24 Awana batumwa kwa Yoane, vava bayenda, Yesu oyantikidi samuna mambu ma Yoane kwa ndonga vo: “Nki nuele tala kuna makanga? E tutu divuembeswa kwa tembw’e?+ 25 Ozevo, nki nuele tala? Muntu ovuete mvuatu miantalu e?+ Kadi, awana bavuete mvuatu miantalu ye bezingilanga muna umvuama, muna lûmbu lwa atinu bena. 26 Ozevo, nki nuele tala? Ngunza? Elo, inuvovese vo, o muntu nuele tala osundidi o mfunu ke mu ngunza ko.+ 27 Diasonama mu kuma kiandi vo: ‘Tala! Ntwikidi ntumw’ame kuna ntwal’aku,* ona okukubikila e nzila kuna ntwal’aku.’+ 28 Inuvovese vo, vana vena awana bawutwa kw’akento, ke vena mosi ko osundidi Yoane onene, kansi ndiona wandwelo muna Kintinu kia Nzambi osundidi Yoane onene.”+