Ngana

 2 E mwan’a me, adieyi mfwete kuvovesa,

Adieyi, e mwan’a vumu kiame,

Adieyi, e mwan’a nsilu miame?+

 3 Kuvani ngolo zaku kwa akento ko,+

Ngatu landa nzila zifwasanga atinu.+

 4 E Lemuele, ke diambote ko kwa atinu,

Ke diambote ko kwa atinu o nua e vinyu

Ngatu ayadi bavova vo: “Ameyi malavu mame?”+

 5 Kimana balembi nua yo vilakana nsiku miasikidiswa

Yo bendomona e nzengo za asukami.

 6 Vana e vinyu kwa awana bekwendanga ku lufwasu+

Ye vinyu kwa awana bakendalala.+

 7 Yambula banua yo vilakana usukami wau;

Yambula balembi yindula diaka e mpasi zau.

 8 Vovela awana ke balendi vova ko;

Tanina e diambu dia awonso se befwa.+

 9 Ubavovela yo fundisila kuna unsongi;

Zenga diambu dia munkondwa nsadisi ye nsukami.+

11 O ntim’a nkaz’andi ukumbundanga e vuvu,

Kakondelo lekwa kia ntalu ko.

12 Okunsendanga muna wete, ke mu mbi ko,

Muna lumbu yawonso ya zingu kiandi.

13 Obakanga mika mia mameme ye lino;

Una ye kiese kia sala muna moko mandi.+

14 Una nze nzaza za nkiti,+

Zikuntwasilanga madia tuka kuna fulu kianda.

15 Osikamanga una kwakinu o fuku,

Ovananga esi nzo andi madia

Yo vana kunku kwa ntaudi zandi za mankento.+

16 Obakidi e nzengo za vua mpatu, osumbidi yo;

Okunini mpatu a vinyu muna mfutu wa salu kiandi.*

17 Okubamene muna salu kiangolo*+

Yo siamisa moko mandi.

18 Omwene vo e kinkita kiandi nluta kitwasanga;

E mwind’andi ke uzimanga ko muna fuku.

19 Moko mandi masimbidi nti wa zekela e vusu,

O moko mandi masimbidi mbutu.*+

20 Oyalanga moko mandi kwa munkondwa nsadisi,

Yo ziulwila nsukami o moko.+

21 Ke tokanenanga esi nzo andi ko vava mvul’ampembe inokanga,

Kadi esi nzo andi awonso nlele mia nsungi a kiozi bevuatanga.*

23 Nkaz’andi otomene zayakana muna mavitu ma mbanza,+

Muna kevuandanga ye mbuta za nsi.

24 Mvuatu mia* lino ketunganga yo teka

Yo teka mponda kw’akiti.

25 Ovuete nkuma yo wete,

Otalanga kuna ntwala ye vuvu kiasikila.*

26 Oziwidi nu’andi muna ngangu;+

O nsiku a wete* wina vana lubini lwandi.

27 Otoma talanga e salu kia esi nzo andi,

Ke dianga madia ma kimolo ko.+

28 O wan’andi batelamene, banyikidi vo nkwa kiese;

O nkaz’andi otelamene, unsanisini.

29 Vena ye akento ayingi ambote,

Kansi, ngeye osundidi yau awonso.

30 O wete ulenda kala wa luvunu, ovienga kulenda vioka,+

Kansi o nkento ovuminanga Yave osanisinua.+

31 Yambula kasendwa mu kuma kia mavangu mandi,*+

E salu yandi yansanisina muna mavitu ma mbanza.+