12 Vava odia yo yukuta yo tunga nzo zambote yo zingila mo,+ 13 vava e ngombe zaku yo mameme maku ye nkombo zaku ziwokela, e palata aku ye wolo waku uwokela ye yawonso una yau yawokela, 14 kuyambula ko vo ntim’aku watundalala+ yo kufila mu vilakana Yave wa Nzambi aku, ona wavaikisa muna nsi ya Engipito, muna nsi ya ubundu,*+

17 Avo ovovele muna ntim’aku vo: ‘Muna ngolo za mono kibeni yo nkum’a koko kwame mbakidi umvuama wau,’+ 18 sungamena wo vo Yave wa Nzambi aku uvene o nkuma obakidi umvuama,+ muna lungisa e kangu diandi dina kadila e ndofi kwa akulu aku, wauna dina o unu.+