Ntalu

29 “‘Muna ngonde yansambwadi, muna lumbu kiantete kia ngonde, nufwete vanga lukutakanu lwavauka. Ke nufwete sala konso salu kiangolo ko.+ Ekiaki i lumbu nufwete sika e mpungi.+ 2 Nutambika mwan’a ngombe mosi a koko, meme dimosi dia koko yo wana nsambwadi a mameme a makoko a mvu mosi-mosi se lukau lwa ngioka, se lekwa kia nsunga* kuna kwa Yave, e bulu yawonso ifwete kala yalunga. 3 O lukau lwau lwa mbwaza lwa mfumfu yambote yasangwa o mazi: tini kiatatu kia efa mu kuma kia ngombe a koko, tini kiazole mu kuma kia meme dia koko, 4 tini kiakumi mu kuma kia konso mwan’a meme muna wan’a mameme nsambwadi amakoko, 5 mwan’a nkombo mosi a koko se lukau lwa sumu muna lomba luyambulwilu lwa masumu meno. 6 Vana ntandu a tukau twatu, ovana mpe lukau lwa ngioka lwa ngonde ke ngonde yo lukau lwandi lwa mbwaza;+ lukau lwa ngioka lwa lumbu ke lumbu yo lukau lwandi lwa mbwaza;+ kumosi ye tukau twau twa ndua,+ wauna wasikidiswa mu kuma kia tukau toto, se lekwa kia nsunga,* se lukau lwayoka vana tiya kuna kwa Yave.

7 “‘Muna lumbu kiakumi kia ngonde yayi yansambwadi, nufwete vanga lukutakanu lwavauka, + nufwete kendalala.* Ke nufwete sala konso salu ko.+ 8 Nusunzula mwan’a ngombe mosi a koko, meme dimosi dia koko yo wana nsambwadi a mameme a makoko ma mvu mosi-mosi se lukau lwa ngioka kwa Yave, se lekwa kia nsunga,* e bulu yawonso ifwete kala yalunga.+ 9 O lukau lwau lwa mbwaza lwa mfumfu yambote yasangwa o mazi: tini kiatatu mu kuma kia ngombe a koko, tini kiazole mu kuma kia meme dimosi dia koko, 10 tini kiakumi mu kuma kia konso mwan’a meme muna wan’a mameme nsambwadi amakoko, 11 kumosi yo mwan’a nkombo se lukau lwa sumu. Nusunzula tukau twatu vana ntandu a lukau lwa sumu luvewanga mu kuma kia luyambulwilu lwa masumu+ yo lukau lwa ngioka lwa lumbu ke lumbu yo lukau lwandi lwa mbwaza, kumosi yo tukau twau twa ndua.

12 “‘Muna lumbu kia 15 kia ngonde yansambwadi, nufwete vanga lukutakanu lwavauka. Ke nufwete sala konso salu kiangolo ko, nufwete kembela nkinzi wa lumbu nsambwadi kwa Yave.+ 13 Nusunzula wan’a ngombe 13 amakoko, mameme 2 ma makoko, wan’a mameme 14 amakoko a mvu mosi-mosi se lukau lwa ngioka, lukau lwayoka vana tiya,+ se lekwa kia nsunga* kuna kwa Yave, e bulu yawonso ifwete kala yalunga.+ 14 Vo i lukau lwau lwa mbwaza lwa mfumfu yambote yasangwa o mazi: tini kiatatu mu kuma kia konso ngombe muna ngombe 13 za makoko, tini kiazole mu kuma kia konso meme muna mameme mole ma makoko, 15 ye tini kiakumi mu kuma kia konso mwan’a meme muna wan’a mameme 14 amakoko, 16 kumosi yo mwan’a nkombo mosi se lukau lwa sumu. Nusunzula tukau twatu vana ntandu a lukau lwa ngioka lwa lumbu ke lumbu, lukau lwandi lwa mbwaza ye lukau lwandi lwa ndua.+

17 “‘Muna lumbu kiazole, wan’a ngombe 12 amakoko, mameme mole ma makoko yo wan’a mameme 14 amakoko a mvu mosi-mosi, e bulu yawonso ifwete kala yalunga,+ 18 nusunzula lukau lwa mbwaza yo tukau twa ndua kumosi ye ngombe za makoko, mameme yo wan’a mameme amakoko mun’owu wa lutangu lwau, wauna nuvanganga, 19 kumosi yo mwan’a nkombo se lukau lwa sumu. Nusunzula tukau twatu vana ntandu a lukau lwa ngioka lwa lumbu ke lumbu, lukau lwandi lwa mbwaza kumosi ye tukau twau twa ndua.+

