25 “Vava nuwuta wana ye atekolo yo zinga kolo kiayingi muna nsi, nuavanga mambu mekunutwasila lufwasu yo vanga teke yavalwa+ ya konso mpila yo vanga oma mambi vana meso ma Yave wa Nzambi eno muna kumfungisa makasi,+ 26 yambula awonso bena kuna zulu y’ova ntoto bakala se mbangi zame o unu mu kuma kieno vo mu nzaki kieleka nuvidila muna nsi ina nuvua vava nusauka e Yodani. Ke nuzinga kolo kiayingi ko muna nsi, kansi fwaswa kieleka nufwaswa.+

17 “Kansi, avo ntim’aku uvengomoka+ yo lembi wá, wavukumunua yo vumbamena nzambi zankaka yo kubasadila,+ 18 inuzayisi o unu vo fwa nufwa.+ Ke nuzinga kolo kiayingi ko muna nsi ina osaukila Yodani wavua yo.

12 “Kansi, avo nuvengomokene yo yikama e zula yayi yasala+ vovo nuina yo sompaziana+ yo sangalakana yau, 13 nuzaya wo vo o Yave wa Nzambi eno keyinga diaka zula yayi ko vovo nuina.+ Bekala kaka vovo nuina se ntambu ye sokolo ye nzwati muna mpati,+ ye nsende muna meso, yavana nuvila muna nsi yayi yambote ina kanuvan’o Yave wa Nzambi eno.