12 ರೆಹಬ್ಬಾಮ ಶೆಕೆಮಿಗೆ+ ಹೋದ, ಯಾಕಂದ್ರೆ ಎಲ್ಲ ಇಸ್ರಾಯೇಲ್ಯರು ಅವನನ್ನ ರಾಜನಾಗಿ ಮಾಡೋಕೆ ಅಲ್ಲಿಗೆ ಬಂದಿದ್ರು.+ 2 ಈ ಸುದ್ದಿ ನೆಬಾಟನ ಮಗ ಯಾರೊಬ್ಬಾಮನಿಗೆ ಗೊತ್ತಾದ ತಕ್ಷಣ (ಯಾರೊಬ್ಬಾಮ ಇನ್ನೂ ಈಜಿಪ್ಟಲ್ಲೇ ಇದ್ದ. ಯಾಕಂದ್ರೆ ಅವನು ರಾಜ ಸೊಲೊಮೋನನಿಗೆ ಹೆದರಿ ಈಜಿಪ್ಟಿಗೆ ಓಡಿಹೋಗಿದ್ದ.)+ 3 ಜನ್ರು ಅವನನ್ನ ಈಜಿಪ್ಟಿಂದ ಬರೋಕೆ ಹೇಳಿದ್ರು. ಆಮೇಲೆ ಯಾರೊಬ್ಬಾಮ ಮತ್ತು ಎಲ್ಲ ಇಸ್ರಾಯೇಲ್ಯರು ರೆಹಬ್ಬಾಮನ ಹತ್ರ ಬಂದು⁠ 4 “ನಿನ್ನ ಅಪ್ಪ ನಮ್ಮಿಂದ ಕಷ್ಟದ ಕೆಲಸ ಮಾಡಿಸ್ಕೊಂಡು ನಮ್ಮ ಮೇಲೆ ಭಾರವಾದ ನೊಗ ಹೊರಿಸಿದ್ದ.+ ಒಂದುವೇಳೆ ನೀನು ಆ ಕಷ್ಟದ ಕೆಲಸವನ್ನ ಸುಲಭಮಾಡಿದ್ರೆ ಮತ್ತು ನಿನ್ನ ಅಪ್ಪ ನಮ್ಮ ಮೇಲೆ ಹೊರಿಸಿದ ಭಾರವನ್ನ* ಹಗುರ ಮಾಡಿದ್ರೆ ನಾವು ನಿನ್ನ ಸೇವೆ ಮಾಡ್ತೀವಿ” ಅಂದ್ರು.