Ngana

17 E mbolo ayuma isundidi o wete vana vena luvuvamu+

Ke mu nzo yazala ye lambu* ko ye ntatani.+

 2 E ntaudi angangu okala ye wisa muna mwana ovanganga mambu mansoni;

Otambula kunku muna e vua nze mosi mun’ampangi.

 3 E palata ye wolo mu fûlu dia tiya iveleleselwanga,+

Kansi, Yave ofimpanga e ntima.+

 4 E kimpumbulu osianga e sungididi muna mvovo milwekanga,

O nkwa luvunu otambanga matu muna lubini lwambi.+

 5 Ndiona ovezanga nsukami, Mvangi andi kevezanga,+

Ndiona omonanga kiese mu kuma kia mpasi z’akaka, tumbwa ketumbwa.+

 6 Atekelo i kolowa kuna kw’anunu,

Amase i zitu wa wan’au.

 8 O lukau luna nze tadi diantalu* kwa mfumu andi;+

Konso kuna kekwenda, dikuntwasila nluta.+

 9 Ndiona ololokanga* e sumu, nzola kesiamisanga,+

Kansi ndiona okwamanana vovela e diambu, akundi akola kevambula.+

10 Lusembo lumosi luluta twasa nluta kwa nkwa ngangu+

Ke mu wanda zowa ngwanda nkama ko.+

11 Muntu ambi ukolami kaka kevavanga,

Kansi nati a nsangu una vo nkwa nsoki otumwa kimana kenda kuntumba.+

12 Disundidi o wete mu wanana ye use oyiyilu wana

Ke mu wanana ye zowa ko muna uzowa wandi.+

13 Avo muntu ovutwidi mbi muna mbote,

E mbi ke ikatuka muna nzo andi ko.+

14 Oyangumuna e nkindu dina nze muntu obukisi nkam’a maza;*

Katuka vitila ntantani zayantika.+

15 Ndiona olungisanga kimpumbulu ye ndiona ovananga ngielele kwa nsongi+

Yau awole bangemi kuna kwa Yave.

16 Nkia mfunu dina kwa zowa mu vua ngangu

Wau vo kazolele zo vua ko e?*+

17 Nkundi akieleka ozolanga e ntangwa zawonso+

I mpangi wawutuka mu kuma kia ntangw’ampasi.+

18 O munkondwa-ngangu* obundanga ntulu

Yo tambulwila vana nsimbi vana vena nkwandi.+

20 O nkwa ntim’a bendomoka ke sikila ko,*+

O nkwa luvunu mu mpasi kebwa.

21 O se una ye mwan’a zowa ntantu kemona;

O se una ye mwana wakondwa ngangu kena ye kiese ko.+

22 Ntim’a kiese i nlongo miambote,*+

Kansi mwand’a kosomoka, ngolo za muntu usukisanga.*+

23 E kimpumbulu otambulanga mbabu kuna kinsweki*

Kimana kabendomona nzil’a unsongi.+

24 E ngangu zina vana ndose a nkwa umbakuzi,

Kansi meso ma mazowa

metungiananga yakuna nsuk’a nza.+

25 O mwan’a zowa se diandi kemwesanga e nsoni

Ye ntantu* kwa ndiona wanwuta.+

26 Ke diambote ko mu tumba* nsongi,

Ke diansongi ko mu wanda wantu azitu.

27 O nkwa zayi olunga-lunganga mvovo miandi,+

O nkwa umbakuzi, wavuvama kekalanga.*+

28 Kana nkutu zowa avo okedi e pi-i obadikilwa vo nkwa ngangu,

Ndiona okanganga e befo yandi, nkwa umbakuzi.