ಯೆಶಾಯ

15 ಮೋವಾಬಿನ ವಿರುದ್ಧ ಬಂದ ಸಂದೇಶ+

ಮೋವಾಬಿನ ಆರ್‌+ ಪಟ್ಟಣ ನಿಶ್ಶಬ್ದವಾಗುತ್ತೆ,

ಯಾಕಂದ್ರೆ ಅದನ್ನ ರಾತ್ರೋರಾತ್ರಿ ನಾಶ ಮಾಡಲಾಗುತ್ತೆ.

ಮೋವಾಬಿನ ಕೀರ್‌+ ಪಟ್ಟಣ ನಿಶ್ಶಬ್ದವಾಗುತ್ತೆ,

ಯಾಕಂದ್ರೆ ಅದನ್ನ ರಾತ್ರೋರಾತ್ರಿ ನಾಶ ಮಾಡಲಾಗುತ್ತೆ.

 2 ಜನ ಅಳುವುದಕ್ಕಾಗಿ ಮೇಲಿನ ಆಲಯಕ್ಕೆ* ಮತ್ತು ದೀಬೋನಿಗೆ+ ಹೋಗ್ತಾರೆ,

ಎತ್ರ ಸ್ಥಳಗಳಿಗೆ ಹೋಗಿ ಬಿಕ್ಕಿಬಿಕ್ಕಿ ಅಳ್ತಾರೆ.

 3 ಅದ್ರ ಬೀದಿಗಳಲ್ಲಿ ಗೋಣಿ ಸುತ್ಕೊಂಡಿರೋ ಜನ ಕಾಣಿಸ್ತಾರೆ,

ತಮ್ಮ ಮನೆಯ ಚಾವಣಿಯಲ್ಲಿ ಮತ್ತು ಪಟ್ಟಣದ ಮುಖ್ಯಸ್ಥಳಗಳಲ್ಲಿ* ಅವರು ಗೋಳಾಡ್ತಾರೆ,

ಅವರು ಅಳ್ತಾ ಅಳ್ತಾ ನೆಲಕ್ಕೆ ಕುಸಿದು ಬೀಳ್ತಾರೆ.+

 4 ಹೆಷ್ಬೋನ್‌, ಎಲೆಯಾಲೆ+ ಗಟ್ಟಿಯಾಗಿ ಅಳ್ತವೆ,

ಅವುಗಳ ಸ್ವರ ದೂರದ ಯಹಜ್‌+ ತನಕ ಕೇಳಿಸುತ್ತೆ.

ಅವರು ಲೂಹೀತನ್ನ ಹತ್ತಿ ಹೋಗುವಾಗ ಕಣ್ಣೀರು ಹಾಕ್ತಾ ಹೋಗ್ತಾರೆ,

ನಡೆದ ಮಹಾದುರಂತಕ್ಕಾಗಿ ಹೊರೊನಯಿಮಿಗೆ ಹೋಗೋ ಮಾರ್ಗದಲ್ಲಿ ಗಟ್ಟಿಯಾಗಿ ಅಳ್ತಾರೆ.+

 6 ಯಾಕಂದ್ರೆ ನಿಮ್ರೀಮಿನ ನೀರೆಲ್ಲ ಒಣಗಿಹೋಗುತ್ತೆ,

ಹಸಿಹುಲ್ಲು ಬಾಡಿಹೋಗುತ್ತೆ,

ಹುಲ್ಲೇ ಇಲ್ಲದಂತಾಗಿ ಹಸಿರು ಕಣ್ಮರೆಯಾಗುತ್ತೆ.

 7 ಹಾಗಾಗಿ ಜನ ಉಳಿದಿರೋ ತಮ್ಮ ವಸ್ತುಗಳನ್ನ ಮತ್ತು ಆಸ್ತಿಯನ್ನ ಹೊತ್ಕೊಂಡು,

ನೀರವಂಜಿ* ಮರಗಳ ಕಣಿವೆ ದಾಟಿಹೋಗ್ತಾರೆ.

 8 ಅವರ ಗೋಳು ಮೋವಾಬಿನ ಪ್ರಾಂತ್ಯದಲ್ಲೆಲ್ಲ ಪ್ರತಿಧ್ವನಿಸುತ್ತೆ,+

ಆ ರೋದನೆ ಎಗ್ಲಯಿಮಿನ ತನಕ ಬೆಯೇರ್‌-ಏಲೀಮಿನ ತನಕ ತಲುಪುತ್ತೆ.

 9 ದೀಮೋನಿನ ನದಿಗಳು ರಕ್ತದಿಂದ ತುಂಬಿಹೋಗ್ತವೆ,

ನಾನು ದೀಮೋನಿಗೆ ಮಾಡಬೇಕಾಗಿರೋದು ಇನ್ನೂ ಇದೆ

ಮೋವಾಬಲ್ಲಿ ಬದುಕುಳಿಯೋ ಜನ್ರ ಹತ್ರ,

ದೇಶದಲ್ಲಿ ಉಳ್ಕೊಳ್ಳುವವರ ಹತ್ರ ನಾನು ಒಂದು ಸಿಂಹನ ಕಳಿಸ್ತೀನಿ.+