Wantete wa Ntinu

9 Vava Solomo kamana tunga e nzo a Yave ye nzo* a ntinu+ ye mawonso Solomo kazola vanga,+ 2 Yave wamoneka kwa Solomo mu nkumbu anzole, wauna kamonekena kwa yandi kuna Ngibone.+ 3 Yave umvovese vo: “Ngwidi e sambu kiaku ye ndomba zaku ova ndose ame. Mvaudi e nzo yayi otungidi, e nkumbu ame ikala mo yakwele mvu,+ o meso mame yo ntim’ame ukala mo ntangwa zawonso.+ 4 Vo i ngeye, avo odiatidi ova ndose ame wauna Davidi wa se diaku kadiatila,+ muna ntim’a sikila+ yo unsongi,+ wavanga mawonso ikanikini+ yo lemvokela nsiku miame ye nzengo zame,+ 5 ozevo isikidisa e kunda kia kimfumu kiaku muna Isaele yakwele mvu, wauna yasila Davidi wa se diaku o nsilu, oku vo: ‘Muna luvila lwaku ke mukondwa muntu ko ovuanda vana kunda kia kimfumu kia Isaele.’+ 6 Kansi, ongeye yo wan’aku avo nuyambwidi kundanda yo lembi lunda nkanikinu miame ye nsiku mina yasikidisa vovo nuina yo kwenda sadila nzambi zankaka yo vumbamene zo,+ 7 ozevo ifukisa Isaele muna nsi ina yabavana,+ e nzo eyi mpawidi mu kuma kia nkumbu ame, katula ikatula yo ova meso mame,+ Isaele ikituka se kuma kia luvezo* yo tusevo vana vena nkangu miawonso.+ 8 E nzo yayi ikituka se mazumbu.+ Awonso ana beviokela vo, besivika yo sika mumpiozi yo yuvula vo: ‘Ekuma Yave kavangidi e diambu diadi mu nsi yayi ye nzo yayi?’+ 9 Bevutula vo: ‘Kadi bayambwidi Yave wa Nzambi au, ona wavaikisa mase mau muna nsi a Engipito, bakwamanene sambila nzambi zankaka, bavumbamene zo yo sadila zo. Kiaki i kuma o Yave kabatwasidi e mpasi zazi zawonso.’”+

10 Kuna mfoko a mvu 20 mina Solomo katunga e nzo zau zole, nzo a Yave ye nzo* a ntinu,+ 11 Kirami+ wa ntinu a Turo ovene kwa Solomo mabaya ma nsedele ye sipelese ye wolo wawonso una kazola.+ O Solomo wa Ntinu ovene Kirami mavata 20 muna Ngalili. 12 Muna kuma kiaki, Kirami otukidi kuna Turo, wizidi tala mavata kamvene Solomo, kansi kayangalele mo ko.* 13 Ovovele vo: “E mpangi ame, nkia mpila mavata mama umpene?” I kuma meyikilwanga vo Ntoto a Kabule* yamu unu kiaki. 14 Kirami otwikidi 120 ma talanta* za wolo+ kwa ntinu.

15 Olwalu i lusansu lwa awana kabokelesa Solomo wa Ntinu muna sala e salu yangolo+ muna tunga nzo a Yave,+ nzo* a yandi kibeni, Kundubulu,*+ yaka ya Yerusaleme, Kaso,+ Mengido+ ye Ngeze.+ 16 (Faro wa ntinu a Engipito wizidi nuanisa Ngeze, obakidi yo, oyokele yo, ovondele mpe Anekenani+ bakala muna mbanza. Ovene yo se lukau* lwa sindikila mwan’andi,+ wa nkaz’a Solomo.) 17 Solomo otungidi* Ngeze, Bete-korone ya Yanda,+ 18 Balati+ yo Tama muna makanga ma nsi, 19 ye mbanza zawonso za malundilu ma Solomo, mbanza za makalu ma vita,+ mbanza za akwa mvalu ye mavata mawonso mana o Solomo kazola tunga muna Yerusaleme, muna Lebanone ye muna nsi yawonso ya luyalu lwandi. 20 Vo i awonso ana basala muna Aneyamore, Anekete, Aneperese, Anekivi yo Aneyebuse,+ ana ke bakala nkangu a Isaele ko,+ 21 wan’au ana basala muna nsi—ana ke bafukiswa ko kwa Aneyisaele—Solomo, ubabundwini muna salu yangolo yamu unu kiaki.+ 22 Kansi, o Solomo kasidi bunduna muntu ko muna Aneyisaele,+ kadi yau bakala se makesa mandi, selo, afidi, mbanda-mbanda ye mfumu za anati a makalu mandi ma vita ye akwa mvalu. 23 Vakala ye 550 ma mfumu z’akengi ana bavitanga ntu muna salu kia Solomo. Yau batuminanga asadi.+

24 Kansi, mwan’ankento a Faro+ okatukidi muna Mbanz’a Davidi+ otombokele kuna nzo andi ina Solomo kantungila; i bosi, Solomo otungidi Kundubulu.*+

25 Muna konso mvu+ Solomo nkumbu tatu katambikanga yimenga ya ngioka ye yimenga ya ungudi vana ziku dina katungila Yave,+ oyokele ndumbu vana ziku diakala vana ndose a Yave. I mbana kamana tunga e nzo.+

26 Solomo wa Ntinu ovangidi mpe nzaza zayingi kuna Esio-ngebe,+ ina kuna Elate vana kumu dia Mbu Ambwaki, muna nsi a Edome.+ 27 O Kirami otumini ntaudi zandi kumosi ye nzaza zazina,+ ana bakulukilwa e salu kia kalunga benda sala kumosi ye ntaudi za Solomo. 28 Bele kuna Ofire,+ babongele ko 420 ma talanta za wolo, batwese zo kwa Solomo wa Ntinu.