Wanzole wa Samuele

23 E miami i mvovo mia nsuka mia Davidi:+

 5 E nzo ame, nga ke wau ko ina vana ndose a Nzambi e?

8 E zazi i nkumbu za makesa mankuma ma Davidi:+ Yosebe-basebete wa Ntakemone i ntu a makesa matatu mankuma.+ Wavonda 800 za wantu muna dionga diandi mu nkumbu mosi. 9 Ona wanlandila, Elaza+ wa mwan’a Dodo,+ wa mwan’a Dodai, mosi muna makesa matatu mankuma ana bakala yo Davidi vava bafidisa Afelesetia e mpaka. Afelesetia bakutakana muna nwana e vita. Vava wan’a Isaele batina, 10 yandi watelama nangwi yo tufakesa Afelesetia yavana koko kwandi kwayoya yo zita mu kuma kia simba nsosolo.+ E lumbu kiakina, Yave ubavene nsund’ampwena;*+ i bosi, o nkangu unlende muna sanza mavua ma mvumbi.

11 Ona wanlandila i Sama wa mwan’a Ange wa Nkarara. Afelesetia vava bakutakana kuna Leki, kuna kwakala mpatu a wandu; nkangu utinini mu kuma kia Afelesetia. 12 Kansi, watelama nangwí vana kati kwa mpatu, watanina yo, wavonda Afelesetia, muna diadi Yave wabavana e nsund’ampwena.*+

13 Atatu vana vena ntu 30 mia makesa, bakulumukini kwa Davidi kuna nduk’a Adulami,+ muna nsungi a nkutika vava makesa ma Afelesetia basikidisa e ndo kuna Ndimb’a Refa.+ 14 Davidi wakala muna swekameno diandi,+ e buka kia makesa mantete ma Afelesetia kiakala kuna Beteleme. 15 I bosi, Davidi osongele luzolo lwandi, oku vo: “Ekwe vuina dia nua maza ma sima kina vana ndambu a vitu dia Beteleme!” 16 Muna kuma kiaki, makesa matatu mankuma makotele muna ndo ya Afelesetia muna kingolo, batekele maza muna sima kina vana ndambu a vitu dia Beteleme, batwese mo kwa Davidi; kansi kazolele mo nua ko, otiamwini mo vana vena Yave.+ 17 Ovovele vo: “E Yave, kilendi vanga diambu diadi ko! Aweyi ndenda nuina menga+ ma wantu ana basidi mioyo miau mu vonza?” Muna kuma kiaki, kazolele mo nua ko. Omama i mambu bavanga makesa mandi matatu mankuma.

18 Abisai+ wa mpangi a Yoabe wa mwan’a Seruya,+ wakala se ntu a makesa matatu mankaka; wavonda 300 za wantu muna dionga diandi, wakala ye tunda nze makesa matatu mantete.+ 19 Kanele vo waluta zitiswa muna yau atatu yo kala se ntu au, kansi kalwaka mu tezo kia makesa matatu mantete ko.

20 Benaya+ wa mwan’a Yoyada nkwa unkabu kakala, wavanga mambu mayingi manene kuna Kabisele.+ Wavonda wana wole a Ariele wa musi Moabe, muna lumbu kianoka e mvul’ampembe, wakulumuka muna sima, wavonda nkosi.+ 21 Wavonda mpe musi Engipito mosi wa ntel’andá. Kanele vo musi Engipito wakala ye dionga vana koko, Benaya wayenda kwa yandi yo nkau yo kutumuna dionga diakala vana koko kwa musi Engipito yo kumvondela muna dionga diandi. 22 Omama i mambu kavanga Benaya wa mwan’a Yoyada, e tunda diandi diafwanana ye makesa matatu mankuma. 23 Kana una vo wasunda 30 ma makesa o zitu, kalwaka muna tezo kia makesa matatu mankuma ko. Kansi Davidi wansola kakala se nyingidi andi.

24 Asaele+ wa mpangi a Yoabe i mosi muna 30 ma makesa: Elekanane wa mwan’a Dodo, wa musi Beteleme,+ 25 Sama wa Nkarodi, Eleka wa Nkarodi, 26 Kelese+ wa Mpalete, Ira+ wa mwan’a Yikese wa musi Tekoa, 27 Abieze+ wa Nyanatote,+ Mebunai wa musi Kusa, 28 Salemone wa Nyakoka, Marai+ wa musi Netofa, 29 Kelebe wa mwan’a Bana wa musi Netofa, Itai wa mwan’a Ribai wa Ngibeya a Anebenyamini, 30 Benaya+ wa musi Piratone, Idai wa musi ndimb’a Ngasi,+ 31 Abi-alebone wa Nyaeba, Azemavete wa musi Bakurimi, 32 Eleyakeba wa Nsalebone wa mwan’a Yasene, Yonatane, 33 Sama wa Nkarana, Akiami wa mwan’a Sarere wa Nkarana, 34 Elefelete wa mwan’a Akasabai wa mwan’a Anemaka, Eleyame wa mwan’a Akitofele+ wa Ngilo, 35 Kesero wa Nkamele, Palai wa Nyarabi, 36 Yingale wa mwan’a Natani wa musi Soba, Bani wa Ngadi, 37 Seleke wa Nyamone, Nakarai wa Mberote wa nati a nuaninua ya Yoabe wa mwan’a Seruya, 38 Ira wa Nyetere, Ngarebe wa Nyetere,+ 39 yo Uriya+ wa Nkete, awonso 37.