Nkunga

115 Ke kwa yeto ko, e Yave, ke kwa yeto ko,*

Kansi kembesa e nkumbu aku+

 3 Nzambi eto kuna zulu kena;

Ovanganga konso una unyangidikidi.

 4 E teke yau palata ye wolo,

Salu ya moko ma wantu.+

 5 Ina yo nua, kansi ke ilendi vova ko;+

Ina yo meso, kansi ke ilendi mona ko;

 6 Ina yo matu, kansi ke ilendi wá ko;

Ina yo nzunu, kansi ke ilendi nunkuta ko;

 7 Ina ye moko, kansi ke ilendi simba ko;

Ina ye malu, kansi ke ilendi diata ko;+

Ke ilendi vova ko muna malaka mau.+

 8 Wantu ana bevanganga yo bekituka nze yau,+

Ye awonso ana bebundanga yo e vuvu.+

 9 E Isaele, bunda Yave e vuvu+

—Yandi i nsadisi aku ye ngubu aku.+

10 E nzo a Arone,+ bunda Yave e vuvu

—Yandi i nsadisi aku ye ngubu aku.

11 E yeno nuvuminanga Yave, nubunda Yave e vuvu+

—Yandi i nsadisi eno ye ngubu eno.+

12 Yave okutusungamena yo kutusambula;

Osambula nzo a Isaele;+

Osambula e nzo a Arone.

13 Osambula awana bevuminanga Yave,

Tuka andwelo ye anene.

14 Yave okunuwokesa,

Oyeno yo wan’eno.*+

15 Yambula nuasambulwa kwa Yave,+

Wa Mvangi a zulu yo ntoto.+

16 E zulu dia Yave,+

Kansi o ntoto wavana wo kwa wan’a wantu.+

17 Wantu afwa ke bekembelelanga YA ko;+

Ngatu awana bekulumukanga muna lufwa.*+

18 Kansi yeto, YA tusanisina

Tuka owau yakwele mvu.