Kuna Kwa Ayibere

1 Kuna nz’ankulu, Nzambi wavovesela mase meto muna angunza, nkumbu miayingi ye mu mpila zayingi.+ 2 Owau ku mbaninu a lumbu yayi okutuvoveselanga muna Mwan’andi,+ ona kasola kakala se mvingidi a vua dia lekwa yawonso,+ muna yandi kavangila e tandu.*+ 3 Yandi i ntemo a nkembo a Nzambi+ ye fwaniswa kiandi,+ osimbininanga lekwa yawonso muna mvovo a nkum’andi. Wau kavelelesa masumu meto,+ wavuanda kuna koko kwalunene kwa Nzambi Anene kuna zulu.+ 4 Dianu kasundidi ambasi,+ kadi wavua e nkumbu iviokele nkumbu zau o wete.+

5 Muna bonga e nona, nkia mbasi Nzambi kavovesa vo: “Ngeye u mwan’ame; o unu nkitukidi se diaku”?+ Wavova diaka vo: “Omono ikala se diandi, yandi okala mwan’ame”?+ 6 Kansi vava katuma diaka Mwan’andi antete+ ova ntoto, wavova vo: “Mbasi zawonso za Nzambi yambula bamfukamena.”

7 Wavova diaka mu kuma kia mbasi vo: “Okitulanga e mbasi zandi se mianda, e selo+ yandi se nlaku a tiya.”+ 8 Kansi mu kuma kia Mwana, wavova vo: “O Nzambi i kunda kiaku kia kimfumu+ yamu mvu ya mvu, e mvual’a Kintinu kiaku i mvual’a ziku.* 9 Ozolanga unsongi yo menga akuludi a nsiku. I kuma Nzambi wa Nzambi aku kakusila mazi+ yo kuvana e kiese lutila akwaku.”+ 10 Wavova mpe vo: “Ngeye e Mfumu ame, kuna lubantiku wakuba e nkubilwa za ntoto, e zulu i salu kia moko maku. 11 E ntoto ye zulu dikuyifwila, vo i ngeye okala kaka; yawonso ifwa nze mvuatu, 12 obundika o ntoto ye zulu nga nzaka yo soba yo nze mvuatu. Kansi ongeye kusobanga ko, e mvu miaku ke misuka nkutu ko.”+

13 Kansi nkia mbasi kavovesa vo: “Vuanda oku koko kwame kwalunene yavana isia e mbeni zaku se sikinua kia tambi yaku”?+ 14 Nga ke yau awonso ko i mianda besalanga salu kiavauka+ yo tumwa benda sadila awana bevuluzua e?