20 “‘Muna lumbu kiatatu, ngombe 11 za makoko, mameme mole ma makoko yo wan’a mameme 14 amakoko a mvu mosi-mosi, e bulu yawonso ifwete kala yalunga,+ 21 nusunzula lukau lwa mbwaza yo tukau twa ndua kumosi ye ngombe za makoko, mameme yo wan’a mameme amakoko mun’owu wa lutangu lwau, wauna nuvanganga, 22 kumosi ye nkombo se lukau lwa sumu. Nusunzula tukau twatu vana ntandu a lukau lwa ngioka lwa lumbu ke lumbu, lukau lwandi lwa mbwaza yo lukau lwandi lwa ndua.+

23 “‘Muna lumbu kiayá, ngombe 10 za makoko, mameme mole ma makoko yo wan’a mameme 14 a makoko ma mvu mosi-mosi, e bulu yawonso ifwete kala yalunga,+ 24 nusunzula lukau lwa mbwaza yo tukau twa ndua kumosi ye ngombe za makoko, mameme yo wan’a mameme a makoko mun’owu wa lutangu lwau, wauna nuvanganga, 25 kumosi yo mwan’a nkombo se lukau lwa sumu. Nusunzula tukau twatu vana ntandu a lukau lwa ngioka lwa lumbu ke lumbu, lukau lwandi lwa mbwaza yo lukau lwandi lwa ndua.+

26 “‘Muna lumbu kiatanu, ngombe 9 za makoko, mameme mole ma makoko ye wan’a mameme 14 a makoko a mvu mosi-mosi, e bulu yawonso ifwete kala yalunga,+ 27 nusunzula lukau lwa mbwaza yo tukau twa ndua kumosi ye ngombe za makoko, mameme yo wan’a mameme a makoko mun’owu wa lutangu lwau, wauna nuvanganga, 28 kumosi ye nkombo se lukau lwa sumu. Nusunzula tukau twatu vana ntandu a lukau lwa ngioka lwa lumbu ke lumbu, lukau lwandi lwa mbwaza yo lukau lwandi lwa ndua.+

29 “‘Muna lumbu kiasambanu, ngombe 8 za makoko, mameme mole ma makoko yo wan’a mameme 14 amakoko a mvu mosi-mosi, e bulu yawonso ifwete kala yalunga,+ 30 nusunzula lukau lwa mbwaza yo tukau twa ndua kumosi ye ngombe za makoko, mameme ye wan’a mameme a makoko mun’owu wa lutangu lwau, wauna nuvanganga, 31 kumosi ye nkombo mosi se lukau lwa sumu. Nusunzula tukau twatu vana ntandu a lukau lwa ngioka lwa lumbu ke lumbu, lukau lwandi lwa mbwaza yo tukau twandi twa ndua.+

32 “‘Muna lumbu kiansambwadi, ngombe 7 za makoko, mameme mole ma makoko ye wan’a mameme 14 a makoko a mvu mosi-mosi, e bulu yawonso ifwete kala yalunga,+ 33 nusunzula lukau lwa mbwaza yo tukau twa ndua kumosi ye ngombe za makoko, mameme ye wan’a mameme amakoko mun’owu wa lutangu lwau, wauna nuvanganga, 34 kumosi ye nkombo se lukau lwa sumu. Nusunzula tukau twatu vana ntandu a lukau lwa ngioka lwa lumbu ke lumbu, lukau lwandi lwa mbwaza yo lukau lwandi lwa ndua.+

35 “‘Muna lumbu kianana, nufwete vanga lukutakanu lwampwena. Ke nufwete sala konso salu kiangolo ko.+ 36 Nusunzula ngombe mosi a koko, meme dimosi dia koko yo wan’a mameme nsambwadi a makoko a mvu mosi-mosi se lukau lwa ngioka, lukau lwayoka vana tiya, se lekwa kia nsunga* kuna kwa Yave, e bulu yawonso ifwete kala yalunga,+ 37 nusunzula lukau lwa mbwaza yo tukau twa ndua mu kuma kia ngombe a koko, meme yo wan’a mameme a makoko mun’owu wa lutangu lwau, wauna nuvanganga, 38 kumosi ye nkombo mosi se lukau lwa sumu. Nusunzula tukau twatu vana ntandu a lukau lwa ngioka lwa lumbu ke lumbu, lukau lwandi lwa mbwaza yo lukau lwandi lwa ndua.+

39 “‘Otwatu i tukau nutambika kwa Yave muna nkinzi mieno muna nsungi+ yasikidiswa vana ntandu a tukau tweno twa nsilu+ yo tukau tweno twa mvevo+ se tukau twangioka+ ye tukau tweno twa mbwaza+ ye tukau tweno twa ndua+ ye yimenga yeno ya ungudi.’”+ 40 Mose ovovese Aneyisaele mawonso mana Yave kankanikina.