaq nap­paateqarsimasut iluaqutigisimagaat. Imaan­ngilarli uagut aam­ma taman­na iluaqutigis­sagip­put. Eq­qaamasariaqar­par­put nakorsaat nakorsaariaaserluun­niit inup­pas­suit iluaqutigisimagaluaraat ajoqutaangaar­tunik sun­niuteqarsin­naasoq. – Us­satit 27:12 atuaruk.