Yobi

2 “Nkia kolo nukwamanana kumfungisa makasi,*+

Yo kunkosomona muna mvovo?+

 3 Nkumbu kumi nuntumbidi* kala;

Ke numwene nsoni ko wau numbwesese mpasi.+

 4 Avo diambu diambi mpangidi,

E mbi ame ina yame.

 5 Avo nukwamanene kuyitundidika vava ngina,

Yo vova vo tumbu kimfwanukini,

 6 Nuzaya wo vo Nzambi umpunini,

Umbakidi muna konde diandi.

 8 Okakidi nzil’ame ye yaka kia matadi, kilendi vioka ko;

Ofukidi mayendelo mame ye tombe.+

 9 Okatwidi nkembo ame

Okatwidi kolowa ova ntu ame.

10 Unkosomwene muna ndambu zawonso yamuna lufwasu;

Ovuzidi e vuvu kiame nze nti.

11 Makasi mandi mamfusukidi,

Umbwenene nze mbeni andi.+

12 E makesa mandi mezidi kumosi, manzietele,

Mazungidi saba kiame.

13 Okatwidi mpangi zame vava ngina, ubafididi kwandá,

Awana banzeye bantinini.+

14 Akundi ame* bangiambwidi,

Ana yatoma zaya, bamvilakene.+

15 Anzenza muna nzo ame+ ye ntaudi zame zamakento bambwenene vo i nzenza;

I musi nsi yankaka vana meso mau.

16 Mbokele ntaudi ame, kansi katambulwidi ko;

Indodokele kamfwila e nkenda.

17 E fulumwinu kiame se nkele kwa nkaz’ame,+

E nsudi ame se yangemi kuna kwa mpangi zame.*

18 E yindende nkutu bampezele;

Avo ntelamene, bayantikidi kunseva.

19 Akundi ame awonso bambengene,+

Awana yazolanga, bampilukìdi.+

20 Nitu ame se visi ye visi,*+

Fioti kaka fiasala, nga yafwa.*

21 Numfwila nkenda, numfwila nkenda, akundi ame,

Kadi koko kwa Nzambi kumpiakane.+

22 Ekuma nukwamanene kumbangikila wauna Nzambi kekumbangikilanga,+

Yo kwamanana kundwanisa?*+

23 Ekwe kele vo mvovo miame miasonekwa,

Miasonekwa muna nkanda!

24 Kele vo miasonekwa vana tadi yakwele mvu,

Muna lapi kia sengwa ye mbodi!

25 Kadi nzeye wo vo nkûdi ame+ una moyo;

I bosi kekwiza yo telama va ntoto.

26 O nkand’ame umene fwasakana

Ekolo yakinu moyo imona Nzambi,

27 Mono kibeni ikumona,

Ikumona muna meso mame, ke ma muntu ankaka ko.+

29 Numona wonga wa nsosolo,+

Kadi nsosolo utwasa tumbu kwa awana bevanganga mambu mambi;

Nuzaya wo vo vena yo mfundisi.”+