15 E kunku kia nsi kiavewa+ kwa kanda dia Yuda mun’owu wa vumu yau kialuaka yakuna mwingilu a Edome,+ yakuna makanga ma Zini, kuna nsuk’a sude ya Nengebe.

8 E mwingilu utombokele muna ndimb’a Mwan’a Inome,+ yakuna nkulumuk’a Aneyebuse+ kuna sude, ina vo Yerusaleme,+ utombokele vana mongo utalanini ye Ndimb’a Inomi kuna weste, una kuna nsuk’a Ndimb’a Refa kuna node.

22 I bosi Afelesetia bezidi diaka, bamwangane muna Ndimb’a Refa.+

15 Atatu vana vena ntu 30 mia makesa, bakulumukini kwa Davidi kuna nduk’a Adulami,+ vava makesa ma Afelesetia basikidisa e ndo kuna Ndimb’a Refa.+ 16 Davidi wakala muna swekameno diandi, e buka kia makesa ma Afelesetia kiakala kuna Beteleme. 17 I bosi, Davidi osongele luzolo lwandi, oku vo: “Ekwe vuina dia nua maza ma sima kina vana ndambu a vitu dia Beteleme!”+ 18 Muna kuma kiaki, makesa matatu makotele muna ndo ya Afelesetia muna kingolo, batekele maza muna sima kina vana ndambu a vitu dia Beteleme, batwese mo kwa Davidi; kansi Davidi kazolele mo nua ko, otiamwini mo vana vena Yave. 19 Ovovele vo: “Muna kuma kia vumi wame kwa Nzambi ame kilendi vanga diambu diadi ko! Aweyi ndenda nuina menga ma wantu ana basidi mioyo miau mu vonza?”+ Muna kuma kiaki, kazolele mo nua ko. Omama i mambu bavanga makesa mandi matatu mankuma.