Estere

9 Muna lumbu kia 13 kia ngonde a 12, i sia vo, ngonde ya Adare,*+ muna lumbu kiakina kiadi lungana nzengo za ntinu ye nsiku andi,+ e lumbu kina mbeni za Ayuda zadi kubasunda, vabwa diambu diankaka, Ayuda yau bafukisa mbeni zau.+ 2 Ayuda bakutakana muna mbanza zawonso, muna mvivu miawonso mia Akasurose+ wa Ntinu muna nuanisa awana bavavanga kubavanga e mbi, ke vakala ona walenda kubatelamena ko kadi nkangu miawonso babamwene wonga.+ 3 Akuluntu awonso a mvivu, e nkumbi za ntinu,+ nguvulu ye awonso basalanga e salu kia ntinu bayikama Ayuda, kadi bamwena Modekai wonga. 4 Modekai wakumama+ muna nzo a* ntinu, e tunda diandi dimwangana muna mvivu miawonso kadi wakumamanga kaka.

5 Ayuda batufakesa mbeni zau zawonso muna nsosolo, babavonda yo kubafwasa; bavanga mawonso bazola kw’awana babamenganga.+ 6 Muna lûmbu lwa Susani,*+ Ayuda bavonda yo fwasa 500 za wantu. 7 Bavonda mpe Pasandata, Dalefone, Asepata, 8 Porata, Adaliya, Aredata, 9 Pamaseta, Aresai, Aredai yo Vaizata, 10 wana kumi a Amani wa mwan’a Kamedata, wa mbeni a Ayuda.+ Kansi vava babavonda, ke bakutumuna mavua mau ko.+

11 Muna lumbu kiakina, o lutangu lwa wantu bavondwa muna lûmbu lwa Susani* lwazayiswa kwa ntinu.

12 Ntinu ovovese Estere wa ntinu ankento vo: “Kuna lûmbu lwa Susani,* Ayuda bavondele yo fwasa 500 za wantu kumosi yo wan’a Amani. Adieyi bavangidi muna mvivu miankaka mia ntinu?+ Owau ayeyi i ndomb’aku? Ivewa kwa ngeye. Nki diaka ozolele? Ovewa kio.” 13 Estere ovutwidi vo: “Avo diyangidikidi ntinu,+ yambula Ayuda ana bena muna Susani* bavewa nswa kimana mbazi bavanga mun’owu wa nsiku a unu;+ yambula wana kumi a Amani bazembelekwa muna nti.”+ 14 Ntinu wavana nswa vo diavangwa. O nsiku wasiwa muna Susani,* bazembeleka wana kumi a Amani.

15 Ayuda kuna Susani* bakutakana diaka kina kia 14 kia ngonde ya Adare+ yo vonda 300 za wantu kuna Susani,* kansi ke bakutumuna mavua mau ko.

16 Ayuda akaka bazingilanga muna mvivu mia ntinu bakutakana mpe yo tanina e mioyo miau.+ Bafukisa mbeni zau,+ bavonda 75.000 ma mbeni zau; kansi ke bakutumuna mavua mau ko. 17 Ediadi mu lumbu kia 13 kia ngonde ya Adare diavangama, bavunda kina kia 14, bakitula e lumbu kiaki se lumbu kia nkinzi ye kiakiese.

18 Ayuda ana bakala kuna Susani* bakutakana muna lumbu kia 13+ ye 14,+ bavunda kina kia 15, bakitula e lumbu kiaki se lumbu kia nkinzi ye kiakiese. 19 Muna kuma kiaki, Ayuda ana bakala muna mbanza za mvivu miakala lukufi, bakitula lumbu kia 14 kia ngonde ya Adare se lumbu kiakiese, kia nkinzi,+ kia nkembo ye lumbu kia twikaziana madia.+

20 Modekai+ wasoneka mambu mama muna nkanda yo twika mio kwa Ayuda muna mvivu miawonso mia Akasurose wa Ntinu, tuka muna mvivu mina miakala lukufi ye mina miakala kwandá. 21 Wabakanikina vo bakembelelanga lumbu kia 14 ye kina kia 15 kia ngonde ya Adare konso mvu, 22 kadi i lumbu ina Ayuda bavunda muna mbeni zau, muna ngonde yayina e ntantu zau zakituka se kiese, e dilu kiau+ se lumbu kia nkembo. Bakitula yo se lumbu ya nkinzi ye kiese, lumbu ya twikaziana madia ye twika tukau kwa asukami.

23 Ayuda batambulwila vo bevanga dina Modekai kabasonekena yo kwamanana kembelela e lumbu kiakina bayantika. 24 Kadi, o Amani+ wa mwan’a Kamedata wa Ngangi,+ wa mbeni Ayuda awonso wasadila ndekwa muna fwasa Ayuda,+ watesesa e Pure,+ i sia vo, Nkas’a Mienze muna kubasia muna mvuanga yo kubafwasa. 25 Kansi Estere vava kakota vana vena o ntinu, o ntinu wakanikina muna nkanda vo:+ “Yambula makani mambi ma Amani mana kakanini mu kuma kia Ayuda+ mavutuka muna ntu andi;” muna kuma kiaki, banzembeka vana nti yo wan’andi.+ 26 I kuma bayikila e lumbu yoyo vo Pureme, nkumbu yatuka muna nkumbu Pure.*+ Ozevo, muna kuma kia mawonso masonama muna nkanda ye mana bamona ye mana mababwila, 27 Ayuda basikidisa dio vo tuka yau kibeni, wan’au ye awonso ana bekubayikama,+ bekala ye mbebe ya kembelelanga e lumbu yole yayi muna ntangwa yasikidiswa muna konso mvu yo vanga una wasonama mu kuma kiau. 28 E lumbu yayi yayindulwanga yo kembelwa muna mbandu zawonso, muna makanda mawonso, muna mvivu miawonso ye muna mbanza zawonso; e lumbu yayi ya Pureme ke ifwete fokoka ko vana vena Ayuda, luyindulu lwau ke lusuka ko vana vena wan’au.

29 I bosi, Estere wa Ntinu ankento wa mwan’a Abikaile yo Modekai wa Nyuda, basoneka nkanda wanzole ye wisa kiawonso mu kuma kia Pureme. 30 Modekai watwika nkanda kuna kwa Ayuda awonso bakala muna mvivu 127+ mia kintinu kia Akasurose+ ye mvovo mia ngemba ye mialudi 31 muna sikidisa o nkinzi a lumbu ya Pureme muna ntangw’andi yasikidiswa, wauna Modekai wa Nyuda yo Estere wa Ntinu ankento babazayisa vo bavanga+ ye wauna badila e ndofi vo bevanga wo yo wan’au,+ kumosi ye mfionkonona*+ yo dodokela.+ 32 O nkanikinu wa Estere wasikidisa mambu mama mawonso ma Pureme,+ mambu mama masonekwa muna nkanda.