10 I bosi, ovangidi meza muna mabaya ma akasia.+ E meza makedi ye yinkoso yole muna lambuka, kinkoso kimosi muna yalumuka, kinkoso kimosi ye ndambu muna zanguka.+ 11 Olengele mo wolo walembi sangwa lekwa, ovangidi mvind’a wolo muna kinzieta kiandi. 12 Ovangidi e baya dia yalumuka kwa kandazi kia koko* muna kinzieta kia meza yo mvind’a wolo muna kinzieta kia baya. 13 I bosi, ovangidi nlunga nyá mia wolo mu kuma kia meza, olamikini mio muna konko yá, muna mwasiwa malu mau maya. 14 E nlunga lukufi miakala ye baya, i mûna mwaviokeselwanga e mbindi zanatina meza. 15 Ovangidi e mbindi zole za mabaya ma akasia, olengele zo wolo kimana zanatinuanga e meza.