15 I ndata kanete Yoyakine+ muna kinkole muna Babele;+ onete mpe kuna Babele awana bayalulwa muna Yerusaleme, ngudi a ntinu, akazi a ntinu, mbanda-mbanda zandi ye akwa tunda a nsi. 16 O ntinu a Babele onete mpe kuna kinkole muna Babele, 7.000 ma makesa ye 1.000 dia akwa umbangu ye avangi a lekwa ya sengwa,* awonso akwa ngolo, balongwa nuana e vita.

29 O mama i mambu ma nkanda una katwika Yeremiya wa ngunza tuka kuna Yerusaleme kwa akuluntu ana basala vana vena nkangu wanatwa muna kinkole, anganga, angunza ye nkangu wawonso una Nebukandesa kayalula muna Yerusaleme yo kubanata kuna Babele, 2 vava Yekoneya+ wa Ntinu yo ntinu ankento wa ngudi a ntinu,*+ mbanda-mbanda, akuluntu a Yuda ye Yerusaleme, akwa umbangu ye avangi a lekwa ya sengwa* bavaika muna Yerusaleme.+