7 “‘“I bosi,” u kavovele o Yave, “iyekola Sedekiya wa Ntinu a Yuda ye ntaudi zandi yo nkangu a mbanza yayi—awana basiswa kwa vuku, kwa nsosolo yo mvengele—vana koko kwa Nebukandesa* wa Ntinu a Babele, ye vana moko ma mbeni zau ye moko ma awana bevavanga mioyo miau.+ Okubavondela muna nsosolo. Ke kubafwila nkenda ko yovo kubaloloka, ngatu kubasonga walakazi.”’+

18 Ediadi i diambu dibwila ana bakulwidi e kangu diame muna lembi lungisa mambu ma kangu dina bakanga vana ndose ame vava babukuna mwan’a ngombe mu tini yole yo viokela vana kati kwa tini yau yole ya mwan’a ngombe,+ 19 i sia vo, akuluntu a Yuda, akuluntu a Yerusaleme, mbanda-mbanda za lûmbu, anganga ye nkangu wawonso wa nsi ana baviokela vana kati kwa tini yau yole ya mwan’a ngombe: 20 Ikubayekola vana moko ma mbeni zau ye vana moko m’awana bevavanga katula mioyo miau, mavimbu mau mekituka se madia ma nuni za zulu ye bulu ya ntoto.+