Wantete wa Petelo

5 Wau vo omono mpe i nkuluntu ye mbangi a mpasi za Kristu, ngina mpe ntwadi muna nkembo una usinga sengomonua,+ edi ndombele kw’akuluntu vovo nuina: 2 Nuvungula e kambi dia Nzambi+ dina nuavewa, nusalanga se akengi,* ke mu komekenua ko, kansi kuna mvevo vana ndose a Nzambi;+ ke mu vava nluta mu mpila yambi ko,+ kansi ye nsi a ntima wawonso; 3 ke nudiatidila ko awana bena se vua dia Nzambi,+ kansi nukala kaka se mbandu kwa kambi.+ 4 Vava mvungudi ambuta+ kesengomoka, nutambula kolowa a nkembo ilembi fwasakana.+

5 Diau dimosi mpe, yeno matoko, nusakalela ambuta.*+ Kansi yeno awonso nuvuata lulembamu vana vena muntu yo nkwandi, e kuma kadi Nzambi osianga akwa lulendo kitantu, kansi ovananga e nsambu kwa alembami.+

6 Dianu vo, nuyisakidika kuna nsi a koko kwankuma kwa Nzambi, kimana kanutundidika muna ntangwa ifwene,+ 7 ekolo nuyekekanga kwa yandi mawonso mekunutokanesanga,+ kadi mfunu kekunuvuanga.+ 8 Nulungalala, nuyingila!+ O mbeni eno Nkadi ampemba ozietanga nze nkosi ankwiti, kenda vavi ndiona kevempola.+ 9 Kansi nunsia kitantu yo lukwikilu lwasikila,+ wau nuzeye wo vo mpasi zau zimosi ziluakilanga mpangi zeno zawonso omu nza.+ 10 Kansi avo numwene mpasi mu kolo kiandwelo, o Nzambi a nsambu zawonso, ona wanubokela muna nkembo+ andi a mvu ya mvu muna Kristu, yandi kibeni okunukubika. Okunusikidisa,+ okunukumika+ yo toma kunusiamisa. 11 Kuna kwa yandi i kwina nkuma wa mvu ya mvu. Amen.

12 Muna Silwano*+ ona yibadikilanga vo mpangi a kwikizi, inusonekene mambu makete muna kunukasakesa yo kunusila umbangi vo e zazi i nsambu zakieleka za Nzambi. Nusikila mo. 13 E nsanga* ona wina muna Babele, ona wasolwa nze yeno, unutumini mavimpi, yo Maku+ mpe wa mwan’ame. 14 Nukayisa muntu yo nkwandi kuna ngemba.*

Yambula o luvuvamu lwakala yo yeno awonso luna muna Kristu.