ಓಬದ್ಯ

“ಯೆಹೋವ ಹೇಳಿದ ಸುದ್ದಿಯನ್ನ ನಾವು ಕೇಳಿಸ್ಕೊಂಡಿದ್ದೀವಿ,

ಆತನು ದೇಶಗಳ ಮಧ್ಯ ಒಬ್ಬ ಪ್ರತಿನಿಧಿಯನ್ನ ಕಳಿಸಿದ್ದಾನೆ,

ಆ ಪ್ರತಿನಿಧಿ ‘ಬನ್ನಿ, ಎದೋಮಿನ ವಿರುದ್ಧ ಯುದ್ಧ ಮಾಡೋಕೆ ಸಿದ್ಧರಾಗೋಣ’ ಅಂತ ಹೇಳ್ತಿದ್ದಾನೆ.”+

 2 “ನೋಡು! ನಾನು ನಿನ್ನನ್ನ ಬೇರೆಲ್ಲ ಜನಾಂಗಗಳಿಗಿಂತ ಕೀಳಾಗಿ ಮಾಡಿದ್ದೀನಿ,

ಅವರು ನಿನ್ನನ್ನ ತುಂಬ ಕೀಳಾಗಿ ಕಾಣ್ತಾರೆ.+

 3 ನೀನು ಬಂಡೆ ಸಂದುಗಳಲ್ಲಿ,

ಎತ್ತರದ ಬೆಟ್ಟಗಳಲ್ಲಿ ವಾಸಿಸ್ತಾ,

‘ನನ್ನನ್ನ ನೆಲಕ್ಕೆ ನೂಕೋಕೆ ಯಾರಿಂದಾನೂ ಆಗಲ್ಲ’ ಅಂದ್ಕೊಳ್ತಿಯಲ್ಲಾ,

ಆದ್ರೆ ನಿನ್ನ ಹೃದಯದ ಸೊಕ್ಕೇ ನಿನ್ನನ್ನ ಮೋಸ ಮಾಡಿದೆ.+

 4 ನೀನು ಹದ್ದಿನ ತರ ಎತ್ತರದಲ್ಲಿ ವಾಸಸ್ಥಾನವನ್ನ ಮಾಡ್ಕೊಂಡ್ರೂ*

ನಕ್ಷತ್ರಗಳ ಮಧ್ಯ ಗೂಡು ಕಟ್ಕೊಂಡ್ರೂ

ನಾನು ನಿನ್ನನ್ನ ಅಲ್ಲಿಂದ ತಳ್ಳಿಬಿಡ್ತೀನಿ” ಅಂತ ಯೆಹೋವ ಹೇಳ್ತಾನೆ.

 5 “ರಾತ್ರಿಯಲ್ಲಿ ಕಳ್ಳರು, ದರೋಡೆಕೋರರು ಬಂದ್ರೆ

ತಮಗೆ ಬೇಕಿರೋದನ್ನ ಮಾತ್ರ ಕದ್ಕೊಂಡು ಹೋಗ್ತಾರಲ್ವಾ?

ನಿನ್ನ ಜೊತೆ ಊಟ ಮಾಡುವವರು ನಿನ್ನನ್ನ ಹಿಡಿಯೋಕೆ ಬಲೆ ಬೀಸ್ತಾರೆ,

ಆದ್ರೆ ನಿಂಗೆ ಅದು ಗೊತ್ತಾಗೋದೇ ಇಲ್ಲ.”

 8 ಯೆಹೋವ ಹೇಳೋದು ಏನಂದ್ರೆ

“ಆ ದಿನ ನಾನು ಎದೋಮಲ್ಲಿರೋ ವಿವೇಕಿಗಳನ್ನ,

ಏಸಾವನ ಬೆಟ್ಟ ಪ್ರದೇಶದಲ್ಲಿರೋ ವಿವೇಚನೆ ಇರೋ ಜನ್ರನ್ನ ನಾಶ ಮಾಡ್ತೀನಿ.+

 9 ಏಸಾವನ ಬೆಟ್ಟ ಪ್ರದೇಶದಲ್ಲಿರೋ ಪ್ರತಿಯೊಬ್ಬನೂ ಸಂಹಾರ ಆಗ್ತಾನೆ,+

ಹಾಗಾಗಿ ತೇಮಾನೇ,+ ನಿನ್ನ ರಣವೀರರು ಹೆದರಿ ನಡುಗ್ತಾರೆ.+

10 ನೀನು ನಿನ್ನ ತಮ್ಮ ಯಾಕೋಬನನ್ನ ಹಿಂಸಿಸಿದೆ,+

ಹಾಗಾಗಿ ಅವಮಾನ ನಿನ್ನನ್ನ ಆವರಿಸುತ್ತೆ,+

ನೀನು ಅಸ್ತಿತ್ವದಲ್ಲೇ ಇಲ್ಲದ ಹಾಗೆ ನಾಶವಾಗಿ ಹೋಗ್ತೀಯ.+

11 ಅಪರಿಚಿತರು ಅವನ ಸೈನ್ಯವನ್ನ ಸೆರೆಹಿಡ್ಕೊಂಡು ಹೋದ ದಿನ,+

ನೀನು ಸುಮ್ನೆ ನಿಂತು ನೋಡ್ತಿದ್ದೆ,

ವಿದೇಶಿಯರು ಅವನ ಪ್ರದೇಶದೊಳಗೆ ನುಗ್ಗಿ ಯೆರೂಸಲೇಮನ್ನ ಪಾಲು ಮಾಡ್ಕೊಳ್ಳೋಕೆ ಚೀಟುಹಾಕಿದ ದಿನ,+

ನೀನು ಕೂಡ ಅವ್ರಷ್ಟೇ ಕೆಟ್ಟವನಾಗಿ ನಡ್ಕೊಂಡೆ.

