26 I bosi, Mose otelamene vana mwelo a ndo yo vova vo: “Nani una kuna sambu dia Yave? Keza ova ngina!”+ Anelevi awonso bakutakene, bazungidi Mose. 27 Ubavovese vo: “I wau wuwu kavovele o Yave wa Nzambi a Isaele: ‘Konso muntu mu yeno kasia nsosolo andi muna luketo yo viokela muna ndo yawonso, mwelo muna mwelo, yo vonda mpangi andi, mfinangani andi yo nkundi andi.’”+

6 “Avo mpangi aku, wa mwan’a ngudi aku yovo mwan’aku ayakala yovo mwan’aku ankento yovo nkento aku anzolwa yovo nkundi aku otoma zolanga* ovavidi kuvukumuna kuna sweki yo vova vo: ‘Twenda, twasadila nzambi zankaka,’+ e nzambi zina ongeye ye akulu aku ke nuazaya ko, 7 e nzambi za nkangu minuzungidi, kiakala nkangu mina yaku lukufi yovo mina kwandá, tuka kuna nsuka eyi ya nsi yakuna nsuka yankaka ya nsi, 8 kuyambula ko kavukumuna ngatu kunwila,+ kufwete kumfwila nkenda ko yovo kumvukisa ngatu kuntanina; 9 kansi, ofwete kumvonda kikilu.+ O koko kwaku i kufwete vita muna kumvonda, i bosi o koko kwa nkangu wawonso.+

5 Ngwidi muna matu mame vava kavovese akaka vo: “Nuenda muna mbanza, nulanda ona ovitidi, nuvonda o wantu. Ke nuyambula ko vo o meso meno mabafwila e nkenda ngatu kubavukisa.+