Daniele

7 Muna mvu wantete wa luyalu lwa Belesasa+ wa ntinu a Babele, Daniele olotele ndozi, omwene mona-meso vana mfulu andi.+ I bosi osonekene e ndozi ina kalotele;+ osonekene lusansu lwawonso. 2 Daniele ovovele vo:

“Muna mona-meso kiame kia fuku, mbwene tembwa yá ya zulu inikwini mbu anene.+ 3 Bulu yá yampwena+ ivaikidi muna kalunga, konso bulu kiaswaswana ye yankaka.

4 “E bulu kiantete kikedi nze nkosi,+ kiakala ye mave ma ngo-zulu.+ Vava ntadidi kio, mave mandi mavuzilu, kitelameso vana ntoto muna malu mole nze muntu yo vewa ntim’a muntu.

5 “Vamonekene bulu kiankaka, kiazole nze use.+ Kiazanguka kuna sambu dimosi ye mpati tatu muna nu’andi, muna kati kwa meno, bamvovese vo: ‘Telama, wadia mbizi yayingi.’+

6 “I bosi yakwamanana tala, mbwene bulu kiankaka, nze ngo,+ kansi kiakala ye mave mayá ma nuni kuna nima. E bulu kiakala ye ntu yá,+ kiavewa e wisa kimana kiayala.

7 “I bosi, yakwamanana tala muna mona-meso ya fuku yo mona bulu kiayá, kiansisi ye kia mbubu ye ngolo zayingi, kikedi ye meno mampwena ma sengwa. Kiadianga yo wula yo diatakesa ina yasalanga.+ Kiaswaswana ye bulu yankaka ina yavita, kiakala ye mpoka kumi. 8 Ekolo yasianga sungididi muna mpoka, vavaikidi mpoka yankaka yakete,+ vana kati kwau, e mpoka tatu zantete zivuzilu vana ina. Yamona vo muna mpoka yayi mwakala meso nze ma muntu ye nua wavovanga kuna lulendo.+

9 “Yakwamanana tala yavana vasiwa e kunda ya kimfumu, o Munkulu-nkulu a Lumbu+ ovuende.+ E mvuatu miandi miampempe nze mvul’ampempe,+ e nsuki za ntu andi nze vusu diavelela. E kunda kiandi kia kimfumu kia nlaku a tiya; o tungungu* twandi twa tiya twanyuyi.+ 10 O nkoko a tiya wavaikanga vana kena yo kukula.+ Mafunda ye mafunda mansadidingi, yazi ye yazi itelamene vana kena.+ Mfundisi+ ovuende,* e nkanda miyalumwinu.

11 “Yakwamanana tala, muna ntangwa yayina, muna kuma kia mambu malulendo kavovanga e mpoka;+ mbwene yavana bulu kiavondwa, e nitu andi yafwaswa yo vewa yayokwa vana tiya. 12 Vo i bulu yankaka,+ e wisa kiau kikatwilu, e zingu kiau kialambulwa mu kolo kimosi ye nsungi.

13 “Yakwamanana tala muna mona-meso ya fuku, yamona muntu mosi nze mwan’a muntu+ okwizanga muna matuti ma zulu; oveno luve lwa lwaka kwa Munkulu-nkulu a Lumbu,+ banete vana ndose andi. 14 Oveno e wisa,+ nkembo+ ye kintinu mpasi vo nkangu, zula ye ndinga zawonso zansadila.+ E kintinu kiandi i kintinu kiakwele mvu, ke kisuka ko, e kintinu kiandi ke kifwaswa ko.+

15 “Vo i mono Daniele, mwand’ame watokana mu kuma kia wonga wa mona-meso yamona.+ 16 Mfinamene mosi muna awana batelamene vavana, kimana yanyuvula nsas’a kieleka ya mambu mama. I bosi, umvutwidi yo kunzayisa e nsas’a mambu mama.

17 “‘E bulu yayi yampwena, yau yá,+ i ntinu nyá betelama ova nza.+ 18 Kansi, avauki a Mpungu+ betambula kintinu,+ bevua kintinu+ yakwele mvu, elo, yamu mvu ya mvu.’

19 “I bosi yazola zaya diaka mayingi mu kuma kia bulu kia nyá, kina kiaswaswana ye bulu yawonso yankaka; bulu kiansisi kikilu, kiakala ye meno ma sengwa ye zala ya nsongo; kiadianga, wula yo diatakesa ina yasuvanga;+ 20 yazola mpe zaya mambu ma mpoka kumi+ za ntu andi ye mpoka yankaka ina yamena vana vavuzwa mpoka tatu,+ e mpoka ina yakala ye meso yo nua wavovanga kuna lulendo, e mpw’andi yasunda vonga lutila zina zankaka.

21 “Yakwamanana tala ekolo mpoka yayi yanuanisanga avauki yo kubasunda,+ 22 yavana kialwaka Munkulu-nkulu a Lumbu,+ avauki a Mpungu+ balungiswa, e ntangwa yasikiswa yafwana kimana avauki bavua kintinu.+

23 “Wavova vo: ‘Vo i bulu kia nyá, i kintinu kia nyá kibundumuka ova nza. Kiaswaswana kikala ye yintinu yawonso yankaka; kimina e nza yawonso, kidiatakesa yo kosomona yo.+ 24 Vo i mpoka kumi, yintinu kumi ivaika muna kintinu kiokio; vekala ye kintinu kiankaka kilandila yintinu yoyo, kiaswaswana ye yintinu yantete ye kikulula atinu tatu.+ 25 Ovovela Mpungu-nene e mbi,+ okwamanana bangika avauki a Mpungu. Ovava soba kolo ye nsiku, beyekolwa vana moko mandi mu kolo kimosi, kolo yole ye ndambu a kolo.*+ 26 Kansi, o Mfundisi ovuende,* bakatwidi e kimfumu kiandi, kimana bamfwasa yo kumfukisa emvimba.+

27 “‘E kintinu, wisa yo nene wa yimfumu yawonso kuna nsi a zulu iveno kwa nkangu wa avauki a Mpungu.+ E kintinu kiau i kintinu kiakwele mvu,+ e yimfumu yawonso ikubasadila yo kubalemvokela.’

28 “Eyayi i mfoko a diambu. Vo i mono Daniele, e ngindu zame zintokanese kikilu yo kuntandisa;* kansi ndundidi mambu mama muna ntim’ame.”