12 ನಿನ್ನ ತಮ್ಮನಿಗೆ ಕಷ್ಟ ಬಂದ ದಿನ ನೀನು ಹಿಗ್ಗಬಾರದಿತ್ತು,+

ಯೆಹೂದದ ಜನ್ರ ನಾಶನದ ದಿನ ನೀನು ಸಂಭ್ರಮ ಪಡಬಾರದಿತ್ತು,+

ಅವ್ರ ಸಂಕಷ್ಟದ ದಿನ ನೀನು ಸೊಕ್ಕಿಂದ ಮಾತಾಡಬಾರದಿತ್ತು.

13 ನನ್ನ ಜನ್ರ ಕಷ್ಟದ ದಿನ ಅವ್ರ ಪಟ್ಟಣದೊಳಗೆ ನೀನು ಬರಬಾರದಿತ್ತು,+

ಅವನ ಕಷ್ಟದ ದಿನ ಅವನಿಗಾದ ಕೇಡನ್ನ ನೋಡಿ ನೀನು ಹಿಗ್ಗಬಾರದಿತ್ತು,

14 ದಾರಿಗಳು ಕೂಡೋ ಸ್ಥಳದಲ್ಲಿ ನಿಂತು ತಪ್ಪಿಸ್ಕೊಂಡು ಓಡ್ತಾ ಇದ್ದವ್ರನ್ನ ಸಾಯಿಸಬಾರದಿತ್ತು,+

ಕಡುಕಷ್ಟದ ದಿನ ಬದುಕಿ ಉಳಿದವ್ರನ್ನ ನೀನು ಹಿಡಿದು ಶತ್ರುಗಳ ಕೈಗೆ ಒಪ್ಪಿಸಬಾರದಿತ್ತು.+

16 ನೀವು ನನ್ನ ಪವಿತ್ರ ಬೆಟ್ಟದಲ್ಲಿ ದ್ರಾಕ್ಷಾಮದ್ಯ ಕುಡಿದ ಹಾಗೇ,

ಎಲ್ಲ ಜನಾಂಗಗಳು ನನ್ನ ಕೋಪ ಅನ್ನೋ ದ್ರಾಕ್ಷಾಮದ್ಯ ಕುಡಿತಾ ಇರ್ತವೆ.+

17 ಆದ್ರೆ ಪಾರಾದವರು ಚೀಯೋನ್‌ ಬೆಟ್ಟದ ಮೇಲೆ ಇರ್ತಾರೆ,+

ಆ ಬೆಟ್ಟ ಪವಿತ್ರವಾಗಿರುತ್ತೆ,+

ಯಾಕೋಬನ ವಂಶದವರು ತಮಗೆ ಸೇರಿದ ಸೊತ್ತನ್ನ ಮತ್ತೆ ತಮ್ಮದಾಗಿ ಮಾಡ್ಕೊಳ್ತಾರೆ.+

18 ಯಾಕೋಬನ ವಂಶದವರು ಬೆಂಕಿ ತರ ಆಗ್ತಾರೆ,

ಯೋಸೇಫನ ವಂಶದವರು ಜ್ವಾಲೆ ತರ ಆಗ್ತಾರೆ,

ಏಸಾವನ ವಂಶದವರು ಕೂಳೆ ತರ ಇರ್ತಾರೆ,

ಇವ್ರನ್ನ ಅವರು ಸುಟ್ಟು ಬೂದಿ ಮಾಡ್ತಾರೆ,

ಏಸಾವನ ವಂಶದಲ್ಲಿ ಯಾರೂ ಬದುಕಿ ಉಳಿಯಲ್ಲ.+

19 ಅವರು ನೆಗೆಬ್‌,* ಏಸಾವನ ಬೆಟ್ಟ ಪ್ರದೇಶವನ್ನ,

ಷೆಫೆಲಾ ಮತ್ತು ಫಿಲಿಷ್ಟಿಯರ ದೇಶವನ್ನ ವಶ ಮಾಡ್ಕೊಳ್ತಾರೆ.+

ಅವರು ಎಫ್ರಾಯೀಮಿನ ಮತ್ತು ಸಮಾರ್ಯದ ಜಮೀನನ್ನೂ ತಮ್ಮದಾಗಿ ಮಾಡ್ಕೊಳ್ತಾರೆ,+

ಬೆನ್ಯಾಮೀನ ಗಿಲ್ಯಾದನ್ನ ಸ್ವಾಧೀನ ಮಾಡ್ಕೊಳ್ತಾನೆ.

20 ಕಾನಾನ್‌ ದೇಶದಿಂದ ಚಾರೆಪ್ತದ+ ತನಕ ಇರೋ ಪ್ರದೇಶ

ಈ ಕೋಟೆಯಿಂದ ಕೈದಿಯಾಗಿ ಹೋದ ಇಸ್ರಾಯೇಲ್ಯರಿಗೆ ಸೇರುತ್ತೆ.+

21 ಏಸಾವನ ಬೆಟ್ಟ ಪ್ರದೇಶಕ್ಕೆ ತೀರ್ಪು ಕೊಡೋಕೆ+

ರಕ್ಷಕರು ಚೀಯೋನ್‌ ಬೆಟ್ಟದ ಮೇಲೆ ಹೋಗ್ತಾರೆ.