5 Vo i ngunza yoyo nloti a ndozi ndioyo kafwete vondwa,+ kadi ukolami kayangumwini mu kuma kia Yave wa Nzambi eno—ona wanuvaikisa muna nsi ya Engipito yo kunukûla muna nsi ya ubundu*—muna kuvengomona muna nzila ina Yave wa Nzambi aku kakanikina vo walanda. Ofwete katula edi diambi ova kati kwaku.+

2 “Yindula vo muna imosi muna mbanza zaku zina Yave wa Nzambi kekuvana, musolokele yakala yovo nkento ovanganga mambu mambi vana meso ma Yave wa Nzambi aku yo kulula e kangu diandi,+ 3 o muntu ndioyo kabendomoka yo sambila nzambi zankaka yo fukamena zo yovo kafukamena ntangwa yovo ngonde yovo vu kiawonso kia zulu,+ diambu dina kiakanikina ko.+ 4 Avo bazayisi diambu diodio yovo owidi dio, ofwete dio toma fimpulula. Avo dimonekene vo dialudi,+ e diambu diodio diangemi divangamene kikilu muna Isaele, 5 ofwete nata kuna mbazi a mavitu ma mbanza zaku o yakala yovo nkento ovangidi e diambu diadi diambi, o yakala yovo nkento ndioyo kafwete tubwa matadi yavana kefwa.+