18 “Ozevo, nuwa e nsas’a kingana kia nkuni.+ 19 Avo muntu owidi e diambu dia Kintinu, kansi kabakwidi dio ko, o kimpumbulu*+ wizidi, okatwidi dina dikuninu muna ntim’andi; eyayi i mbongo ikuninu vana mbel’a nzila.+ 20 Vo i ina ikuninu vana vena matadi, i ndiona owidi e diambu dia Nzambi, vana vau otambulwidi dio kuna kiese.+ 21 Kansi, wau vo kena ye mianzi ko muna yandi kibeni, kolo kiandwelo kaka kazingidi, vava kizidi mpasi yovo lubangamu mu kuma kia diambu dia Nzambi, vana vau otele sakuba. 22 Ina ikuninu vana vena nsende, i ndiona owidi e diambu, kansi o ntelamw’a moyo wa tandu*+ kiaki yo nkum’a umpukumuni wa kimvuama ufinangese e diambu yo lembi yima e mbongo.+ 23 Ina ikuninu vana ntoto ambote, i ndiona owidi e diambu dia Nzambi yo bakula dio, oyimini e mbongo, eyi nkama-nkama, eyina makumasambanu-makumasambanu, eyaka makumatatu-makumatatu.”+

14 “O nkuni diambu kakunini.+ 15 Ankaka bena nze mbongo ibwididi vana mbel’a nzila; kansi vava bawidi kaka e diambu, o Satana wizidi+ yo katula e diambu dikuninu muna yau.+ 16 Ankaka mpe bena nze mbongo ina ikuninu vana vena matadi; vava bawidi kaka e diambu, batambulwidi dio kuna kiese.+ 17 Kansi, wau vo ke bena ye mianzi ko, kolo kiandwelo kaka bezingila; vava kizidi kaka e mpasi yovo lubangamu mu kuma kia diambu, batel’e sakuba. 18 Vena mpe ye ankaka bena nze mbongo ina ikuninu vana vena nsende. Awaya i awana bawidi e diambu,+ 19 kansi o ntelamw’a moyo+ mu kuma kia tandu* kiaki yo nkum’a umpukumuni wa kimvuama+ yo luzolo+ lwa vua lekwa yankaka lufinangese diambu yo lembi yima e mbongo. 20 Ina ikuninu vana ntoto ambote, i awana bawidi e diambu, batambulwidi dio yo yima e mbongo, makumatatu-makumatatu, makumasambanu-makumasambanu ye nkama-nkama.”+