34 Wantu muna zula yawonso bayizanga muna wá e ngangu za Solomo, kumosi ye ntinu miawonso mia nza ana bawá oma ma ngangu zandi.+

4 Vava ntinu ankento a Seba kamona ngangu zawonso za Solomo+ ye nzo ina katunga,+ 5 ye madia vana meza mandi,+ mpila ina bavuandilanga e ntaudi zandi, salu kia asadi ana basianga madia vana meza, mvuatu miau, atambiki a mbungwa ye yimenga ya ngioka katambikanga ntangwa zawonso muna nzo a Yave, kakala diaka y’edi diavova ko.* 6 Ovovele kwa ntinu vo: “E nsangu yawidi kuna nsi ame mu kuma kia mavangu maku* ye ngangu zaku, za ludi. 7 Kansi, kiakwikila zo ko yavana ngizidi kuyimwena omu meso mame. Dialudi vo kana nkutu ndambu ke bansamunuina yo ko. E ngangu zaku ye kimvuama kiaku kisundidi oma yawidi.

19 O ntinu vava kamokena yau, vana bena yau awonso ke vasoloka mosi ko wakala nze Daniele, Kananiya, Misaele yo Azareya;+ bakwamanene sadila vana vena ntinu. 20 Vava ntinu kabayuvulanga muna konso diambu diavavanga ngangu ye umbakuzi, wamonanga vo nkumbu kumi bavioka nganga za mpandu ye nganga za ngombo+ ana bakala muna kintinu kiandi kiawonso muna ngangu ye umbakuzi.